१ थेसलोनिकी 4:12 - थुलुङ राई

¹² मेम्‍साका थो़रमेलु़पा मु़चु़मिमका इनीमा बेसी-पेसी जो़पा मिम्‍मी, मा गानी वाङमिमनुङ बिमु वो मेबासी।

१ थेसलोनिकी 4:12 Iomraidhean Croise

मर्कूस 4:11

गुमीका मेर्मिमलाई र्‍वाम्‍डी, “माम्‍चु़नीकु किब्‍दी हाम र्‍वाक्‍साका आच्‍छाङा छेपा सामा गानीलाई कोङङा ग्‍वाक्‍मा बु। लावो माम्‍चु़नीकु किब्‍दी पाखानोममिमलाई ने सीसि-सो़म्‍दीडा कोङङा खोत्‍ले गो सो़उ।

रोमी 12:17

कोङनिमका गानीलाई मेजो़पा बेन्‍नी र्‍वाक्‍साका मेरामलाई वो मेजो़पा मेबेनी। खोत्‍ले मु़चु़मिमका डोक्‍पु मिम्‍मिडिम ल्‍वाडा कोङङा न सोक्‍नी।

रोमी 13:13

मेम्‍मिमका ओलडा बोमु घ्रेट्‍पा बेसाका खारी बिइ, एलेङगी बेपा, डु़सेवा, मेजो़पा न-गोका दोपा, नाम्‍सु़रु़, क्‍वाल्‍बा, नाचु़र बेसी मेनु़।

एफिसी 4:28

खुपाका आथाडा आनो खुमु डिट्‌नु़ मा त्‍वाकाङा ब्राम्‍दु़ल्‍वा बु़नु़। मेम्‍मा खेरेला दु़म्‍पामिमलाई ग्‍वामु चाप्‍सु़नु़।

फिलिप्‍पी 4:8

हुम-दडा, वा-ल्‍वाकनी, जो़पा नुङ कोमुका घ्रेट्‌पा ल्‍वामिम इनीमा नडा मिम्‍नी। मेर्मिम ल्‍वा: आच्‍छाङाकाम, डोक्‍पु मिम्‍मुका घ्रेट्‌पा, माम्चु़नीकु मिक्‍सीलामडा जो़पा, सेपा, द्‌वादीबुङ, सो़मुका घ्रेट्‌पा।

कलस्‍सी 4:5

येशूडा थो़र मेबेपा मु़चु़मिमनुङ बुनी-दोनिलो चङको-चङको बान्‍सिट्‌नी। खोत्‍ले जो़पा थारीका ख्रीष्‍टकु दुथाम मेर्मिमनुङ सो़मु झो़म्‍जो़ल्‍सिट्‌नी।

१ थेसलोनिकी 5:22

मेजो़पा खोत्‍ले ल्‍वाडाम वाङ बानी।

१ तिमोथी 3:7

बिशप थो़र मेलु़पामिमका वो जो़पा मिम्‍मिमिम दु़म्‍मु बासी, मेम्‍साका मु़चु़मिमका उमा दुथाम मेजो़पा जेमु मेल्‍वामी मा शैतानकु पेरडा मेहु।

१ पत्रुस 2:12

थो़रमेबेपा इनी साउखोरेमिमकु थेतेडा चङको-चङको दु़म्‍साका जो़होमका बानी। गानी मेजो़पा खारी बेन्‍नी र्‍वाक्‍साका मेर्मिमका मेजो़पा ल्‍वा इनी बुइडला बुम्‍डिङा लोवो मेर्मिमका जो़पा इनी खारी ल्‍वामिनु़, मा सु़म्‍दिसेरकु निया बेप्‍डा योमिमिमनेम मेर्मिमका माम्‍चु़नीलाई डोक्‍पु मिम्‍मिनु़।

१ पत्रुस 3:1

गानी नाइमेमिम वो मेम्‍साकाङा इनी त्‍वाकु वोचु़कु साखामगोडा बानी, मा मेर्मिमका माम्‍चु़नीकु सिजेमडा थो़र मेबोमी माला वो हाम वो मेसो़साका उनी नाइमेमिमकु बासी-पेसीलामका,