१ थेसलोनिकी 2:4 - थुलुङ राई

⁴ लावो जो़पा-सेला थो़बेट्‌पा दु़म्‍बेन्‍मु लागि माम्‍चु़नीका घ्रेट्‌पा दु़म्‍बेत्तिकिम होम्‍साका गुकु सीकु। मु़चु़मिमलाई ने गर्सिबेट्‌पा मेएँ, लावो इकीमा न-गो छाम्‍पा गेर्सिबेट्‌पा आकी न बु।

१ थेसलोनिकी 2:4 Iomraidhean Croise

लूका 12:42

ङाचो़ येशूका गुलाई र्‍वाम्‍डी, “मेम माला मेरामकु नेमहपका उ नेमडाममिमलाई जो़पा थारीका पोमु-डुमु ग्‍वाबेडु़मिम नेप्‍चीनुङमा नुङ थो़रलु़इमिम डु़ल्‍चो़ सु़?

लूका 16:11

मेम्‍मिमका गानी सु़म्‍दिसेरडाम खाप्‍ची रेम्‍मु थो़रलु़पा मेदु़म्‍निवा माला ने माम्‍चु़नीका गानीलाई हेसाका पाह्रीलाम आच्‍छाङाकाम खाप्‍ची रेपा दु़म्‍बेनी मा?

यूहन्‍ना 21:17

गुमीका सु खेपडा र्‍वाम्‍डी, “यूहन्‍नाकु तारापाचो़ सिमोन, हाम गाना गोलाई रिखाम बोङी?” पत्रुसकाम छो़म उमा गो नो़डा, हेङालोने गुमीका सु खेप “हाम गाना गोलाई रिखाम बोङी?” र्‍वाक्‍साका हिलाबेम्‍डी। गुका गुमीलाई र्‍वाक्‍ता, “ङाचो़, गानी खोत्‍ले चनी, गो गानीलाई रिखाम बोनिनी र्‍वाक्‍पा चनी।” येशूका र्‍वाम्‍डी, “आमा भेन्‍दामिमलाई पोमु-डुमु ग्‍वाकामी।

रोमी 8:27

माम्‍चु़नीका मु़चु़कु नगोडा हाम बु मेराम ल्वा चमी मा माम्‍चु़नी-पेलका हाम र्‍वामु माल्‍लु़म बु मेराम वो गुमीका चमी। हेङालोने माम्‍चु़नी-पेलका थो़रलु़पामिमकाम लागि माम्‍चु़नीकु न होम्‍साका सो़म्‍दी बेसाक्‍सामी।

१ कोरिन्थी 7:25

लालीकुन्‍दा मेबेथेङा बाट्‌पामिमकु दुथाम गानीलाई बेबेन्‍मु बासिक्‍पा ङाचो़ येशूका गोलाई र्‍वाम्‍डिम ल्‍वा हाम वो मिबु। ङाचो़कु न-थो़मका माम्‍चु़नीकु थो़रलु़इमिम मु़चु़ दु़म्‍ङोडोमका आमा नडाम ल्‍वा गो गानीलाई र्‍वाङु।

१ कोरिन्थी 9:17

गो आमा त्‍वाकु नकाङा जो़पा-सेला थो़बेट्‌पा खारी बेउवाम माला गो हाम हुम ल्‍वापा न बेउवा। लावो ओराम गो बोमुङा बासी, हेङालोने माम्‍चु़नीका ओराम खारी गो बोमु र्‍वाक्‍साका आमा ल्‍वाड्‌डा ग्‍वाङ्‌डिमिम बु।

२ कोरिन्‍थी 2:17

वाङमिम हापा मु़चु़मिमका खाप्‍ची डु़म्‍मु लागि बेम्‍डिम होङङा माम्‍चु़नीकु सिजेम भ्रेट्‌पा मु़चु़ गुकु मेएँ, लावो गुकु ने माम्‍चु़नीका थु़र्तिकिम मु़चु़ सो़, मा माम्‍चु़नीकु ङादोडा गुकु ख्रीष्‍टकु डु़ल्‍चो़ दु़म्‍साका उनीमा सिजेम आच्‍छाङा जेकु।

२ कोरिन्‍थी 4:2

गुकु क्रो़म लु़पा नुङ थसिसाका बेपा खारी मेबोकु। गुकु लु-फेले वो मेबोकु, मा माम्‍चु़नीकु सिजेम वो मेफाल्‍कु। लावो गुकु आच्‍छाङाकु सिजेम जो़होमका सीकुमी, मा माम्‍चु़नीकु ङादोडा गुकु हेप्‍माम मु़चु़ बुकु रेछा र्‍वाक्‍पा ल्‍वा खोत्‍ले थो़रलु़इमिम मु़चु़मिमका उनीमा न-गोडा चमु चाम्‍मी।

२ कोरिन्‍थी 5:11

ङाचो़काम ङिम जु़ल्‍मु र्‍वाक्‍पा ल्‍वा गुकु चक्‍तोकोमका मु़चु़मिमलाई माम्‍चु़नीडा थो़र लु़बेन्‍मु माल्‍कु। आकीमा दुथाम माम्‍चु़नीका खोत्‍ले चमी, मा गानी वो आमा दुथाम जो़होमका चनिमिमङा बु र्‍वाक्‍पा आमा न बु।

२ कोरिन्‍थी 5:16

मेम्‍मिमका सु़म्‍दिसेरडाम मु़चु़मिमकु रेप्‍सी होम्‍साका आथाडा आनो गुकु सु़लाई वो मेरेम्‍कु। कोबिलि ख्रीष्‍टलाई आरेसाकाङा रेप्‍तोको लावो आथाडा आनो गुमीलाई मेम्‍साका मेरेम्‍कु।

