१ थेसलोनिकी 5:11 - थुलुङ राई

¹¹ मेम्‍मिमका गानी बेत्तोङा बोनिमिम होम्‍साकाङा इनीमा सो हन्‍बेबोमु नुङ माम्‍चु़नीडा हापा थो़रलु़मु लागि ख्‍लो़बेबेनी।

१ थेसलोनिकी 5:11 Iomraidhean Croise

रोमी 14:19

मेम्मिमका गुइ न-भ्रसी बेट्‍पा नुङ थो़रलु़पामिमका त्‍वाप-त्‍वापगोडा सो हन्‍बेट्‍पा ल्‍वाडा कोङङा न सोकी।

रोमी 15:14

आमा द्‍वादीबुङ वा-ल्‍वाकनी, गानी जो़पा न-गोकाम बुनी र्‍वाक्‍साका गो चक्‍पु। थेसीथेट्‍पा दु़म्‍निम बु मा त्‍वाप-त्‍वापगोडा सीमु चापा दु़म्‍निम बु।

रोमी 15:2

इकीमा त्‍वाकु साउखोरेलाई जो़पा दु़म्‍नु़ मा मेर्मिमकु थो़रलु़सीडा सोनुङमा दु़म्‍मिनु़ र्‍वाक्‍साका गुइ खोत्‍लेका मेर्मिमलाई गेर्सिबेन्‍मुमि बासी।

१ कोरिन्थी 10:23

गानी आरे र्‍वानी, “गुकुलाई बेबेद्‍वाक्‍पा ल्‍वा हाम लोवो बोमु नु़।” लावो खोत्‍ले ल्‍वाका जो़पा मेबेसा। “गुकुलाई बेबेद्‍वाक्‍पा ल्‍वा हाम लोवो बोमु चाम्‍कु।” लावो खोत्‍ले ल्‍वाका जो़पा लाम्‍दीडा मेक्रिसा।

१ कोरिन्थी 14:12

मेप्‍मामङा गानी वो माम्‍चु़नी-पेलकु राप्‍लावामिम ल्‍वामु छो़म न बेन्‍निमका मण्‍डली यु़मनुङमा दु़म्‍तो लक्‍पा राप्‍लावामिम माल्‍नी।

१ कोरिन्थी 14:29

माम्‍चु़नीलाम जेपामिम नले, सुलेका कोङङा जेमिनु़, मा वाङमिमका ने मेर्मिमका जेमिमिम ल्‍वा जो़होमका छाम्‍मिनु़।

१ कोरिन्थी 14:5

गानी खोत्‍लेका मे वाङ सामा ल्‍वाडा जेनी र्‍वाक्‍पा न बेउ, लावो मेरामडाम वो माम्‍चु़नीलाम जेनिमिम न बेउ। मण्‍डली यु़मनुङमा दु़म्‍तो लमुकाम लागि वाङ सामा ल्‍वाडा जेम्‍मा ल्‍वाकु दुथाम सो़मु चापा मु़चु़ सु़ वो मेबुमी माला वाङ सामा ल्‍वाडा जेमुडाम ने माम्‍चु़नीलाममिम जेसीङा जो़पा सो़।

२ कोरिन्‍थी 12:19

गुकु आकी त्‍वापलाई बोमु-थार्मु ओर्मिम खोत्‍ले ल्‍वा बोकुमिम र्‍वाक्‍पा हाम गानी मिम्‍निम बुनी? द्‍वादीबुङ ङोप्‍सो़नी, माम्‍चु़नीकु ङादोडा ख्रीष्‍टकु डु़ल्‍चो़मिम होप्‍माम दु़म्‍साका गुकु जेकु। गानीलाई सोनुङमा दु़म्‍बेन्‍मु लागि गुकु ओर्मिम खोत्‍ले खारी बोकु।

एफिसी 4:12

माम्‍चु़नीकु न होम्‍साका खारी बोमु चाप्‍मिनु़ र्‍वाक्‍साका उनीमा त्‍वाकु मु़चु़मिमलाई झो़म्‍सिबेन्‍मु लागि आरेसाका बेम्‍डी, मा ओरामलामका ख्रीष्‍टकु मण्‍डली बर्तो ल।

एफिसी 4:16

गुमीलामकाङा मिरो़मडाम खोत्‍ले अंगमिम गुमीडाङा दु़म्‍साका त्‍वाप-त्‍वापडा जो़होमका हाम्‍सिम्‍डिम बु। खोत्‍ले अंगमिमका त्‍वा-त्‍वाहोम खारी बोमिलो रिखामलामका सोनुङमा दु़म मा मिरो़म बर्तो ल।

एफिसी 4:29

वाङमिमलाई मेजो़पा दु़म्‍पा ल्‍वा मेजेनी, लावो थारी घ्रेट्‍पा नुङ नडा लक्‍पा ल्‍वा जेनी। मेराम ल्‍वाका मेर्मिमलाई जो़होमका ख्‍लो़पा दु़म्‍नु़।

१ थेसलोनिकी 4:10

खोत्‍ले माकेडोनियाडाम थो़रलु़पामिम खोत्‍लेलाई गानी आच्‍छाङा रिखाम बोनी। वा-ल्‍वाकनी, मेमकाङा आथावो हापा रिखाम बेत्तो लनी र्‍वाकु।

१ थेसलोनिकी 4:18

मेम्‍मिमका ओर्मिम ल्‍वाका खोत्‍लेकाम सो हन्‍बेबेनी।

१ तिमोथी 1:4

मा माके-माकेम हाम ना हामकु सो़म्‍दीमिमडा नुङ पाइमाखामिमडा नेम मेतानी र्‍वाक्‍साका मेर्मिमलाई चङचङया बाबेडामी। मेर्मिमका ने खालबेपा ल्‍वामिम कोङङा कक्‍सु़। मेर्मिम ल्‍वाका माम्‍चु़नीकु खारी बोमु हाम वो मेख्‍लो़यु़, माम्‍चु़नीकु खारी थो़र लु़साका दु़म।

हिब्रू 10:25

कोङनिमका थो़रलु़पामिमकाम घ्रो़म्‍दीडा मेलक्‍पा बादु़खाम दु़म्मिम होङङा घ्रो़म्‍दीडा लमु मेडिडी। लावो ङाचो़ येशू योमु खाप्‍मिमिम गानी खोत्‍लेका ल्‍वानिमिमका कोलेका कोङमीलाई आथावो छो़म सो हन्‍बेबिइ।

हिब्रू 3:13

हेल्‍लो लोवो गानी इनी त्‍वाप त्‍वापगोडा सो हन्‍बेबोमु बासी। मेम्‍मा “आनेप” र्‍वाकिमिम खोत्‍ले थारीसम्‍म गानी मेमङा बेनिम बानी। मेम मेबेनिवा माला गानीगोडाम कोङनिमका छु़लगोनो फोसो़ वाम्‍निमा लु़म्‍ला मेबेडिचो़ दु़म्‍बेनी।

२ पत्रुस 1:12

मेम्‍मिमका ओर्मिम गानी चक्‍निम बु मा गानीनुङ बाट्‌पा आच्‍छाङाकाम ल्‍वाडा गानी छो़म थो़रलु़निम बुनी लोवो ओर्मिम ल्‍वा गो गानीलाई हेल्‍लो लोवो मिम्‍बेनिनी।

यहूदा 1:20

लावो द्‌वादीबुङ ङोप्‍सो़नी, छो़म सेपा इनी थो़रलु़सीडा बर्तो लक्‍नी, मा माम्‍चु़नी-पेलडा सो़म्‍दी बेनी।