१ थेसलोनिकी 4:6 - थुलुङ राई

⁶ सु़का वो आरेसाका लु-फेले बेसाका थो़रलु़पा वा-ल्‍वाकलाई मेजो़पा मेबु़नु़। गानीलाई गुकु ङादोङा र्‍वाक्‍तोकोम नुङ ङिमसाट्‌मा होम्‍साकाङा आरेप्‍माम खारी बेपालाई ङाचो़ येशूका देन्‍दे ग्‍वामी

१ थेसलोनिकी 4:6 Iomraidhean Croise

मर्कूस 10:19

मेसेन्‍मु, नाम्‍सु़रु़ मेबोमु, मेखुमु, लिमा ल्‍वा मेसो़मु, रारी मेबोमु, त्‍वाकु माम-पाप जो़होम बोमु र्‍वाक्‍पा डु़म्‍ला चना डे मेएँ?”

लूका 12:5

लावो गो गानीनुङ र्‍वाङु, इनीमा साम फ्‍याक्‍साक्‍पामा गानीलाई खादीगोयु़ घ्रोमु चापा यु़म बाट्‌पा माम्‍चु़नीनुङ ङिनी। आच्‍छाङा गो गानीलाई र्‍वाङु, गुमीनुङङा ङिनी।

लूका 16:28

हेङालोने मेसिन्‍डा आमा ङोले तारापा ल्‍वाकमिम बुमी, मा मेरामका मेर्मिमलाई र्‍वानु़। मेएँ माला ने मेर्मिम सिमिलो आरेप्‍मामङा दु़खा इम्‍मु बासिक्‍पा खादीगोयु़ मेयोमिनु़।’

रोमी 1:18

पाह्रीलाम माम्‍चु़नी पापकाम छोक्‍चो मु़चु़मिमकु छु़ल नुङ मेजो़पा खारीकु कोर्थो़लाम रेम्‍बेसिड्‍डाम बु। मेर्मिमकाम उनीमा त्‍वाकु मेजो़पा खारीकाङा आच्‍छाङाकाम सीसि रिप्‍डु़म बु।

रोमी 12:19

द्‍वादीबुङ वा-ल्‍वाकनी, गानीलाई मेजो़पा बेपामिमडला गानी वो मेजो़पा मेबेनी, मेर्मिम माम्‍चु़नीकु ल्‍वाड्‍डा ङा जु़ल्‍नी। हेङालोने माम्‍चु़नीकु सिजेमडा र्‍याक्‍मा बु, “निया बेपा खारी आमा सो़। गो ङा मेरामकु फुलु़ सोक्‍पु।”

रोमी 13:4

हेङालोने मेर्मिम ने इनीमा लागि जो़पा खारी बेपा माम्‍चु़नीकु डु़ल्‍चो़मिम सो़। लावो गानी मेजो़पा खारी बोनी माला ने ङिनी, हेङालोने मेर्मिमका मेडेङा कातु़रु़ मेबिम्‍सिमी। मेर्मिम ने मेजो़पा खारी बेपामिमडला देन्‍दे रेट्‍पा माम्‍चु़नीकु डु़ल्‍चो़मिम सो़।

२ कोरिन्‍थी 7:11

माम्‍चु़नीकु न होम्‍साका इनीमा न नो़डाम ल्‍वाका गानीगोडा हाम बु़डु़म बु र्‍वाक्‍पा मिम्‍नी। ओराम ल्‍वाका गानीगोडा त्‍वापलाई आच्‍छाङा जो़पा बोमु माल्‍पा हाङकोम इनीमा न, मेम्‍मा हाङकोम छोक्‍चो, हाङकोम ङिम, गोनुङ घ्रो़म्‍मु हाङकोम न, हाङकोम इनी पाउ मेसोक्‍पा, छु़ल बेपालाई देन्‍दे ग्‍वाक्‍पा हाङकोम न रेड्‍डु़म बु। खोत्‍ले ल्‍वाडा गानी इनी त्‍वापलाई हाम वो मेख्‍लो़ट्‌पा रेम्‍बेन्‍निम बु।

