१ थेसलोनिकी 4:13 - थुलुङ राई

¹³ वा-ल्‍वाकनी, ङादोङा अम्‍पामिमकु दुथाम चन्‍जो़ल्‍नी र्‍वाक्‍पा आकीमा न बु। मेम्‍मा सिइमिम चङडा आथावो नु़इ र्‍वाक्‍पा गानी मिम्‍निमिम ल्‍वा मेचक्‍पा मु़चु़मिम होङङा मेयेनि-मेख्राप्‍नी।

१ थेसलोनिकी 4:13 Iomraidhean Croise

मत्ती 27:52

सु़लु़ममिम ह्‌वाम्‍सिम्‍डी, मा माम्‍चु़नीकु हापा मु़चु़मिम सिम्‍डिम, सिमुलाम बम्‍गेम्‍डी।

यूहन्‍ना 11:24

मार्थाका र्‍वाक्‍ता, “हुक्‍पा थारीका सिमुलाम मु़चु़मिम बम्‍गेमिमिम नेम गु बगे र्‍वाक्‍पा गो चक्‍पु।”

थु़र्मा 13:36

“दाऊदकु साम बाइडामसम्‍म गुका माम्‍चु़नीकु न होम्‍साका खारीमिम बु़डु़। मेकोतिमा गु सिडा, मा उ ङाउ-खुउमिमकु सु़लु़मगोनो क्‍लु़म्‍मिडी, मा दाऊदकु रो़म झिप्‍स्‍ता।

थु़र्मा 7:60

मेकोतिलो ङा गुका क्रचु़खुम बु़ल्‍याड्‌डु़मा डोक्‍पु लो़लामका येस्‍ता, “येशू, ओर्मिमका हाम बेम्‍डी, मेरामकु देन्‍दे मेग्‍वाक्‍निमी।” आकोति र्‍वाक्‍तामा उ साम लस्‍ता।

थु़र्मा 8:2

माम्‍चु़नीकु सो़रलोले बेपामिमका स्‍तिफनसलाई लम्‍डिमा क्‍लु़म्‍मिडी, मा उमा दुथाम छो़म ख्राप्‍मिडी।

रोमी 1:13

द्‍वादीबुङ वा-ल्‍वाकनी, गो इनीमाडा हापा खेप रोक्‍पा न बेउतो लोवो ओम्‍लोसम्‍म रोमु चाप्‍तोम मिबु र्‍वाक्‍पा ल्‍वा गानी थेसिथेट्‍नी र्‍वाङु। वाङ सामामिमगोडा खारी बेउतोम होम्‍साका गानीगोडा वो खारी बेसाका मु़चु़मिमलाई ख्रीष्‍टडा रेट्‍पा आमा न बु।

१ कोरिन्थी 10:1

वा-ल्‍वाकनी, मोशाकु चङचङ लाम्‍दिपा इकी ङाउ-खुउमिमलाई हाम दु़स्‍ता र्‍वाक्‍पा गो गानीलाई मिम्‍बेन्‍मु आमा न बु। मे खोत्‍ले ङाउ-खुउमिम खासेकु बोसी-थार्सीगोयु़ हेवो मेदु़म्‍साका लालाम दिरिदिन झोसाका होनो होम्बु लम्‍डी।

१ कोरिन्थी 12:1

वा-ल्‍वाकनी, माम्‍चु़नी पेललाममिम राप्‍लावामिमकु दुथाम गानी मेचक्‍साका बानी र्‍वाक्‍पा आमा न मिबु।

१ कोरिन्थी 15:6

मेकोतिमा गुमी कोखेपकाङा ङो सङडाम वो हापा उनी सीसिपामिमकाडा रेम्‍बेम्‍सिम्‍डी। मेर्मिमगोडाम हापा मु़चु़मिम ओम्‍लो वो बुमी। लावो याङ-याङ ने सिमुदु़म्‍मडिम बु।