गलाती 1:10

हाम गो मु़चु़मिमलाई गेर्सी बेन्‍मु माल्‍तोङा लेट्‌पु र्‍वाक्‍पा गानी मिम्‍निमिम? गो ने मु़चु़मिमलाई मेएँ, माम्‍चु़नीलाई गेर्सी बेन्‍मु माल्‍तोङा लेट्‌पु। मु़चु़मिमलाई गेर्सी बेन्‍मु मालु माला ने गो येशू ख्रीष्‍टकु डु़ल्‍चो़ङा मेएँ।

गलाती 2:7

लावो माम्‍चु़नीका यहूदीमिमकाडा जो़पा-सेला थो़बेड्‌डा पत्रुसलाई थु़र्मीडिम होम्‍साकाङा वो वाङसामामिमगोडा जो़पा-सेला थो़बेट्‌पा खारी गोलाई वो ग्‍वाङ्‌डिमिम बु र्‍वाक्‍साका मेर्मिमका चम्‍डी।

एफिसी 3:8

ख्रीष्‍टकु सेपा मु़चु़मिमगोडा गो खोत्‍लेडाम याक्‍के लोवो मिम्‍मु वो मेझापा हापा थिकाम ख्रीष्‍टकु दुथाममिम जो़पा-सेला वाङसामामिमलाई थो़बेट्‌पा डोक्‍पु खारी बोमु गोलाई ग्‍वाङडिमी।

एफिसी 6:6

इनी खारी बेसी मु़चु़मिमकु मिक्‍सीलामडा जो़पा रेम्‍बेपा मा मेर्मिमलाई गेर्सिबेन्‍मु लागि कोङङा मेएँ, लावो ख्रीष्‍टकु डु़ल्‍चो़ होङङा इनीमा न-गो सोक्‍साका माम्‍चु़नीकु न-गो होम्‍साका खारी बेपा दु़म्‍नी।

कलस्‍सी 3:22

डु़ल्‍चो़नी, खोत्‍ले ल्‍वाडा गानी इनीमा नेमहपमिमका र्‍वामिमिम होङङा बेनी। न-थो़म ल्‍वामु लागि मेर्मिमकु मिक्‍सीलामडा कोङङा र्‍वामिमिम होङङा बेपा मेएँ, लावो ङाचो़ येशूकु ङिम जु़ल्‍साका आच्‍छाङाकाम न-गोका बेनी।

१ तिमोथी 6:20

तिमोथी, माम्‍चु़नीका गानालाई हाम बेबेट्‌नामिम बु मेराम चङचङया दु़म्‍साका बे। माम्‍चु़नीकु सीसिकु कोर्थो़लाम बक्‍साका सीसिपामिमका माम्‍चु़नीकु नेप्‍चीलामका सीपा लिम्‍सिमी, लावो मेराम ने आच्‍छाङाकाम सीसि मेएँ सो़। आरेप्‍माम मु़चु़मिमडाम वाङ बाया।

२ तिमोथी 1:14

गुइनुङ बाट्‌पा माम्‍चु़नी-पेललाम ख्‍लो़ला सो़क्‍सिका गानालाई जु़ल्‍मु ग्‍वाक्‍मा आच्‍छाङाकाम सीसि जो़होमका बोथाडा-थार्थाडा।

२ तिमोथी 2:2

सेर्पा मु़चु़मिमकु ङादोडा गोलामका गाना हाम थो़न्‍नाम बु, मेराम ल्‍वा वाङमिमलाई सीमु चापा थो़रलु़नामिम मु़चु़मिमलाई वो बेबेडामी।

तीतस 1:3

जो़पा-सेला थो़बेसीलामका गुमीका मुलु़ बेम्‍डिम जो़पा थारीका मु़चु़मिमलाई ओराम ल्‍वा चबेट्‌मिडी। गुमीका मेराम खारी बेबेट्‌ङिडिमी मा गुइलाई सेल्‍पा इकी माम्‍चु़नीका बेबेट्‌ङिडिमिम होम्‍साका गो बेउतो।

हिब्रू 4:13

सु़म्‍दिडा बाट्‌पा हाम वो गुमीलामका थमु मेझाम। उनीमा मिक्‍सीलामडा खोत्‍लेमथोक छ्‍याङलो-छ्‍याङलो बु। मेम्‍मा गुइ बिइडिम खोत्‍ले ल्‍वा गुमीनुङ सो़मु बासी।

१ पत्रुस 4:11

कोङनिम मु़चु़ जे माला माम्‍चु़नीकु सिजेम जेमिम होङङा मेरामका जेनु़। चापे-डुपे बु़ माला माम्‍चु़नीका ग्‍वामिमिम सोका बु़नु़। मेम्‍साका खोत्‍ले ल्‍वाडा येशू ख्रीष्‍टलामका माम्‍चु़नीकु नङ कोसिनु़। उनीमाङा हेल्‍लो लोवो यु़म नुङ यु़म झ्‍वानु़म बुनु़। आमेन।

रेम्‍बेट्‌मिडिम ल्‍वा 2:23

मेराम मेसेमकु चङचङ लाम्‍दिपामिमलाई गो सेट्‌पुमी। मेम्‍मा खोत्‍ले मु़चु़मिमकु न-गोडाम ल्‍वा चक्‍पा गोङा सो़ र्‍वाक्‍साका खोत्‍ले मण्‍डलीका ओराम ल्‍वा चमी। मेम्‍मा इनीमा बासी-दोसीलाम हाम ल्‍वामु घ्रेट्‌पा बुनी मेराम होम्‍साका गो गानी खोत्‍लेलाई ग्‍वानिनी।