१ थेसलोनिकी 3:6 - थुलुङ राई

⁶ लावो इनीमालामका तिमोथी ओम्‍लो आकीमाडा रोक्‍ताम बु, मा इनीमा थो़र नुङ रिखामकु दुथाममिम भ्रपा ल्‍वा रेड्‌डु़म बु। गानी हेल्‍लो लोवो गेर्सिद्‌वाक्‍तो गुकुलाई मिम्‍किनी ए, मा गुकुनुङ घ्रो़म्‍मु न बोनी ए र्‍वाक्‍साका गुका सो़यु़डु़। मेम्‍साकाङा गुकु वो गानीलाई क्रो़म्‍मु न बोकुमिम बु।

१ थेसलोनिकी 3:6 Iomraidhean Croise

थु़र्मा 16:1

पावल डर्बी नुङ लुस्‍त्रा शहरडा वो रोक्‍ता। मेसिन्‍डा तिमोथी र्‍वाक्‍मा कोले सीसिपा बाइडा। मेराम कोले थो़रलु़पा यहूदी मेसेमकु तारापाचो़ बाइडा, लावो उ पाप ने ग्रीक बाइडा।

थु़र्मा 18:1

मेकोतिमा पावल एथेन्‍सलामका कोरिन्‍थ शहरडा लस्‍ता।

थु़र्मा 18:5

सिलास नुङ तिमोथी माकेडोनियालामका रोक्‍फाट्‌ची, मा पावलका हेल्‍लो लोवो माम्‍चु़नीकु सिजेम कोङङा दो़स्‍तु़होम बाइडा। गुका यहूदीमिमलाई येशू ङा ख्रीष्‍ट र्‍वाक्‍पा सीड्‌डु़मी।

१ कोरिन्थी 11:2

खोत्‍ले ल्‍वाडा गानी गोलाई मिम्‍ङिनी, मा गो गानीलाई ग्‍वानिनिम सीसि झेन्‍थानिमिमका, गो गानीलाई कोनिनी।

१ कोरिन्थी 13:13

थो़र, हाम-हुम ल्‍वापा न, नुङ रिखाम ओर्मिम सुले हेल्‍लो लोवो दु़म्‍मिम बुमी। लावो ओर्मिमगोडा खोत्‍लेडाम डोक्‍पु ने रिखाम सो़।

गलाती 5:6

गुइ ख्रीष्‍ट येशूडा थो़रलु़पामिमकाम लागि ने कोक्‍ते खिरिरि क्रिप्‍डी लोवो मेक्रिप्‍डी लोवो मेराम हाम वो मेएँ। लावो कोलेङा डोक्‍पु ल्‍वा बु, मेराम ने रिखामनुङमा दु़म्‍साका खारी बेपा थो़र सो़।

फिलिप्‍पी 1:8

ख्रीष्‍ट येशूकु रिखामका गो गानीलाई हाङको मिम्‍निनी मेराम माम्‍चु़नीका चमी।

कलस्‍सी 1:4

हेङालोने ख्रीष्‍ट येशूडलाम इनीमा थो़र नुङ माम्‍चु़नीकु खोत्‍ले मु़चु़मिमडलाम इनीमा रिखामकु दुथाम गुकु थो़त्तोकोम बु।

कलस्‍सी 4:18

गो पावल, ओराम सेव आमा त्‍वाकु ल्‍वाकाङा र्‍याक्‍तोङा बेउ। गो चसिक्‍पा बुङु र्‍वाक्‍पा मिम्साका सो़म्‍दी बेनी। माम्‍चु़नीकु दिदाम गानीनुङ दु़म्‍नु़।

१ थेसलोनिकी 1:3

थो़रका बेबेट्‌निम इनीमा खारी, रिखामका बेबेट्‌निम ब्राम्‍दु़ल्‍वा नुङ इकीमा ङाचो़ येशू ख्रीष्‍टडाम हाम हुम ल्‍वापा नका बेबेट्‌निम इनीमा इम्‍सी माम्‍चु़नी पापनुङ सो़म्‍दी बोकुलो मिम्‍कुम बुकु।

