१ थेसलोनिकी 2:14 - थुलुङ राई

¹⁴ हेङालोने वा-ल्‍वाकनी, ख्रीष्‍ट येशूडा बाट्‌पा यहूदियाडाम माम्‍चु़नीकु मण्‍डलीमिमकु बेसी गानी बेन्‍निम बु। मे थो़रलु़पामिमलाई त्‍वाकु मु़चु़ यहूदीमिमकाङा दु़खा ग्‍वाम्‍डिम होङङा गानीलाई वो इनीमा नेब्‍दीडाम मु़चु़मिमका दु़खा ग्‍वानिमिम बु।

१ थेसलोनिकी 2:14 Iomraidhean Croise

थु़र्मा 11:19

स्‍तिफनस सेट्‌मिडिम चङडा थो़रलु़पामिमलाई छो़म दु़खा ग्‍वाम्‍डिमिमका थो़रलु़पामिम बान्‍तेमेनो फोन्‍सिम्‍डी। मेकोतिलो मेर्मिमगोडाम याङ-याङ हापा होनोवाम फोनिके, साइप्रस टापु नुङ एन्‍टिओखिया शहरबाडे लम्‍डिमा यहूदीमिमलाई कोङङा जो़पा-सेला थो़बेट्‌मिडी।

थु़र्मा 13:50

लावो यहूदीमिमका माम्‍चु़नीकु सो़रलोले बेपा डोक्‍पु नङ धोपा मेसेममिम नुङ शहरडाम डोक्‍पु ङाउमिमलाई कोम्‍डिमा पावल नुङ बारनाबासकु कोर्थो़लाम फम्‍डी। मेम्‍मा पावल नुङ बारनाबासलाई मेर्मिमका मेराम शहरलामका कोल्‍सोम्‍डिची।

थु़र्मा 14:19

मेकोतिमा एन्‍टिओखिया शहर नुङ आइकोनियन शहरलामका यहूदीमिम रोम्‍डी, मा पावलकु कोर्थो़लाम बमु मे मु़चु़मिमलाई लेम्‍मिडी। मेर्मिमका पावललाई लुङका ओप्‍मिडी, मा सिडा र्‍वाक्‍पा मिम्‍सिम्‍डिमा शहरकु पाखाथो़ थु़त्तो लम्‍डी।

थु़र्मा 14:2

लावो थो़र मेलु़पा यहूदीमिमका ने वाङसामामिमलाई थो़रलु़पामिमकु कोर्थो़लाम कोम्‍डिमा थो़रलु़पामिमकु न खेबेट्‌मिडी।

थु़र्मा 14:4

लावो मेराम शहरडाम मु़चु़मिमगोडा गो फ दु़स्‍ता। मेकोतिमा याङ यहूदीमिमलाम मा याङ पावल नुङ बारनाबासलाम बाम्‍सिम्‍डी।

थु़र्मा 14:5

वाङसामा नुङ यहूदीमिमका उनी साखामचो़मिमनुङ दु़म्‍साका थु़र्माचिपलाई दु़खा ग्‍वामु नुङ लुङका ओम्‍मुमा सेन्‍मु माल्‍मिडी।

थु़र्मा 17:13

लावो पावलका बेरियाडा वो माम्‍चु़नीकु सिजेम दो़सु़म बु र्‍वाक्‍पा थेसलोनिकेडाम यहूदीमिमका थो़म्‍डी। मेकोतिमा मेर्मिम मेसिन्‍डा वो रोम्‍डी। मेम्‍मा सेर्पा मु़चु़मिमलाई सिल्‍साका पावलकु कोर्थो़लाम फम्‍डी।

थु़र्मा 18:12

रोमी गलियोन अखैयाडाम डोक्‍पु साखामचो़ दु़स्‍ताम थारीका खोत्‍ले यहूदीमिम कोले दु़म्‍मिडी, मा पावललाई चु़म्‍साका अदालतडा रेट्‌मिडी,

थु़र्मा 8:1

मु़चु़मिमका स्‍तिफनसलाई आरेसाका लुङका ओम्‍मुमा सेन्‍मु शाऊल वो बिस्‍ताम बाइडा। मेनेम आथामङा यरूशलेमडाम मण्‍डलीडा छो़म डोक्‍पु दु़खा दु़म्‍मु चो़म्‍डु़। मेकोतिमा थु़र्मामिमडाम वाङमिम थो़रलु़पामिम खोत्‍लेङा स्‍वाम्‍डी, मा यहूदिया नुङ सामरियाथो़ फोन्‍सिम्‍डी।

