१ थेसलोनिकी 2:5 - थुलुङ राई

⁵ ओराम ने गानी वो जो़होमका चनी, गुकु हेल्‍लो वो गानीनुङ लोमालेपा ल्‍वा मेबेकुवा, गानीलाम खउलुङ ल्‍वामु लागि गुकु हेल्‍लो वो इनीमा ङोप्‍सो़ मेलिसिट्‌कुवा। आकीमा दुथाम खोत्‍ले ल्‍वापा माम्‍चु़नी बुमी।

१ थेसलोनिकी 2:5 Iomraidhean Croise

मत्ती 22:16

मेर्मिमका उनी सीसिपामिमलाई हेरोद हपलाम बासिक्‍पा मु़चु़मिमनुङ येशूकाडा थु़र्मिडी। मेर्मिमका र्‍वाम्‍डी, “ए ङाचो़, गानी लिमा मेथेनी र्‍वाक्‍साका गुकु चकु। माम्‍चु़नीकु लाम्‍दी जो़होमका सीनिमी। गानी सु़लाम वो मेबान्‍सिनी, मा खोत्‍लेलाई कोहोङङा बोनी।

मत्ती 23:13

“गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, माम्‍चु़नीकु किब्‍दीगोनो मु़चु़मिम हुपा लाम्‍चोको गानी चक्‍निम बु। गानी इनी त्‍वाप वो मेहुनी, मा हुमु माल्‍पामिमलाई वो भोम्‍नी।

थु़र्मा 20:33

गो सु़काम वो सो़ना, मतो नुङ ये-सेमकाम रारी मेबेउवा।

रोमी 1:9

उनीमा तारापाचो़काम जो़पा-सेला थो़बेन्‍मुडा छो़म न सोक्‍साका उनीमा खारी बेउ। गो गानीलाई प्‍ल्‍वान्‍निनिम मिबु लावो इनीमा लागि गो हेल्‍लो लोवो सो़म्‍दी बेउहोम बुङु। माम्‍चु़नी आमा दुथाम सो़पा बुमी।

रोमी 16:18

हेङालोने मेर्मिमका ने ङाचो़कु खारी बेपा मेएँ लावो त्‍वाकु ख्‍वाचेपकाम लागि कोङङा बोमी सो़। मेर्मिम ने ड-ड जो़पा लिसीमिमा भ्रपा जेमी मा जो़पा न-गोकाम मु़चु़मिमलाई गोलामका वायम डमी।

रोमी 9:1

गो र्‍वामु खापुमिम ल्‍वा आच्‍छाङाकाम सो़। गो ख्रीष्‍टकु मु़चु़, मा गो लिमा मेथेट्‍पु। माम्‍चु़नी-पेल साखामगोडा बाट्‍पा नेप्‍चीका गो लिमा मेथेट्‍पु र्‍वाक्‍साका आमा दुथाम सो़यु़।

२ कोरिन्‍थी 12:17

गो इनीमाडा थु़र्तोमिम कोङनिम मु़चु़लामका गो लिमा थेसाका गानीनुङ हाम हुम रउतो मा?

२ कोरिन्‍थी 2:17

वाङमिम हापा मु़चु़मिमका खाप्‍ची डु़म्‍मु लागि बेम्‍डिम होङङा माम्‍चु़नीकु सिजेम भ्रेट्‌पा मु़चु़ गुकु मेएँ, लावो गुकु ने माम्‍चु़नीका थु़र्तिकिम मु़चु़ सो़, मा माम्‍चु़नीकु ङादोडा गुकु ख्रीष्‍टकु डु़ल्‍चो़ दु़म्‍साका उनीमा सिजेम आच्‍छाङा जेकु।

२ कोरिन्‍थी 4:2

गुकु क्रो़म लु़पा नुङ थसिसाका बेपा खारी मेबोकु। गुकु लु-फेले वो मेबोकु, मा माम्‍चु़नीकु सिजेम वो मेफाल्‍कु। लावो गुकु आच्‍छाङाकु सिजेम जो़होमका सीकुमी, मा माम्‍चु़नीकु ङादोडा गुकु हेप्‍माम मु़चु़ बुकु रेछा र्‍वाक्‍पा ल्‍वा खोत्‍ले थो़रलु़इमिम मु़चु़मिमका उनीमा न-गोडा चमु चाम्‍मी।

