१ थेसलोनिकी 3:11 - थुलुङ राई

¹¹ माम्‍चु़नी इकी पाप नुङ इकी ङाचो़ येशूका गुकुलाई गानीनुङ क्रो़म्‍बेन्‍किमिनु़।

१ थेसलोनिकी 3:11 Iomraidhean Croise

मत्ती 6:14

“इनी कोर्थो़लाम बक्‍पामिमकु छु़ल हेम्‍साट्‌नी माला पाह्रीला बाट्‌पा माम्‍चु़नी इनी पापका वो इनी छु़लमिम हेम्‍सानी।

मत्ती 6:18

मेम्‍साका गानी उपास बुनिमिम मु़चु़मिमका मेएँ, मेल्‍वासिमिम माम्‍चु़नी इनी पापका ल्‍वामिनु़। मेल्‍वाहोमका खारी बेम्‍मा ल्‍वापा माम्‍चु़नी पापका गानीलाई पुरस्‍कार ग्‍वानी।

मत्ती 6:26

चक्‍पुमिमलाई रेप्‍नी, मेर्मिमका मा-के मेख्‍लिमी, मा मेहिम्‍मी, छेदेनेमडा वो मेजु़ल्‍मी, लावो पाह्रीलाम माम्‍चु़नी इनी पापका मेर्मिमलाई पोमु-डुमु ग्‍वामी। माम्‍चु़नीकाम लागि हाम गानी मेर्मिमडाम वो हापा थिकाम मेबुनी मा?

मत्ती 6:32

माम्‍चु़नीडा थो़र मेलु़पामिमका डे आरेप्‍माम ल्‍वाकु मिम्‍ताम-सो़र्ताम बोमी, लावो पाह्रीला बाट्पा इनी माम्‍चु़नी पापका ओर्मिम खोत्‍ले गानीलाई बासी र्‍वाक्‍साका ङादोङा चमी।

मत्ती 6:4

मेम्‍साका मु़चु़मिमलाई गानी हाम-हुम ग्‍वानिलो सु़का वो मेल्‍वाहोमका ग्‍वाक्‍नी। मेम्‍मा मेल्‍वाहोमका खारी बोनिमिम ल्‍वापा माम्‍चु़नी इनी पापका गानीलाई पुरस्‍कार ग्‍वानिमी।

मत्ती 6:6

लावो गानी सो़म्‍दी बोनिलो नेमकु गोनोम बाखोपनो हुनी। लाम्‍चोको चनिमा सु़का वो ल्‍वामु मेचाप्‍मिमिम माम्‍चु़नी इनी पापलाई सो़म्‍दीडा देप्‍नी। मेम्‍मा मेल्‍वाहोमका बोनिमिम खारी ल्‍वापा माम्‍चु़नी इनी पापका गानीलाई पुरस्‍कार ग्‍वानी।

मर्कूस 1:3

कोङ लो़लाम राङ-राङयालामका ये, “माम्‍चु़नीकु लाम्‍दी ख्‍लुनी, मा उनी लाम धानी।”

लूका 12:30

माम्‍चु़नीडा थो़रमेलु़पा सु़म्‍दिसेरडाम खोत्‍ले मु़चु़मिमका कोङङा आरेसाका मिम्‍ताम-सो़र्ताम बोमी। लावो गानीलाई चाहेदु़म्‍पा ल्‍वा इनी माम्‍चु़नीका ङादोङा चमी।

लूका 12:32

“ए कति सेर्पा सीसिपानी, मेङिनी, हेङालोने माम्‍चु़नीका उनी किब्‍दी गानीलाई ग्‍वामु लागि छो़म गेर्सिद्‌वाक्‍पा बुमी।

यूहन्‍ना 20:17

येशूका गुलाई र्‍वाम्‍डी, “गोलाई मेजेट्‌ङी, हेङालोने गो पापकाडा ख्‍लोङसिङ्‌डोम मिबु। लावो आमा ल्‍वाकमिमकाडा लक्‍सामा र्‍वाका, ‘गो आमा पाप नुङ इनीमा पापकाडा मा आमा माम्‍चु़नी नुङ इनीमा माम्‍चु़नीकाडा लक्‍तोङा लेट्‌पु’।”

रोमी 1:3

ओराम जो़पा-सेला ने माम्‍चु़नीकु द्‍वादीबुङ तारापाचो़ येशू ख्रीष्‍टकु दुथाम सो़। गुमी मु़चु़ दु़म्‍साका दाऊद हपकु दोचो़गोडा गम्‍डी।

