१ थेसलोनिकी 2:11 - थुलुङ राई

¹¹ कोले पापका उ चो़मिमलाई बु़मिमिम होङङा गुकु इनीमा सो हन्‍बेत्तोको, लु़म्‍ला बेत्तोको, छो़म र्‍वाक्‍तोको, मेराम गानी चनिमिम बु।

१ थेसलोनिकी 2:11 Iomraidhean Croise

लूका 16:28

हेङालोने मेसिन्‍डा आमा ङोले तारापा ल्‍वाकमिम बुमी, मा मेरामका मेर्मिमलाई र्‍वानु़। मेएँ माला ने मेर्मिम सिमिलो आरेप्‍मामङा दु़खा इम्‍मु बासिक्‍पा खादीगोयु़ मेयोमिनु़।’

थु़र्मा 20:2

मेसिन्‍डाम देलगुथाबाडे पावल लस्‍तामा थो़रलु़पामिमकु उनी सो हन्‍बेट्‌जो़ल्‍लु़मी, मा गु ग्रीसथो़ ख्‍लोसिड्‌डा।

एफिसी 4:17

मेम्‍मिमका ङाचो़कु नङडा गो गानीलाई छो़म र्‍वाङु, इनी बासी-दोसी माम्‍चु़नीलाई मेछेपा होप्‍माम मेदु़म्‍नु़। मेर्मिमकु मिम्‍सी ने हाम ना हामकाम दु़म।

१ थेसलोनिकी 2:7

गुकु ख्रीष्‍टकु थु़र्मा दु़म्‍साका वो गानीलाम डोक्‍पु बेला मेसो़सिट्‌कुवा। लावो त्‍वाकु चो़च्‍चो़मिमलाई डु़ल्‍पा माम होङङा गानीगोडा गुकु याक्‍के दु़म्‍तोको।

१ थेसलोनिकी 4:1

हुम-दडा, वा-ल्‍वाकनी, गुकुलाम गानी सीन्‍सिट्‌निम होङङा माम्‍चु़नीलाई गेर्सिबेसाका बानी र्‍वाक्‍साका ङाचो़ येशूकु नङडा छो़म र्‍वाकु। ङादो वो गानी आरेङा बेन्‍निम बु, मा आथावो छो़म मेमङा बेनी र्‍वाक्‍साका इनीमा सो हन्‍बेन्‍कु।

१ थेसलोनिकी 4:6

सु़का वो आरेसाका लु-फेले बेसाका थो़रलु़पा वा-ल्‍वाकलाई मेजो़पा मेबु़नु़। गानीलाई गुकु ङादोङा र्‍वाक्‍तोकोम नुङ ङिमसाट्‌मा होम्‍साकाङा आरेप्‍माम खारी बेपालाई ङाचो़ येशूका देन्‍दे ग्‍वामी

१ थेसलोनिकी 5:11

मेम्‍मिमका गानी बेत्तोङा बोनिमिम होम्‍साकाङा इनीमा सो हन्‍बेबोमु नुङ माम्‍चु़नीडा हापा थो़रलु़मु लागि ख्‍लो़बेबेनी।

१ थेसलोनिकी 5:14

वा-ल्‍वाकनी, भ्रेपा मु़चु़लाई ङिमसाट्‌नी, ङिपामिमकाम उनी न बन्‍साट्‌नी। ख्‍लो़मु बासिक्‍पामिमलाई ख्‍लो़नी। खोत्‍लेनुङ इम्‍सिक्‍साका बानी।

२ थेसलोनिकी 2:5

गो गानीनुङ बाङडोलो र्‍वाङडोम ओराम ल्‍वा हाम मेमिम्‍नी?

