१ थेसलोनिकी 4:11 - थुलुङ राई

¹¹ ङादो गुकु गानीलाई र्‍वाक्‍तोकोम होङङा लिवा बानी, त्‍वाकु खारी मिम्‍पा दु़म्‍नी, त्‍वाकाम लागि त्‍वाकाङा खारी बेनी।

१ थेसलोनिकी 4:11 Iomraidhean Croise

मर्कूस 13:34

ओराम ने कोङ नेम-हपका उ नेमगोडाम खोत्‍ले डु़ल्‍चो़मिमकु त्‍वा-त्‍वाहोम ल्‍वाडा पार्जो़लु़मा उमा नेम लपा मु़चु़लाई चङचङया बाया वो र्‍वाजो़लमा उमा नेम डिसाका वाङथो़ लमिम होप्‍माम ङा बु।

थु़र्मा 18:3

हेङालोने पावल वो मेर्चिप होप्‍माम ङा पाल बनेबेपा मु़चु़ बाइडा, गु मेर्चिपनुङ बासाका कोयोङा खारी बु़डु़।

थु़र्मा 20:35

खोत्‍ले ब्राम्‍दु़ल्‍वा बेउतोमा गानीलाई रेम्‍बेट्‌निनिम बु सो़। गानी वो आरेसाकाङा छो़निमा मेचापामिमलाई ख्‍लो़मुमि बासी। येशूका र्‍वाम्‍डिम ओराम सिजेम मिम्‍नी सो़ ‘ग्‍वामु ङा रमुडाम वो आलाकाम दु़म सो़’।”

रोमी 12:11

इनी सो हन्‍बेसाका खारी बेनी, भ्रेपा मेदु़म्‍नी। इनीमा न-गोलामङा सो हन्‍बेसाका ङाचो़कु खारी बेनिम बानी।

रोमी 15:20

वाङमिमका चो़म्‍मिडिम जगडला नेम बनेबोमु चो़म्‍मा होम्‍साका वाङमिमका जो़पा-सेला दो़मु चो़म्‍मिडिम खोमडा गो मेदो़उ। ख्रीष्‍टकु दुथाम थो़मुङा मेथो़मिवाम मा वाङमिमका जो़पा-सेला मेदो़मिवाम खोमडा कोङङा गो जो़पा-सेला दो़मु द्‍वाक्‍पु।

१ कोरिन्थी 4:12

आकी पोमु-डुमुकाम लागि आकी त्‍वाकु ल्‍वाका ब्राम्‍दु़ल्‍वा बोकु। मु़चु़मिमका वाइतो बेन्‍किमिलो गुकु जि-वा ग्‍वाकु। मु़चु़मिमका आकी थो़मतेर्मिलो इम्‍सिन्कु।

२ कोरिन्‍थी 5:9

मेम्‍मिमका गुइ मिरो़मडा बुइ लोवो मिरो़मडाम वाङ बुइ लोवो गुमीलाई गेर्सिबेन्‍मुङा इकीमा न दु़म।

एफिसी 4:28

खुपाका आथाडा आनो खुमु डिट्‌नु़ मा त्‍वाकाङा ब्राम्‍दु़ल्‍वा बु़नु़। मेम्‍मा खेरेला दु़म्‍पामिमलाई ग्‍वामु चाप्‍सु़नु़।

१ तिमोथी 2:2

मा हपमिम नुङ साखामचो़मिम खोत्‍लेकाम लागि सो़म्‍दी बेनी। मेम्‍मा गुइ माम्‍चु़नीकु सो़रलोले बोमु नुङ उनीमा नङ कोक्‍साका न भ्रसिक्‍तो जो़होमका बुमु ल्‍वासी।

१ तिमोथी 5:13

मेम कोङङा मेबोमी, मेर्मिम भ्रेपा दु़म्‍मिमा मु़चु़कु नेम-नेम लमी। मेम्‍मा मु़चु़कु ल्‍वा बेपा, वाङमिमकु खारीडा ल्‍वा फिक्‍पा, जेसी मेनु़पा ल्‍वा जेसाका नेमतापा दु़म्‍मी।

तीतस 3:14

गुइ थो़रलु़पामिम खोत्‍लेका जो़पा खारी बोमु माल्‍पा दु़म्‍मु बासी। मेम्‍साका खेरेला दु़म्‍पा मु़चु़मिमलाई ख्‍लो़मुमि बासी। मेम्‍मा गुइ हाम ना हामकाम मेदु़म्‍सी।

१ पत्रुस 3:4

इनीमा जो़प्‍सी ने न-गोलाममिम दु़म्‍मु बासी। मेराम हेल्‍लो वो मेदाम्‍पा याक्‍के दु़म्‍सी नुङ लिबा बासी सो़। माम्‍चु़नीकु ङादोडा मेराम हापा थिकाम दु़म।

१ पत्रुस 4:15

गानी दु़खा ल्‍वानी माला मु़चु़ सेट्‌पा, खुपा, मेजो़पा खारी बेपा, वाङमिमकु खारीडा थेट्‌पा लिसिक्‍पा होङङा दु़खा मेल्‍वानी।