२ कोरिन्‍थी 6:18

गो इनीमा पाप दु़म्‍ङु, मा गानी आमा जाउमो-तारापाचो़मिम दु़म्‍नी, खोत्‍लेडाम घ्‍ल्‍वापा मिप्रङमाका र्‍वामी।”

गलाती 1:4

छु़ल बेत्तोङा बेपा ओराम सु़म्‍दिसेरलामका सेल्‍मु लागि गुमी इकीमा माम्‍चु़नी पापकु न होम्‍साका उनी त्‍वापङा सासेन्‍सिम्‍डी।

कलस्‍सी 1:2

कलस्‍से शहरडा बाट्‌पा माम्चु़नीकु मु़चु़मिम गानी ख्रीष्‍टडा थो़र लु़इमिम आकीमा वा-ल्वाकमिमलाई ओराम सेलाखाजेम र्‍याक्‍तोङा बोचुकु। माम्‍चु़नी इकीमा पापका दिदाम नुङ न भ्रसी ग्‍वानिमिनु़।

१ थेसलोनिकी 3:13

माम्‍चु़नीका गानीलाई छो़म थो़रनुङमा दु़म्‍बेनिमिनु़, मेम्‍साका इकी ङाचो़ येशू खोत्‍ले सेपा उनी मु़चु़मिमनुङ योमिलो माम्‍चु़नी पापकु ङादोडा गानी मेख्‍लो़ट्‌पा नुङ सेपा दु़म्‍नी।

१ थेसलोनिकी 4:16

डोक्‍पु-पाह्रीचो़कु लो़लाम नुङ पाह्रीचो़मिमका माम्‍चु़नीकु भुम डु़प्‍मिमिमकु लो़लामका ङाचो़ येशू उनी त्‍वापङा डोक्‍पु लो़लामका साखामनुङ येत्तो पाह्रीलामका योमी। मेम्‍मा ख्रीष्‍टडला थो़रलु़साका सिपामिम ङादोङा बम्‍गेमी।

१ थेसलोनिकी 5:23

न-गो भ्रसिबेट्‌पा माम्‍चु़नीका खोत्‍लेडा गानीलाई सेपा दु़म्‍बेन्‍मिनु़। मेम्‍मा खोत्‍ले इनीमा मिरो़म, न-गो, साम ङाचो़ येशू ख्रीष्‍ट योमिलोसम्‍म हाम वो मेख्‍लो़ट्‌पा दु़म्‍बेन्‍मिनु़।

२ थेसलोनिकी 2:16

गुइलाई रिखाम बेपा ङाचो़ येशू ख्रीष्‍ट नुङ माम्‍चु़नी इकी पापकु दिदामका हेल्‍लो वो मेहुक्‍पा सो हन्‍बेसाड्‌डामिम बु, मा जो़पा ल्‍वा लथाक्‍पा दु़म्‍बेसाड्‌डामिम बु।

२ थेसलोनिकी 3:16

न-भ्रसी बेट्‌पा ङाचो़ येशूका खोत्‍ले थारीका नुङ हेल्‍लो लोवो इनीमा न-भ्रसी बेन्‍मिनु़। गानी खोत्‍लेनुङ ङाचो़ येशू दु़म्‍मिनु़।

२ थेसलोनिकी 3:5

ङाचो़का इनीमा न-गोलाई माम्‍चु़नीकु रिखाम नुङ ख्रीष्‍टकु इम्‍सीथो़ क्रिमिनु़।

१ यूहन्‍ना 3:1

रेप्‍नी, पाह्रीलाम इकीमा पापका गुइलाई हाङको छो़म रिखाम बेसामी, गुइलाई माम्‍चु़नीकु चो़मिम र्‍वामी, मा आच्‍छाङा गुइ उनीमा चो़च्‍चो़मिमङा सो़। सु़म्‍दिसेरडाम मु़चु़मिमका माम्‍चु़नी मेछेमिवा, मेम्‍मिमका गुइलाई मेछेसामी।

रेम्‍बेट्‌मिडिम ल्‍वा 21:3

मेम्‍मा साखाम थो़पा गन्‍खोपलामका आरे र्‍वाक्‍पा डोक्‍पु लो़लाम गो थो़उतो, “रेप्‍नी, माम्‍चु़नीकु बाखोप मु़चु़मिमनुङ बु, मा गुमी मेर्मिमनुङ बुमी। मेर्मिम उनीमा मु़चु़मिम दु़म्‍मी मा माम्‍चु़नी उनी त्‍वापङा मेर्मिमकु माम्‍चु़नी दु़म्‍साका मेर्मिमनुङ दु़म्‍मी।