१ थेसलोनिकी 3:4 - थुलुङ राई

⁴ गुकु गानीनुङ बात्तोकोलो इकीमा थो़मतेर्साक्‍सामी र्‍वाक्‍थाल्‍तोको। आच्‍छाङा मेमङा दु़स्‍ता, मेराम गानी जो़होमका चनी।

१ थेसलोनिकी 3:4 Iomraidhean Croise

मत्ती 24:25

थो़नी, ओराम ल्‍वा गानीनुङ ङादोङा र्‍वाङ्‌डोम बु।

थु़र्मा 17:1

पावल नुङ सिलास अम्‍फिपोलिस नुङ अपोल्‍लोनियालामका थेसलोनिके शहरडा रोक्‍ची। मेसिन्‍डा यहूदीमिमकु कोले घ्रो़म्‍दीनेम बाइडा।

थु़र्मा 17:13

लावो पावलका बेरियाडा वो माम्‍चु़नीकु सिजेम दो़सु़म बु र्‍वाक्‍पा थेसलोनिकेडाम यहूदीमिमका थो़म्‍डी। मेकोतिमा मेर्मिम मेसिन्‍डा वो रोम्‍डी। मेम्‍मा सेर्पा मु़चु़मिमलाई सिल्‍साका पावलकु कोर्थो़लाम फम्‍डी।

थु़र्मा 20:24

लावो गो आमा मिरो़म त्‍वाकाम लागि हाम होङ्‍ङा वो मेलु़ङु। गो आकोति कोङङा मालुमिम बु– येशू ख्रीष्‍टका गोलाई ग्‍वाङ्‌डिमिम माम्‍चु़नीकु दिदामकु दुथाममिम जो़पा-सेलाकु खारी गो मेङेसिसाका बोम्‍सोमु चापुनु़।

१ थेसलोनिकी 2:14

हेङालोने वा-ल्‍वाकनी, ख्रीष्‍ट येशूडा बाट्‌पा यहूदियाडाम माम्‍चु़नीकु मण्‍डलीमिमकु बेसी गानी बेन्‍निम बु। मे थो़रलु़पामिमलाई त्‍वाकु मु़चु़ यहूदीमिमकाङा दु़खा ग्‍वाम्‍डिम होङङा गानीलाई वो इनीमा नेब्‍दीडाम मु़चु़मिमका दु़खा ग्‍वानिमिम बु।

१ थेसलोनिकी 2:2

गुकु इनीमाडा रोमु ङादोङा फिलिप्‍पी शहरडा हाङको छो़म मेजो़पा बेत्तिकिमी, मा दु़खा ग्‍वाक्‍तिकिमी, मेराम गानी चनी। मु़चु़मिम छो़म आकी कोर्थो़लाम बम्‍डिङा लोवो माम्‍चु़नीका ख्‍लो़त्तिकिमका मेङिसाका गुकु उनीमा जो़पा-सेला गानीलाई थो़बेत्तोको।

२ थेसलोनिकी 2:5

गो गानीनुङ बाङडोलो र्‍वाङडोम ओराम ल्‍वा हाम मेमिम्‍नी?

२ थेसलोनिकी 3:10

गुकु गानीनुङ बात्तोकोलो गानीलाई आरे र्‍वाक्‍तोकोम बाइडा, “उहेमका खारी बोमु न मेबु़, मेरामका मेपु़नु़ मेडुङु़नु़।”