२ कोरिन्‍थी 1:8

वा-ल्‍वाकनी, गुकु एशियाडा दु़खा ल्‍वात्तोकोम ल्‍वाकु दुथाम गानी वो चन्‍जो़ल्‍नी र्‍वाक्‍पा आकीमा न बु। मेसिन्‍डा गुकु छो़म दु़खा ल्‍वात्तोको, मेराम गुकु इम्‍मुङा मेचाप्‍कुवामका आकी साम जु़ल्‍मु वो न सेत्तोकोम बाइडा।

एफिसी 2:12

मेराम थारीका गानी ख्रीष्‍टडाम वाङ बान्‍नी। गानी माम्‍चु़नीका छेट्‌मिडिम सामा इस्राएलीनुङ हेमकेमङा मेबाट्‌पा वाङ नेब्‍दीलाम रोक्‍पा मु़चु़ होप्‍माम बान्‍नी, मा माम्‍चु़नीका मेर्मिमनुङ जेम्‍डिम याचे गानी मेचन्‍थाल्‍निवा, मा गानी सु़म्‍दिसेरडा बान्‍निलो हाम हुम ल्‍वामु न मेबेपा मा माम्‍चु़नी मान्‍थिम बान्‍नी।

एफिसी 2:3

गुइ वो कोखेप मेर्मिम होप्‍मामङा बाइडी। त्‍वाकु मिरो़म नुङ नका र्‍वाक्‍ताम मेजो़पा ल्‍वा होम्‍साका दोस्‍थाल्‍ली। मेम्‍साका इकीमा त्‍वाकु मेजो़पा न होम्‍साका दोसिवाम माला गुइ वो वाङमिम होम्‍साकाङा माम्‍चु़नीकु देन्‍दे ल्‍वामु बासिक्‍पा बाइडा।

१ थेसलोनिकी 4:14

येशू सिम्‍डी मा आथावो बम्‍गेम्‍डी र्‍वाक्‍पा गुइ थो़रलु़इ। मेम्‍मिमका येशूडा थो़रलु़साका सिपा मु़चु़लाई माम्‍चु़नीका फमिमा येशूनुङ रेन्‍मी र्‍वाक्‍पा थो़रलु़इमिम बु।

१ थेसलोनिकी 4:15

ङाचो़ येशूका गुकुलाई र्‍वाम्‍डिम ल्‍वा गानीनुङ र्‍वाकु। ङाचो़ ख्रीष्‍ट ख्‍लोम्‍सिमिमिमनेम गुइ सामनुङमाका सिप्‍ल्‍याक्‍पामिमडाम ङादो गुमीलाई मेक्रो़म्‍डी।

१ थेसलोनिकी 5:10

ख्रीष्‍ट योमिलो सिपा बुइ लोवो नु़पा बुइ लोवो गुमीनुङङा गुइ हेल्‍लो लोवो दु़म्‍सिनु़ र्‍वाक्‍साका इकीमा लागि ख्रीष्‍ट सिम्‍डी।

१ थेसलोनिकी 5:6

मेम्‍मिमका वाङमिम मु़चु़ होङङा मेअम्‍सी, चङचङया बुइ, मा त्‍वापलाई जो़होमका जु़ल्‍पा दु़प्‍सी।

२ पत्रुस 3:4

मेर्मिमका र्‍वामी, “येशू आथावो योङु र्‍वाक्‍साका याचे जेम्‍डिम हे दु़स्‍ता? सु़म्‍दिसेर प्रङ्‌स्‍तामा सु़म्‍दिमो आथाम इकी ङाउ-खुउ बाम्‍डिमकु ङादोम थारी आथाम खोत्‍ले ल्‍वा मेङा बुहोम बु।”

२ पत्रुस 3:8

लावो द्‌वादीबुङ ङोप्‍सो़नी, ओराम कोले ल्‍वा गानी मेप्‍ल्‍वानी: ङाचो़काम लागि कोलेम को धु़मसङ थ (१,०००) मा को धु़मसङ थ कोलेम होप्‍मामङा बु।