२ कोरिन्‍थी 7:2

गुकुलाई इनीमा न-गोडा बुमु ग्‍वाक्‍की। गुकु सु़लाई वो मेजो़पा बेत्तोकोम मिबु। गुकु सु़लाई वो ताङताहेरथो़ लक्‍तोकोम मिबु। गुकु लिमा-प्‍वालेम थेसाका सु़काम हाम वो पेत्तोकोम मिबु।

गलाती 1:20

गो र्‍याक्‍तोम ल्‍वा आच्‍छाङा सो़, माम्‍चु़नीका ओराम ल्‍वा चमी। उनीमा ङादोडा गो लिमा मेथेट्‌पु।

१ थेसलोनिकी 2:10

गानी थो़रलु़पामिमनुङ बात्तोकोलो गुकु सेपा मु़चु़, माम्‍चु़नीकु ङादोडा जो़पा दु़म्‍पा, मा हाम वो मेख्‍लो़ट्‌पा बात्तोको। मेराम ल्‍वापा गानी बुनी मा माम्‍चु़नी वो बुमी।

१ तिमोथी 3:3

डु़का मेसेट्‌पा, छोक्‍चो मेबेपा, याक्‍के दु़म्‍पा, क्‍वाल्‍बा मेबेपा, मा खाप्‍चीकु रारी मेबेपा,

१ तिमोथी 3:8

मेम्‍साकाङा डिकनमिम वो खोत्‍लेका जो़पा मिम्‍मु घ्रेट्‌पा दु़म्‍मु बासी। नले ल्‍वा मेबेपा, डु़का मेसेट्‌पा, मा खाप्‍चीकु रारी मेबेपा दु़म्‍मु बासी।

तीतस 1:7

हेङालोने एल्‍डर ने माम्‍चु़नीकाम खारी बेपामिमका मुमा बेन्‍ला मेसो़सिक्‍पा दु़म्‍मु बासी। उ त्‍वाकु न होङङा बेपा, दाला छोक्‍चो बक्‍पा, डु़का सेट्‌पा, क्‍वाल्‍बा बेपा, खउलुङ ल्‍वामु लागि हाम लोवो बेपा दु़म्‍सिमेनु़।

१ पत्रुस 5:2

माम्‍चु़नीका गानीलाई रेम्‍बेबेट्‌निमिम उनी थो़र लु़पामिमलाई रेप्‍नी। न मेबिसिक्‍साका मेएँ लावो माम्‍चु़नीका न बोमिमिम होङङा त्‍वाकु नकाङा बेनी। रारी बेसाका मेएँ लावो चापे-डुपे छो़म बेबेद्‌वाक्‍पा नका रेपा मु़चु़ दु़म्‍नी।

२ पत्रुस 2:18

मेर्मिमका हाम ना हामकाम ल्‍वाडा डोक्‍पु लिम्‍सिमी। मेर्मिमकु क्रो़मलु़पा मेजो़पा नका मेजो़पा लाम्‍दीलाम मालो स्‍वामु चो़म्‍पा मु़चु़मिमलाई ने कोक्‍साका छु़लथो़ वाम्‍बेन्‍मी।

२ पत्रुस 2:3

रारी बेपा दु़म्‍साका मेर्मिम सीपाका लिमा ल्‍वा बनेबेसाका गानीलाम खउलुङ रमी। मेर्मिमका देन्‍दे ल्‍वामी र्‍वाक्‍साका ङादोङा मुलु़ दु़स्‍ताम बु मा मेर्मिम पुयु़लुमी र्‍वाक्‍पा ल्‍वा बुहोङङा बु।

यहूदा 1:11

मेर्मिम ने हाउरेमा! हेङालोने मेर्मिमका कयिनकु लाम्‍दी ख्‍लम्‍डी, खउलुङकाम लागि बालामका बु़डु़म होङङा मेर्मिमका मेजो़पा खारी बेम्‍डी। कोरहकु रिबुसी किसि होङङा मेर्मिम पुयु़लुमी।