१ थेसलोनिकी 2:19 - थुलुङ राई

¹⁹ इकी ङाचो़ येशू योमिलो उनी ङादोडा हाम-हुम ल्‍वापा आकी न लोवो, आकी न-भ्रसी लोवो, आकी पुरस्‍कार लोवो, गानीङा मेएँ मा?

१ थेसलोनिकी 2:19 Iomraidhean Croise

मत्ती 16:27

हेङालोने मिनीचो़ उ त्‍वाकु पापका ग्‍वामिमिम यु़म-झ्‍वाक्‍सीडा उ पाह्रीचो़मिमनुङ यो। मेराम थारीका गुका खोत्‍ले मु़चु़मिमलाई मेर्मिमका बेम्‍डिम खारी होम्‍साका पुरस्‍कार लोवो देन्‍दे लोवो ग्‍वाकु़मी।

मर्कूस 8:38

ओराम नाम्‍सु़रु़चो़ नुङ छु़लचो़मिमगोडा उहेम गो नुङ आमा सिजेमडाम उमा क्रो़म लु़, मिनीचो़ वो माम्‍चु़नी पापकु यु़म-झ्‍वाक्‍सीडा माम्‍चु़नीकु नङका साट्‌मा पाह्रीचो़मिमनुङ योलो मेरामडाम उमा क्रो़म लु़।”

यूहन्‍ना 21:22

येशूका पत्रुसलाई र्‍वाम्‍डी, “गो मेख्‍लोसिक्‍थु़मसम्‍म गु सामनुङमा बुनु़म बुनु़ र्‍वाक्‍पा आमा न बु, गानालाई हाम दु़स्‍ता? आमा चङचङ लाम्‍दिया।”

१ कोरिन्थी 15:23

लावो सिमुलाम बग्‍गेसी आरेसाका पेन्‍तिका दु़म: ख्रीष्‍ट ने ङादो सिट्‌पा मा होङङा माम्‍चु़नीका ख्रीष्‍टलाई खोत्‍लेडाम ङादो सिमुलाम फम्‍डी, मेम्‍मा ख्रीष्‍ट योमिलो ख्रीष्‍टनुङ हेमकेम बाट्‌पा खोत्‍लेलाई माम्‍चु़नीका सिमुलाम फमी।

१ कोरिन्थी 4:5

मेम्‍मिमका ङाचो़ येशू योमु ङादो हाम वो निया मेबेनी। गुमीका ङा तुकुम्चिमडा थक्‍मा ल्‍वा ओलडा रेन्मी, मा मु़चु़मिमकु न नुङ गो वो रेम्‍बोमी। मेम्‍लो मु़चु़मिमका माम्‍चु़नीलाम त्‍वा त्‍वाहोम डोक्‍पु बेला सो़म्‍सिमी।

२ कोरिन्‍थी 1:14

ओम्‍लो गानी आकीमा दुथाम किचो़ कोङङा थेसिथेट्‌निम बु, लावो कोलेम गानी गुकुलाई जो़होमका थेसिथेन्‍किनी। ङाचो़ येशू योमिमिम नेम गुकु इनीमा दुथाम आकी दाप होर्सिमिम होङङा गानी वो आकीमा दुथाम इनीमा दाप होर्सी र्‍वाक्‍साका थो़र बेउतोम बु।

फिलिप्‍पी 2:16

त्‍वारो़म ग्‍वाक्‍पा सिजेम जेन्‍थाट्‌नी। मेम्‍मा गो ओन्‍ङोडोम नुङ ब्राम्‍दु़ल्‍वा बेउतोम मेडेङा मेदु़प्‍सावा र्‍वाक्‍साका ख्रीष्‍ट योमिलो आमा धक्‍ची ह्‍वाक्‍पु।

फिलिप्‍पी 4:1

मेम्‍मिमका वा-ल्‍वाकनी, ङाचो़डा थो़र बेनिम बानी। द्‌वादीबुङ ङोप्‍सो़नी, गो गानीलाई रिखाम बोनिनी मा क्रो़म्‍मु न बु। गानी ने आमा भ्रसी नुङ आमा मुकुट सो़।

१ थेसलोनिकी 2:20

आकी न-भ्रसी नुङ आकी यु़म-झ्‍वाक्‍सी आच्‍छाङा गानीङा सो़।

१ थेसलोनिकी 3:13

माम्‍चु़नीका गानीलाई छो़म थो़रनुङमा दु़म्‍बेनिमिनु़, मेम्‍साका इकी ङाचो़ येशू खोत्‍ले सेपा उनी मु़चु़मिमनुङ योमिलो माम्‍चु़नी पापकु ङादोडा गानी मेख्‍लो़ट्‌पा नुङ सेपा दु़म्‍नी।

१ थेसलोनिकी 4:15

ङाचो़ येशूका गुकुलाई र्‍वाम्‍डिम ल्‍वा गानीनुङ र्‍वाकु। ङाचो़ ख्रीष्‍ट ख्‍लोम्‍सिमिमिमनेम गुइ सामनुङमाका सिप्‍ल्‍याक्‍पामिमडाम ङादो गुमीलाई मेक्रो़म्‍डी।

१ थेसलोनिकी 5:23

न-गो भ्रसिबेट्‌पा माम्‍चु़नीका खोत्‍लेडा गानीलाई सेपा दु़म्‍बेन्‍मिनु़। मेम्‍मा खोत्‍ले इनीमा मिरो़म, न-गो, साम ङाचो़ येशू ख्रीष्‍ट योमिलोसम्‍म हाम वो मेख्‍लो़ट्‌पा दु़म्‍बेन्‍मिनु़।

