१ थेसलोनिकी 4:8 - थुलुङ राई

⁸ मेम्‍मिमका सु़का ओर्मिम सीसि मेद्‌वाकु़, मेरामका मु़चु़लाई मेएँ, माम्‍चु़नी-पेल ग्‍वाक्‍पा माम्‍चु़नीलाई मेद्‌वाकु़।

१ थेसलोनिकी 4:8 Iomraidhean Croise

लूका 10:16

येशूका उनी सीसिपामिमलाई र्‍वाम्‍डी, “उहेमका इनीमा ल्‍वा थो़सु़, मेरामका आमा ल्‍वा थो़सु़मिम होप्‍माम ङा सो़। उहेमका इनीमा ल्‍वा मेथो़सु़, मेरामका आमा ल्‍वा वो मेथो़सु़मिम होप्‍माम ङा सो़, मा उहेमका आमा ल्‍वा मेथो़सु़, मेरामका गोलाई थु़र्पा माम्‍चु़नीका र्‍वामिम वो मेथो़सु़मिम होप्‍माम ङा सो़।”

यूहन्‍ना 12:48

गोलाई मेद्‌वाक्‍पा, मा आमा सिजेम मेथो़पामिमकाम लागि नियाचो़ बुमी, मेराम गो ङादो जेङ्‌डोम ल्‍वाका हुक्‍पा थारीनेम मेराम मु़चु़लाई मुमा बेडु़।

थु़र्मा 13:41

‘ए डक्‍साका जेपा मु़चु़नी, रेप्‍नी, ङाङाया दु़म्‍निमा पुयु़ लुक्‍नी, हेङालोने इनी मिरो़मडा कोलेम कोले खारी बोमु खापुमिम बु, मेरामकु दुथाम कोङनिमका सो़यु़ ङा लोवो गानी हेल्‍लो वो थो़र मेलु़नी’।”

रोमी 5:5

हाम-हुम ल्‍वामु लागि हेल्‍लो वो इनी पाउ मेसोनु़। हेङालोने माम्‍चु़नी-पेललाम उनीमा रिखाम इकीमा न-गोडा देम्‍बेट्‌मिडिम बु।

१ कोरिन्थी 2:10

लावो माम्‍चु़नीका ओर्मिम ल्‍वा उनी पेललामका इकीमाडा रेम्‍बेम्‍डिम बु। माम्‍चु़नी-पेलका खोत्‍ले ल्‍वा माल्‍मी, मा माम्‍चु़नीकु गोनोम थेसिथेन्‍मु मेझापा ल्‍वा वो रेम्बोमी।

१ कोरिन्थी 7:40

लावो गुका लालीकुन्‍दा मेबेसाका बु माला छो़म गेर्सिमु ल्‍वासु़ र्‍वाक्‍पा लु़ङु। आमागोडा वो माम्‍चु़नी-पेल बुमी र्‍वाक्‍पा गो लु़ङु।

२ कोरिन्‍थी 1:22

गुइ गुमीकाम ङा र्‍वाक्‍साका गुमीका गुइडला उनीमा छेखोप ओप्‍मिडिम बु मा ङादो ग्‍वाक्‍पा बैना होप्‍मामङा इकीमा न-गोडा माम्‍चु़नी-पेल ग्‍वाक्‍साड्‌डामिम बु।

गलाती 4:6

गानी माम्‍चु़नीकु जाउमो तारापाचो़ दु़म्‍निमका गुमीका उनी त्‍वाकु तारापाचो़कु पेल इकीमा नगोडा थु़र्मिडी, मेराम पेलका माम्‍चु़नीलाई “ए अब्‍बा, ए पाप” र्‍वाक्‍साका र्‍वामी।

१ पत्रुस 1:12

माम्‍चु़नीका गुमीलाम-जेपामिमका जेम्‍डिम ल्‍वा मेर्मिमलाई जो़पा दु़म्‍पा मेएँ, लावो इनीमा लागि सो़ र्‍वाक्‍पा मेर्मिमनुङ रेम्‍बेम्‍डी। पाह्रीलामका माम्‍चु़नीका थु़र्मिडिम माम्‍चु़नी-पेलकु यु़मलामका मेर्मिमका गानीलाई थेसिथेन्‍बेट्‌निम बाइडा। ओराम ल्‍वा थेसिथेन्‍मु पाह्रीचो़मिमकाम वो छो़म उनी न बु।

२ पत्रुस 1:21

हेङालोने माम्‍चु़नीलाममिम जेसी हेल्‍लो वो मु़चु़कु नलामका लुक्‍ताम मेएँ, लावो माम्‍चु़नी-पेलका जेबेट्‌मिडिमा मु़चु़मिमका माम्‍चु़नीलाम जेम्‍डिम बाइडा।

१ यूहन्‍ना 3:24

माम्‍चु़नीका र्‍वामिमिम थो़पा मु़चु़मिम गुमीडा दु़म्‍मी मा गुमी मेर्मिम मु़चु़काडा दु़म्‍मी। गुमीका ग्‍वाक्‍साड्‌डामिम माम्‍चु़नी-पेललामका गुइ च, माम्‍चु़नी गुइनुङ बुमी।

यहूदा 1:8

मेप्‍मामङा इनी थेतेगोडा हुपा ओर्मिम मु़चु़ वो बुमी। मेर्मिम मु़चु़ ङिमा म्‍वामिमिम होम्‍साका दोमी मा छु़लका उनी त्‍वापलाई घ्राम्‍लु़पा बनेबोमी। मेर्मिमका माम्‍चु़नीकु साखाम मेद्‌वामी मा पाह्रीचो़मिमकु जो़प्‍सीकु दुथाम डक्‍साका जेमी।