१ थेसलोनिकी 2:17

वा-ल्‍वाकनी, गुकु घरिकोङ गानीडाम फ्‍वासिक्‍तोको लोवो आकीमा न-गोका गानीलाई हेल्‍लो वो मेडिट्‌कुवा। गुकु इनीमाडा ख्‍लोम्‍सिमु छो़म माल्‍तोको हेङालोने गानीनुङ आथावो घ्रो़म्‍मु छो़म न बेत्तोकोम बाइडा।

१ थेसलोनिकी 2:9

वा-ल्‍वाकनी, गुकु मेचाप्‍तो खारी नुङ ब्राम्‍दु़ल्‍वा बेत्तोकोम ने गानी चनिमिमङा बु। माम्‍चु़नीकु जो़पा-सेला गानीलाई थो़बेत्तोकोलो पोमु-डुमुडा भुक्‍ता मेग्‍वामुमि र्‍वाक्‍साका नेम्‍फु सिन्‍था खारी बेत्तोको।

१ थेसलोनिकी 3:7

मेम्‍मिमका वा-ल्‍वाकनी, इनीमा थो़रका खोत्‍ले आकीमा दु़खाडा नुङ थो़मतेर्सीडा वो आकीमा सो हन्‍डाम बु।

२ थेसलोनिकी 1:3

वा-ल्‍वाकनी, इनीमा लागि गुकु हेल्‍लो लोवो माम्‍चु़नीलाई आलासो़ ग्‍वामुङा बासी। ओराम जो़पा दु़म, हेङालोने ख्रीष्‍टडा गानी छो़म थो़रलु़त्तो लनिम बु, मा वाङमिम मु़चु़नुङ वो छो़म रिखाम बेबोनिमिम बु।

१ तिमोथी 1:5

गो बेबेट्‌निम ल्‍वाका र्‍वामु मालु़मिम ने रिखाम बेबोमु सो़। मेराम रिखाम ने जो़पा गो, जो़पा ल्‍वा माल्‍पा न नुङ आच्‍छाङा थो़र लु़साका रो।

२ तिमोथी 1:3

हेल्‍लो लोवो गो गानालाई सो़म्‍दीडा मिम्‍निलो माम्‍चु़नीलाई आलासो़ ग्‍वाक्‍पुमी। आमा ङाउ-खुउमिमका बेम्‍डिम होम्‍साका गो उनीमा जो़पा नेप्‍चीका लाले-पाङके बेउ।

फिलेमोन 1:5

हेङालोने ङाचो़ येशूडला बेन्‍नाम इमा थो़र नुङ माम्‍चु़नीकु मु़चु़मिमलाई बेत्तोङा लेनामिम रिखामकु दुथाम गो थो़उतोम बु।

हिब्रू 13:3

गानी वो मे चसिक्‍पा मु़चु़मिमनुङङा चन्‍सिट्‌निम होङङा मिम्‍नी, मा मेजो़पा बेम्‍डिम मु़चु़मिमनुङङा इनी मिरो़मडा मेजो़पा बेला सो़न्‍सिट्‌निम होङङा मेर्मिमलाई मिम्‍नी।

हिब्रू 13:7

गानीलाई माम्‍चु़नीकु सिजेम थो़बेट्‌पा मण्‍डलीडाम ङाउमिमलाई मिम्‍नी। मेर्मिमका हाम बेम्‍थाल्‍मिडी मा हेसाका सिम्‍डी मेराम इनीमा नगोडा जु़ल्‍नी। मेर्मिमका थो़र लु़म्‍डिम होम्‍साका गानी वो थो़रलु़नी।

१ यूहन्‍ना 3:23

गुमीका गुइलाई बेबेसाड्‌डामिम ल्‍वा ओरामङा सो़: उनीमा तारापाचो़ येशू ख्रीष्‍टडा गुइ थो़र लु़मु बासी, मा गुमीका बेबेसाड्‌डामिम होङङा कोलेका कोलेलाई रिखाम बोमु बासी।