२ थेसलोनिकी 1:4

मेम्‍मिमका खोत्‍ले इनीमा थो़मतेर्सी नुङ छो़म दु़खा ल्‍वान्‍निलो इम्‍निम नुङ थो़रलु़न्‍निमकु दुथाम आकी नो़ डोक्‍पु बेत्तो माम्‍चु़नीकु वाङमिम मण्‍डलीनुङ सो़कु।

२ थेसलोनिकी 1:7

मेम्‍मा यु़मनुङमा उनी पाह्रीचो़मिमनुङ ङाचो़ येशू रेम्‍बेम्‍सिमिलो गानी दु़खा ल्‍वापामिमकाम न-भ्रसी बेन्‍मी मा आकीमा वो न-भ्रसी बेन्‍मी।

२ थेसलोनिकी 2:1

वा-ल्‍वाकनी, इकीमा ङाचो़ येशू ख्रीष्‍ट योमिमिम नुङ गुमीलाई क्रो़म्‍मु लागि माम्‍चु़नीका कोदेप खोप्‍सामिमिमकु दुथाम गुकु गानीलाई छो़म र्‍वाकु,

तीतस 2:13

मेम्‍मा घ्‍ल्‍वापा इकीमा माम्‍चु़नी नुङ गुइलाई सेल्‍पा येशू ख्रीष्‍टकु यु़म-झ्‍वाक्‍सी रेम्‍बेसिलो ल्‍वापा न बिमिम गेर्सी द्‌वाक्‍पा थारीकाम लागि लडिमिम बुइ।

याकूब 5:7

मेम्‍मिमका वा-ल्‍वाकनी, ङाचो़ येशू मेयोक्‍थु़मसम्‍म इम्‍सिक्‍साका बानी। रेप्‍नी, हेसाका मा-के सिन्‍बेट्‌पा खारीचो़का वो उमा येडाम हापा नु़पा मा-के ल्‍वामु लागि मा-के ख्‍लिमु ङादो नुङ मेराम मा-केकु बुङदो ङादो व योक्‍पा थारी उ पाउ मेसोसाका छो़म लथाडु़।

याकूब 5:8

मेम्‍साकाङा गानी वो इम्‍सिक्‍साका बानी मा इनी न-गो बन्‍थाट्‌नी। हेङालोने येशू योमु खाप्‍मिमिम बु।

१ पत्रुस 5:4

मेम्‍मा भेन्‍दा रेपा-क्रिपा खोत्‍लेडाम डोक्‍पु रोमी। मेम्‍मा उ जो़प्‍सी हेल्‍लो वो मेदाम्‍पा यु़म-झ्‍वाक्‍सीकु मुकुट गानी ल्‍वानी।

२ पत्रुस 1:16

इकी ङाचो़ येशू ख्रीष्‍ट छो़म यु़मनुङमा नुङ आथावो योमिमिमकु दुथाम गानीलाई गुकु थो़बेत्तोकोलो बाछेन्‍दा लिसिक्‍साका बनेबेम्‍मा सो़म्‍दी होप्‍माम सो़त्तोकोम मेबायावा। लावो उनी डोक्‍पु दु़म्‍सी गुकु आकी मिक्‍सीका ल्‍वात्तोको।

२ पत्रुस 3:4

मेर्मिमका र्‍वामी, “येशू आथावो योङु र्‍वाक्‍साका याचे जेम्‍डिम हे दु़स्‍ता? सु़म्‍दिसेर प्रङ्‌स्‍तामा सु़म्‍दिमो आथाम इकी ङाउ-खुउ बाम्‍डिमकु ङादोम थारी आथाम खोत्‍ले ल्‍वा मेङा बुहोम बु।”

१ यूहन्‍ना 2:28

आमा चो़च्‍चो़ होप्‍माम मु़चु़नी, ख्रीष्‍टडा बानिम बानी, मेम्‍साका गुमी रेम्‍बेम्‍सिप्‍मिलो मेङिसिनु़ मा गुमी योमिलो उनी ङादोडा इकीमा क्रो़म मेलु़नु़।

यहूदा 1:24

माम्‍चु़नी यु़मनुङमा बुमी मा गानीलाई छु़लडा वाम्‍मुडाम सेल्‍मु चापा बुमी। गानीलाई हाम वो मेख्‍लो़ट्‌पा दु़म्‍बेसाका नुङ छो़म भ्रसिबेसाका उनी यु़म-झ्‍वाक्‍सी ङादोडा रेन्‍मु चापा गुमी बुमी।

रेम्‍बेट्‌मिडिम ल्‍वा 1:7

रेप्‍नी, येशू खासेडलामका योमुङा खाप्‍मी, मेम्‍मा खोत्‍ले मु़चु़मिमका गुमीलाई मिक्‍सीका ल्‍वामी। गुमीलाई क्रूसडला चेट्‌पामिमका वो गुमीलाई ल्‍वामी। मेम्‍मा सुबुडाम खोत्‍ले दोचो़गोडाम मु़चु़मिम गुमीडाम खोर्सेक्‍तो ख्राम्‍मि-दुमी। आरेङा दु़म्‍नु़। आमेन।

रेम्‍बेट्‌मिडिम ल्‍वा 22:12

“रेप्‍नी, गो येशू योमुङा खापुमिम बु। पुरस्‍कार आमाडा बु मा मु़चु़का बु़डु़म खारी होङङा गो ग्‍वाक्‍पु।