१ थेसलोनिकी 1:8 - थुलुङ राई

⁸ हेङालोने गानीलामका ङाचो़ येशूकु सिजेम खोत्‍ले माकेडोनिया नुङ अखैयाडा कोङङा थो़म्डिम मेएँ, लावो माम्‍चु़नीडा बेन्‍निम इनी थो़रकु दुथाम खोत्‍लेथो़ फोन्‍सिड्‌डाम बु। मेम्‍मा गानीलाई गुकु र्‍वामुम बुमु बासिक्‍पा वाङमिम ल्‍वा हाम वो मिबु।

१ थेसलोनिकी 1:8 Iomraidhean Croise

थु़र्मा 18:12

रोमी गलियोन अखैयाडाम डोक्‍पु साखामचो़ दु़स्‍ताम थारीका खोत्‍ले यहूदीमिम कोले दु़म्‍मिडी, मा पावललाई चु़म्‍साका अदालतडा रेट्‌मिडी,

रोमी 1:8

खोत्‍लेडाम ङादो येशू ख्रीष्‍टलाम गानी खोत्‍लेकाम लागि गो माम्‍चु़नीलाई आलासो़ र्‍वाङु। हेङालोने येशू ख्रीष्‍टडाम इनीमा थो़रकु दुथाम सु़म्‍दिसेरडा खोत्‍लेथो़ थो़बेट्‍मा बु।

रोमी 16:19

गानी माम्‍चु़नीका र्‍वामिमिम थो़नी र्‍वाक्‍पा ल्‍वा खोत्‍लेका थो़म्डिम बु। मेम्‍मिमका ओराम ल्‍वाकु दुथाम गो गेर्सिक्‍पा बुङु। गानी जो़पा खारी बोमुडा नेप्‍चीनुङमा दु़म्‍नी मा मेजो़पा खारी बेसीडा मुमा मान्‍थिम दु़म्‍नी र्‍वाक्‍पा आमा न बु।

१ कोरिन्थी 14:36

हाम माम्‍चु़नीकु सिजेम गानीलाम चो़म्सिड्‍डाम डे? हाम मेराम इनीमाडा कोङङा रोक्‍ताम?

२ कोरिन्‍थी 2:14

माम्‍चु़नीलाई आलासो़ दु़म्‍नु़, हेङालोने माम्‍चु़नीका गुइलाई हेल्‍लो लोवो ख्रीष्‍टनुङ घ्‍ल्‍वासीकु लाम्‍दीडा लाम्‍दिबेसामी। गुमीका ख्रीष्‍ट छेबेट्‍पा नेप्‍चीलाई भ्रपा मुरनेम्‍पा धूप होङङा खोत्‍लेथो़ फोट्‍पा खारी गुकुलाई ग्‍वाकिमी।

२ कोरिन्‍थी 3:4

ख्रीष्‍टलाम न-थो़म ल्‍वात्तोकोमका गुकु माम्‍चु़नीडला आरेप्‍माम थो़र बेसाका र्‍वाकु।

कलस्‍सी 3:16

ख्रीष्‍टकु सिजेम हाङकोलो लोवो इनीमा न-गोडा जु़ल्साका नु़निम बानी। सीबोनिलो नुङ मुलु़ ग्‍वाबोनिलो नेप्‍चीनुङमाका बेनी। माम्‍चु़नीकु सिजेमगोडाम काम्‍सो, उनीमा नङ कोमु काम्‍सो नुङ उनीमा दुथाममिम वाङमिम काम्‍सोमिम बेत्तो माम्‍चु़नीलाई न-गोलामका आलासो़ ग्‍वाक्‍नी।

२ थेसलोनिकी 1:4

मेम्‍मिमका खोत्‍ले इनीमा थो़मतेर्सी नुङ छो़म दु़खा ल्‍वान्‍निलो इम्‍निम नुङ थो़रलु़न्‍निमकु दुथाम आकी नो़ डोक्‍पु बेत्तो माम्‍चु़नीकु वाङमिम मण्‍डलीनुङ सो़कु।

२ थेसलोनिकी 3:1

हुम-दडा, वा-ल्‍वाकनी, गुकु गानीलाई र्‍वाकु, आकीमा लागि सो़म्‍दी बेसाट्‌किनी। ङाचो़ येशूकु सिजेम दाला-दाला खोत्‍लेका थो़मिनु़, मा गानी बोनिमिम होङङा मेर्मिमका वो येशूकु सिजेमलाई डोक्‍पु मिम्‍मिनु़।

१ तिमोथी 2:8

थो़रलु़पामिमकु घ्रो़म्‍दीडा वोस्‍चो़मिमका छोक्‍चो मेबेसाका नुङ रिबुसी मेकिसाका मा सेपा उनी ल्‍वा कोक्‍साका सो़म्‍दी बोमिनु़ र्‍वाक्‍पा आमा न बु।

२ तिमोथी 2:9

ओराम जो़पा-सेलाकाम लागि गो दु़खा इम्‍तोङा लेट्‌पु, मा मेजो़पा खारी बेपा मु़चु़ होङ्‍ङा झ्‍यालखानडा सेल-रिबाका बट्‌ङिडिमिम बु। लावो माम्‍चु़नीकु सिजेम ने सेल-रिबाका मेबन्‍सी।

३ यूहन्‍ना 1:12

खोत्‍ले मु़चु़का डेमेत्रियस छो़म जो़पा मु़चु़ र्‍वामी। मेम्‍मा गुका जो़पा खारी बु़मिमका आच्‍छाङाकाम सीसिडा गु लाम्‍दी र्‍वाक्‍पा ल्‍वासी। गुकु आकी त्‍वाका वो उमा दुथाम मेमङा र्‍वाकु, मा गुकु र्‍वाकुमिम ल्‍वा आच्‍छाङा र्‍वाक्‍पा गाना चना।

रेम्‍बेट्‌मिडिम ल्‍वा 14:6

मेम्‍मा कोङमी पाह्रीचो़ धामुकु थेतेडा हुट्‌पाम बाट्‌पा गो ल्‍वाउतो। सुबुडा बाट्‌पा खोत्‍ले नेब्‍दीमिम, दोचो़, ल्‍वा जेपामिम नुङ मु़चु़मिमलाई थो़बेन्‍मु हेल्‍लो लोवो बाट्‌पाम बाट्‌पा जो़पा-सेला गुनुङ बाइडा।

रेम्‍बेट्‌मिडिम ल्‍वा 22:17

माम्‍चु़नी पेल नुङ लारेमाका आरे र्‍वामी, “योक्‍नी।” मेम्‍मा उहेमका थो़सु़ मेरामका “योक्‍नी” र्‍वानु़। सु़ कोरा सिपा बु, मेराम रोनु़, मा सु़का न बु़, त्‍वारो़म ग्‍वाक्‍पा कु मेरामका मेडेङा डुङ्‌नु़।