१ थेसलोनिकी 4:5 - थुलुङ राई

⁵ माम्‍चु़नीलाई मेछेपा थो़रमेलु़पामिम होङङा मेसेमनुङ छो़म अम-अम द्‌वाक्‍पा ननुङमा मेदु़म्‍नी।

१ थेसलोनिकी 4:5 Iomraidhean Croise

मत्ती 6:32

माम्‍चु़नीडा थो़र मेलु़पामिमका डे आरेप्‍माम ल्‍वाकु मिम्‍ताम-सो़र्ताम बोमी, लावो पाह्रीला बाट्पा इनी माम्‍चु़नी पापका ओर्मिम खोत्‍ले गानीलाई बासी र्‍वाक्‍साका ङादोङा चमी।

लूका 12:30

माम्‍चु़नीडा थो़रमेलु़पा सु़म्‍दिसेरडाम खोत्‍ले मु़चु़मिमका कोङङा आरेसाका मिम्‍ताम-सो़र्ताम बोमी। लावो गानीलाई चाहेदु़म्‍पा ल्‍वा इनी माम्‍चु़नीका ङादोङा चमी।

थु़र्मा 17:23

ओराम शहरडा खिर्सिङडोलो इनीमा नो़पखोममिम वो रेप्‍तो। कोङ सासेन्‍खोप खोमडा ‘उ नङ मेचमा नो़पकाम लागि’ र्‍वाक्‍साका र्‍याक्‍मा बाइडा। गानी मेछेसाका ङा सेव साट्‌निम मेराम नो़पकु दुथाम ओम्‍लो गो सो़त्तोङा बेउ।

रोमी 1:24

मेम्‍मिमका मेर्मिमकु नका बोमु माल्‍लु़म घ्रामलु़पा खारी बेसीडाङा माम्‍चु़नीका डिट्‍जो़ल्‍मिडी मा मेर्मिमका उनी त्‍वापगोडाङा क्रो़मलु़पा खारी बेम्‍डी।

रोमी 1:26

मेम्‍मिमका माम्‍चु़नीका मेर्मिमलाई उनी घ्रामलु़पा न होम्‍साका खारी बोमु ग्‍वाम्‍डी। मेर्मिमका उनीमा त्‍वाकु वोचु़नुङ अम्‍मु डिसाका मेजो़पा नका मेसेम-मेसेम अम्‍मिडी।

रोमी 1:28

माम्‍चु़नीकु दुथाम चम्‍डिम ल्‍वा मेर्मिमका बोमु मेद्‍वाक्‍मिवामका गुमीका मेर्मिमलाई उनी मेजो़पा खारीङा बोमिनु़ र्‍वाक्‍साका डिट्‍जो़ल्‍मिडी।

१ कोरिन्थी 1:21

सु़म्‍दिसेरडाम मु़चु़मिमका उनी त्‍वाकु नेप्‍चीका माम्‍चु़नीलाई छेमु मेचाप्‍मिवा। मेम्‍मिमका माम्‍चु़नीकु नेप्‍ची होम्‍साका गुकु थो़बेत्तोकोम जो़पा-सेला नेप्‍ची मान्‍थिम होप्‍मामलामका थो़र लु़पामिमलाई सेल्‍मु माम्‍चु़नीका जो़पा लु़म्‍डी।

१ कोरिन्थी 15:34

न छ्‌याक्‍नी मा छु़ल बोमु डिट्‌नी। गो इनी क्रो़मलु़बेन्‍मु लागि र्‍वाङु, गानीगोडा याङका माम्‍चु़नी छेट्‌मिडिमङा मिबु।

गलाती 4:8

गानी माम्‍चु़नीलाई छेमु ङादो हाम ना हामकु नो़पमिमकु डु़ल्‍चो़ बान्‍नी, उहेम आच्‍छाङाकाम मेबायावा।

एफिसी 2:12

मेराम थारीका गानी ख्रीष्‍टडाम वाङ बान्‍नी। गानी माम्‍चु़नीका छेट्‌मिडिम सामा इस्राएलीनुङ हेमकेमङा मेबाट्‌पा वाङ नेब्‍दीलाम रोक्‍पा मु़चु़ होप्‍माम बान्‍नी, मा माम्‍चु़नीका मेर्मिमनुङ जेम्‍डिम याचे गानी मेचन्‍थाल्‍निवा, मा गानी सु़म्‍दिसेरडा बान्‍निलो हाम हुम ल्‍वामु न मेबेपा मा माम्‍चु़नी मान्‍थिम बान्‍नी।

कलस्‍सी 3:5

मेम्‍मिमका ङादो सु़म्‍दिसेरडाम मु़चु़मिम बान्‍निलो बेन्‍निम मेजो़पा इनी न सेट्‍नी। मेर्मिम ने, नाम्‍सु़रु़ बेसी, घ्राम्‍लु़पा खारी बेसी, वाङमिम मेसेमनुङ छो़म अमअम द्‌वाक्‍पा न, मेजो़पा खारी बेपा न, रारी बेसी। रारी बोमु ने ङाटा सेव सान्‍मु होप्‍मामङा सो़।

२ थेसलोनिकी 1:8

गुमी मुकु भुल्‍मुडा योमिमा माम्‍चु़नीलाई मेछेपामिम, मा इकीमा ङाचो़ येशू ख्रीष्‍टकु जो़पा-सेला होम्‍साका मेबेपामिमलाई देन्‍दे ग्‍वामी।

१ पत्रुस 4:3

वाङसामामिमका बोमु न बेम्‍डिम होङङा नाम्‍सु़रु़, वाङमिम मेसेमनुङ अम्‍पा न, डु़सेवा, एलेङगी बेसाका पेपा ग्रुलाडा नुङ घ्राम्‍लु़पा ङाटा सेव सासीडा गानी छो़म नेम ताबेट्‌नी।