१ थेसलोनिकी 2:3 - थुलुङ राई

³ गानीलाई गुकु थो़बेत्तोकोम ल्‍वा ने लिमा ल्‍वा मेबायावा। मेजो़पा ननुङमा वो मेबायावा मा सु़लाई लु-फेले बेपा आकीमा न मिबु।

१ थेसलोनिकी 2:3 Iomraidhean Croise

थु़र्मा 13:15

मोशाकु डु़म्‍ला नुङ माम्‍चु़नीलाम-जेपामिमकु खाजेम डाट्‌मिडिम चङडा घ्रो़म्‍दीनेमडाम डोक्‍पु ङाउमिमका मेर्चिपकाडा आरे र्‍वाक्‍पा सेला थु़र्मिडी, “छारीची, गाचीनुङ मु़चु़मिमकाम सो हन्‍बेट्‌पा कोङनिम सिजेम बु माला जेची।”

थु़र्मा 4:36

साइप्रस नेब्‍दीडाम लेवी दोचो़डाम कोङ योसेफ नङकाम मु़चु़ बाइडा। मेरामलाई थु़र्मामिमका बारनाबास र्‍वाक्‍साका डान्‍थाल्‍मिडी (बारनाबास र्‍वाक्‍मा सो हन्‍बेट्‌पा तारापाचो़ सो़)।

२ कोरिन्‍थी 11:13

आरेप्‍माम मु़चु़मिम ने थु़र्मा लिसिक्‍पामिम नुङ लिमा थेसाका खारी बेपामिम, मा ख्रीष्‍टकु थु़र्मामिम होप्‍माम ल्‍वाला सो़सिक्‍पामिम सो़।

२ कोरिन्‍थी 2:17

वाङमिम हापा मु़चु़मिमका खाप्‍ची डु़म्‍मु लागि बेम्‍डिम होङङा माम्‍चु़नीकु सिजेम भ्रेट्‌पा मु़चु़ गुकु मेएँ, लावो गुकु ने माम्‍चु़नीका थु़र्तिकिम मु़चु़ सो़, मा माम्‍चु़नीकु ङादोडा गुकु ख्रीष्‍टकु डु़ल्‍चो़ दु़म्‍साका उनीमा सिजेम आच्‍छाङा जेकु।

२ कोरिन्‍थी 4:2

गुकु क्रो़म लु़पा नुङ थसिसाका बेपा खारी मेबोकु। गुकु लु-फेले वो मेबोकु, मा माम्‍चु़नीकु सिजेम वो मेफाल्‍कु। लावो गुकु आच्‍छाङाकु सिजेम जो़होमका सीकुमी, मा माम्‍चु़नीकु ङादोडा गुकु हेप्‍माम मु़चु़ बुकु रेछा र्‍वाक्‍पा ल्‍वा खोत्‍ले थो़रलु़इमिम मु़चु़मिमका उनीमा न-गोडा चमु चाम्‍मी।

२ कोरिन्‍थी 4:5

गुकु थो़बेन्कुमिम ल्‍वा आकीमा दुथाममिम मेएँ, लावो येशू ख्रीष्‍ट ने ङाचो़ र्‍वाक्‍पा ल्‍वा नुङ ख्रीष्‍टकाम लागि गुकु इनीमा डु़ल्‍चो़ दु़म्‍तोकोम बु र्‍वाक्‍साका थो़बेन्‍कु।

२ कोरिन्‍थी 6:8

मु़चु़मिमका डोक्‍पु बोकिमी लोवो याक्‍के बोकिमी लोवो, आकीमा नङ कोमि लोवो डकिमि लोवो गुकु माम्‍चु़नीकु लाले-पाङके बोकु। मु़चु़का गुकुलाई लु-फेलेचो़ बोकिमी, लावो थो़रलु़इमिम बुकु।

२ कोरिन्‍थी 7:2

गुकुलाई इनीमा न-गोडा बुमु ग्‍वाक्‍की। गुकु सु़लाई वो मेजो़पा बेत्तोकोम मिबु। गुकु सु़लाई वो ताङताहेरथो़ लक्‍तोकोम मिबु। गुकु लिमा-प्‍वालेम थेसाका सु़काम हाम वो पेत्तोकोम मिबु।

१ थेसलोनिकी 2:11

कोले पापका उ चो़मिमलाई बु़मिमिम होङङा गुकु इनीमा सो हन्‍बेत्तोको, लु़म्‍ला बेत्तोको, छो़म र्‍वाक्‍तोको, मेराम गानी चनिमिम बु।

१ थेसलोनिकी 4:7

सेपा मु़चु़ दु़म्‍मुमा बुमु लागि माम्‍चु़नीका येसाड्‌डामिम, मेसेपा दु़म्‍साका बुमु लागि ने मेएँ।

२ थेसलोनिकी 2:11

मेर्मिमका आच्‍छाङाकाम ल्‍वाडा थो़रलु़मु मेबिम्‍सिक्‍मिवामका, माम्‍चु़नीका मेर्मिमलाई लिमा ल्‍वाडा थो़रलु़मिनु़ र्‍वाक्‍साका डिन्‍सोम्‍डी।

२ पत्रुस 1:16

इकी ङाचो़ येशू ख्रीष्‍ट छो़म यु़मनुङमा नुङ आथावो योमिमिमकु दुथाम गानीलाई गुकु थो़बेत्तोकोलो बाछेन्‍दा लिसिक्‍साका बनेबेम्‍मा सो़म्‍दी होप्‍माम सो़त्तोकोम मेबायावा। लावो उनी डोक्‍पु दु़म्‍सी गुकु आकी मिक्‍सीका ल्‍वात्तोको।