थु़र्मा 8:3

शाऊलका ने उनी नेम-नेमडा लस्‍तामा मण्‍डलीमिमलाई पुयु़ लुमु माल्‍लु़मिम बाइडा। गुका वोस्‍चो़-मेसेममिमलाई थु़त्तो लडु़मिमा झ्‍यालखानडा चक्‍थाल्‍लु़मी।

थु़र्मा 9:1

मेराम थारीसम्‍म वो शाऊलका येशूकु सीसिपामिमलाई सेनिनी र्‍वाक्‍साका ङिमसात्तो लाम्‍दिथाल्‍ला। मेकोतिमा गु डोक्‍पु ङाउ डु़म्‍लाचो़काडा लस्‍ता,

थु़र्मा 9:13

लावो हननियाका र्‍वाक्‍ता, “ङाचो़, मेराम मु़चु़का यरूशलेमडाम इनीमा थो़रलु़पामिमकाम छो़म उनी थो़मतेर्साड्‌डु़मिम ल्‍वा गो हापा मु़चु़मिमलामका थो़उतोम बु।

थु़र्मा 9:31

मेकोतिमा यहूदिया, गालील, सामरियाडाम खोत्‍ले मण्‍डलीडाम मु़चु़मिम उनी न भ्रसिक्‍तो बाम्‍डी। मेर्मिमका माम्‍चु़नीकु ङिम जु़ल्‍मिडी, मा माम्‍चु़नी-पेललामका उनी सो हन्‍डामा बर्तो लम्‍डी।

१ कोरिन्थी 10:32

सु़लाई वो छु़लडा वाममेबेट्‌नी, यहूदी दु़म्‍नु़का, ग्रीक दु़म्‍नु़का माम्‍चु़नीकु मण्‍डली दु़म्‍नु़।

१ कोरिन्थी 7:17

माम्‍चु़नीका येट्‌निमिलो ङादो गानी खोत्लेङा हेप्‍माम बासीडा बान्‍नी मा ङाचो़ येशूका गानीलाई हामकाम लागि थु़ट्‌निमिमिम बु, मेम्साका ङा गानी बानिम बानी। खोत्‍ले मण्‍डलीका बोमु बासिक्‍पा आमा सीसि वो ओराम ङा सो़।

गलाती 1:22

मेम्‍लोसम्‍म यहूदियाडाम ख्रीष्‍टकु मण्‍डलीमिमका हेल्‍लो वो गोलाई क्रो़म्‍ङिडिमिम मेबायावा।

१ थेसलोनिकी 1:1

गो पावल, सिलास नुङ तिमोथीका गानी थेसलोनिकीडाम मण्‍डलीलाई ओराम सेलाखाजेम र्‍याक्‍तोङा बोकु। माम्‍चु़नी पाप नुङ ङाचो़ येशू ख्रीष्‍टडा गानी बुनी। माम्‍चु़नीलाम दिदाम नुङ न-भ्रसी ल्‍वानी।

१ थेसलोनिकी 1:6

ङाचो़ येशू नुङ आकीमा बेसी बेपा गानी दु़म्‍नी। छो़म इम्‍मु मेझापा दु़खाडा लोवो माम्‍चु़नी-पेलका गेर्सी बेट्‌निमका गानी सिजेम रन्‍नी।

१ थेसलोनिकी 3:4

गुकु गानीनुङ बात्तोकोलो इकीमा थो़मतेर्साक्‍सामी र्‍वाक्‍थाल्‍तोको। आच्‍छाङा मेमङा दु़स्‍ता, मेराम गानी जो़होमका चनी।

२ थेसलोनिकी 1:1

गो पावल, सिलास नुङ तिमोथीका गानी माम्‍चु़नी इकीमा पाप नुङ ङाचो़ येशू ख्रीष्‍टकु मण्‍डली थेसलोनिकीमिमलाई ओराम सेलाखाजेम र्‍याक्‍तोङा बोकु। माम्‍चु़नी पाप नुङ ङाचो़ येशू ख्रीष्‍टलामका गानी दिदाम नुङ न-भ्रसी ल्‍वानी।

२ थेसलोनिकी 1:4

मेम्‍मिमका खोत्‍ले इनीमा थो़मतेर्सी नुङ छो़म दु़खा ल्‍वान्‍निलो इम्‍निम नुङ थो़रलु़न्‍निमकु दुथाम आकी नो़ डोक्‍पु बेत्तो माम्‍चु़नीकु वाङमिम मण्‍डलीनुङ सो़कु।