गलाती 5:21

नो़ मेनु़मु, डु़सेवा दु़म्‍मु, नसीहोम बोम्‍बाल्‍मु मा आरेप्‍मामङा वाङमिम खारी बोमु। आरेप्‍माम खारी बेपाका ने माम्‍चु़नीकु किब्‍दीगोडा हुमु मेल्‍वासु़। मेम्‍मिमका गानी चङचङया बानी र्‍वाक्‍साका ङादो वो र्‍वाङ्‍डोम बाइडा, मा ओम्‍लो वो र्‍वाक्‍तोङा बेउ।

एफिसी 4:17

मेम्‍मिमका ङाचो़कु नङडा गो गानीलाई छो़म र्‍वाङु, इनी बासी-दोसी माम्‍चु़नीलाई मेछेपा होप्‍माम मेदु़म्‍नु़। मेर्मिमकु मिम्‍सी ने हाम ना हामकाम दु़म।

एफिसी 4:28

खुपाका आथाडा आनो खुमु डिट्‌नु़ मा त्‍वाकाङा ब्राम्‍दु़ल्‍वा बु़नु़। मेम्‍मा खेरेला दु़म्‍पामिमलाई ग्‍वामु चाप्‍सु़नु़।

एफिसी 5:6

सु़का वो गानीलाई हाम ना हामकु ल्‍वा बेसाका लु-फेले मेबोनिमिनु़। हेङालोने माम्‍चु़नीका र्‍वामिमिम मेथो़साका आरेप्‍माम मेजो़पा खारी बेपा मु़चु़मिमलाई गुमीका देन्‍दे ग्‍वामी।

१ थेसलोनिकी 2:11

कोले पापका उ चो़मिमलाई बु़मिमिम होङङा गुकु इनीमा सो हन्‍बेत्तोको, लु़म्‍ला बेत्तोको, छो़म र्‍वाक्‍तोको, मेराम गानी चनिमिम बु।

२ थेसलोनिकी 1:8

गुमी मुकु भुल्‍मुडा योमिमा माम्‍चु़नीलाई मेछेपामिम, मा इकीमा ङाचो़ येशू ख्रीष्‍टकु जो़पा-सेला होम्‍साका मेबेपामिमलाई देन्‍दे ग्‍वामी।

हिब्रू 13:4

खोत्‍लेका लालीकुन्‍दा डोक्‍पु मिम्‍मु बासी मा वोचु़ नुङ मोचु़ उची त्‍वाप-त्‍वापडा थो़रलु़इमिम दु़म्‍मु बासी। नाम्‍सु़रु़ बेपा नुङ वाङमिम मेसेमनुङ अम्‍मु न बेपा मु़चु़काम माम्‍चु़नीका निया बोमी।

हिब्रू 2:6

माम्‍चु़नीकु सिजेमगोडाम कोले खोमडा आरेसाका र्‍याक्‍मा बु, “मु़चु़ ने हाम मा, गानी मेरामकु दुथाम मिम्‍ताम सो़र्ताम बोनी? मु़चु़कु तारापाचो़ ने हाम मा, गानी मेरामलाई मिम्‍नी?

याकूब 2:6

लावो गानी उ हाम वो मेबाट्‌पामिमलाई मेजो़पा बेन्‍निम बु। हाम खाप्‍चीचो़मिमका गानीलाई छेम-छेम मेडनिमि मा? मेर्मिमका गानीलाई रो़-रो़न्‍थु़त्तो अदालतडा मेलनिवा मा?

याकूब 5:4

इनीमा ये-दडा खारी बेप्‍साक्‍पा खारीचो़मिमलाई मेर्मिमका ल्‍वामु बासिक्‍पा खउलुङ मेग्‍वानिवा। रेप्‍नी, मेराम खउलुङकाङा डोक्‍पु लो़लामका इनीमा कोर्थो़लाम जे, मा खोत्‍लेडाम घ्‍ल्‍वापा मिप्रङमाका इनीमा खारीचो़ ख्राप्‍मिडिम थो़म्‍डिम बु।