२ थेसलोनिकी 3:12

मेर्मिमका लिबा बासाका खारी बोमिनु़, मा पोमुडुमु लागि उनी त्‍वाकाङा खउलुङ डु़प्‍मिनु़ र्‍वाक्‍साका ङाचो़ येशू ख्रीष्‍टकु नङडा मेर्मिमलाई र्‍वाकु, मा बेबेन्‍कु।

१ तिमोथी 5:21

गो गानालाई माम्‍चु़नी, ख्रीष्‍ट येशू नुङ माम्‍चु़नीकु पाह्रीचो़मिमकु ङादोडा चङचङया बाबेनी, चोमिक्‍सी मेबेसाका गाना खोत्‍लेनुङ दिदाम, न-थो़म रेम्‍बेसाका ओर्मिम खारी बे।

१ तिमोथी 5:7

ओर्मिम खोत्‍ले सीसि थो़र लु़पामिमलाई सीडामी, मा मेर्मिम मुमा बेन्‍ला मेसो़म्‍सिमी।

१ तिमोथी 6:13

खोत्‍लेलाई साम ग्‍वाक्‍पा माम्‍चु़नी, नुङ पन्‍तियस पिलातसका हिलाबु़डु़लो लिमा मेथेसाका सो़पा मेराम ख्रीष्‍ट येशूकु ङादोडा गो गानालाई छो़म र्‍वाङु,

१ तिमोथी 6:17

ओराम सु़म्‍दिसेरडाम खाप्‍चीचो़मिमलाई डोक्‍पु मेलिम्‍सिमु बेमी, घरिकोङ ल्‍वापा खाप्‍चीडा मेएँ, लावो गुइलाई लिट्‌पा बेसाका खोत्‍ले मोमु ग्‍वाक्‍पा माम्‍चु़नीलाम ल्‍वापा न मेर्मिमका बोमिनु़।

१ तिमोथी 6:2

थो़रलु़सीडा वा-ल्‍वाक दु़म्‍निमका थो़र लु़पा डु़ल्‍चो़मिमका नेमहपमिमलाई कि-कि वो याक्‍के मेबोमिनु़। मेम मेबेसाका, मेर्मिमका नेमहपमिमकाम छो़म जो़होमका खारी बोमिनु़, हेङालोने नेमहपमिमलाई जो़पा दु़म्‍मु ने त्‍वाकु द्‌वादीबुङ थो़र लु़पामिमलाई जो़पा दु़म्‍मु सो़। आरे बेबेडामिमा मेर्मिमलाई सीडामी।

तीतस 2:15

ओर्मिम ल्‍वा र्‍वाक्‍साका थो़रलु़पामिमकु सो हन्‍बेसाडामी मा गानानुङ बाट्‌पा साखामका मेर्मिमका ख्‍लो़ट्‌मिडिम ल्‍वाडा भुरामी। मेम्‍साका गाना र्‍वानामिम ल्‍वा खोत्‍लेका थो़मिनु़।

तीतस 2:6

मेम्‍साकाङा स्‍वाला मु़चु़मिम वो त्‍वापलाई जो़होमका जु़ल्‍पा दु़म्‍मु लागि उनी सो हन्‍बेसाडामी।

तीतस 2:9

डु़ल्‍चो़मिमका वो उनी हपमिमकु ल्‍वाडा बासाका खोत्‍ले ल्‍वाडा उनी हपमिमलाई गेर्सिबेट्‌निमी। डु़ल्‍चो़मिम सि कोल्‍पा मेदु़म्‍मिनु़।

हिब्रू 13:22

वा-ल्‍वाकनी, सोहन्‍बेट्‌पा आमा सिजेमडा छो़म न सोक्‍नी र्‍वाङु, हेङालोने गानीलाई र्‍याक्‍तोम ल्‍वा हापा दु़पा मिबु।

३ यूहन्‍ना 1:4

आमा चो़च्‍चो़मिम आच्‍छाङाकाम ल्‍वाडा बुमिम बुमी र्‍वाक्‍पा ल्‍वा थो़मुडाम डोक्‍पु गेर्सीसी आमा लागि हाम दु़म मा?