१ थेसलोनिकी 4:17 - थुलुङ राई

¹⁷ मेकोतिमा गुइ सामबाट्‌पा ने ङाचो़ येशूलाई धामुला क्रो़म्‍डा मेर्मिमनुङङा खासेडलामका माम्‍चु़नीका कोक्‍सामी। मेम्‍लो आथाम हेल्‍लो लोवो गुइ ङाचो़ येशूनुङ दु़म्‍सिमिम बुइ।

१ थेसलोनिकी 4:17 Iomraidhean Croise

मत्ती 26:64

येशूका मेरामलाई तुम्‍डी, “अँ, गानी र्‍वाक्‍निम होमङा सो़। लावो गो गानी खोत्‍लेलाई र्‍वाङु, दिफु मिनीचो़लाई खोत्‍लेडाम घ्‍ल्‍वापा माम्‍चु़नीकु जो़पलाम गन्‍पा, मा धामुलाम खासेडलामका योक्‍तोङा बेपा गानी ल्‍वानी।”

मर्कूस 14:62

येशूका र्‍वाम्‍डी, “गो ङा, गानी मिनीचो़लाई माम्‍चु़नीकु जो़पलामका गन्‍तासिट्‌पा मा धामुला खासेडा योक्‍तोङा बेपा ल्‍वानी।”

यूहन्‍ना 12:26

उहेमका आमा चापेडुपे बु़, मेराम आमा चङचङ लाम्‍दिमु बासी, मा गो बान्‍ते बुङु, आमा डु़ल्‍चो़ वो मेसिङा दु़म। आमा चापेडुपे बेपा मु़चु़लाई आमा पापका डोक्‍पु बोमी।

यूहन्‍ना 14:3

गो लङुमा इनीमा लागि बाखोप झो़म्‍सिबेट्‌जो़लुमा योङु। मेम्‍मा गानीलाई लनिनी, मा गो बान्‍ते बुङु मेसिन्‍डा गानी वो दु़म्‍नी।

यूहन्‍ना 17:24

“पाआ, गानी गोलाई ग्‍वाङ्‌डिनिम मु़चु़मिम बान्‍ते गो बुङु, मेसिन्‍डा गोनुङ दु़म्‍मिनु़ र्‍वाक्‍पा आमा न बु। सु़म्‍दिमो ङादोङा गानी गोलाई रिखाम बेङ्‌डिनिमका ग्‍वाङ्‌डिनिम यु़म-झ्‍वाक्‍सी मेर्मिमका रेम्‍मिनु़ र्‍वाक्‍पा वो न बेउ।

थु़र्मा 1:9

येशूका ओराम ल्‍वा र्‍वामु डु़म्‍मिडिमा मेर्मिमका रेप्‍मिडी होङ्‍ङा गुमी धामुथो़ कोम्‍सिम्‍डी, मा खासेडा मेर्मिमकु मिक्‍सीलामडा दाम्‍मिडी।

थु़र्मा 8:39

मेर्चिप कुलामका पाखाडा लुक्‍गेच्‍ची, मा कोचोत्ति माम्‍चु़नी-पेलका फिलिपलाई वाङथो़ ङा लम्‍डी, मा मेरामका आथा ने फिलिपलाई मेल्‍वासु़वा, मा मे नपुंसक गेर्सी द्‌वाक्‍तो उ नेम ख्‍लोस्‍ता।

१ कोरिन्थी 15:52

घरिकोङकाङा, मिक्‍सीकु चिक्रिमकाङा, चङडाम थारीकु भुमकु लो़लामडा गुइ मिरो़मडा वाङ दु़म्‍सीमा ख्‍लोसिडी। हेङालोने भुम जे, मा सिपा मु़चु़मिम हेल्‍लो वो मेसिपा बेसाका बमी। गुइ नु़पामिम ने लाले मिरो़म ख्‍लोसिडी।

२ कोरिन्‍थी 5:8

इकीमा छो़म सो हन्‍पा बु मा ओराम मिरो़म डिसाका ङाचो़नुङ बुमु गुइ द्‌वाकी।

फिलिप्‍पी 1:23

गो ने हाम बोमु-बोमु दु़म्‍ङोडोम बु: गो ने भ्‍र्‍वाम्‍सिमुमा ख्रीष्‍टनुङ दु़म्‍मु आमा न बु। मेम बोमु ने आमा लागि छो़म जो़पा दु़म,

१ थेसलोनिकी 3:13

माम्‍चु़नीका गानीलाई छो़म थो़रनुङमा दु़म्‍बेनिमिनु़, मेम्‍साका इकी ङाचो़ येशू खोत्‍ले सेपा उनी मु़चु़मिमनुङ योमिलो माम्‍चु़नी पापकु ङादोडा गानी मेख्‍लो़ट्‌पा नुङ सेपा दु़म्‍नी।

१ थेसलोनिकी 4:15

ङाचो़ येशूका गुकुलाई र्‍वाम्‍डिम ल्‍वा गानीनुङ र्‍वाकु। ङाचो़ ख्रीष्‍ट ख्‍लोम्‍सिमिमिमनेम गुइ सामनुङमाका सिप्‍ल्‍याक्‍पामिमडाम ङादो गुमीलाई मेक्रो़म्‍डी।

१ थेसलोनिकी 4:18

मेम्‍मिमका ओर्मिम ल्‍वाका खोत्‍लेकाम सो हन्‍बेबेनी।

१ थेसलोनिकी 5:10

ख्रीष्‍ट योमिलो सिपा बुइ लोवो नु़पा बुइ लोवो गुमीनुङङा गुइ हेल्‍लो लोवो दु़म्‍सिनु़ र्‍वाक्‍साका इकीमा लागि ख्रीष्‍ट सिम्‍डी।

२ पत्रुस 3:13

लावो गुमीका गुइनुङ याचे जेम्‍डिम होङङा लाले पाह्री नुङ लाले सुबु लडी, मेसिन्‍डा खोत्‍ले माम्‍चु़नीकु न होप्‍माम दु़म।

रेम्‍बेट्‌मिडिम ल्‍वा 1:7

रेप्‍नी, येशू खासेडलामका योमुङा खाप्‍मी, मेम्‍मा खोत्‍ले मु़चु़मिमका गुमीलाई मिक्‍सीका ल्‍वामी। गुमीलाई क्रूसडला चेट्‌पामिमका वो गुमीलाई ल्‍वामी। मेम्‍मा सुबुडाम खोत्‍ले दोचो़गोडाम मु़चु़मिम गुमीडाम खोर्सेक्‍तो ख्राम्‍मि-दुमी। आरेङा दु़म्‍नु़। आमेन।

रेम्‍बेट्‌मिडिम ल्‍वा 11:12

मेम्‍मा मेर्चिपलाई पाह्रीलामका कोङ डोक्‍पु लो़लामका आरे र्‍वाक्‍ताम थो़च्‍ची, “आला गेची।” मेर्चिपकु स्‍वाक्‍चिमोमिमका रेप्‍मिडी होङङा खासेडलामका पाह्रीला लक्‍ची।

रेम्‍बेट्‌मिडिम ल्‍वा 12:5

हपका मोक्‍पा होप्‍माम सेलकु डु़लु़म्‍चो़का खोत्‍ले नेब्‍दीडा साखाम थो़पा कोले तारापाचो़ मे मेसेमका कस्‍तु़। मेम्‍मा मे तारापाचो़ पाह्रीचो़का माम्‍चु़नीकाला मा उनीमा साखाम थो़पा गन्‍खोपला लडु़।