१ थेसलोनिकी 1:7 - थुलुङ राई

⁷ मेम्‍मिमका माकेडोनिया नुङ अखैयाडाम थो़रलु़पा खोत्‍लेका इनीमा बेसी बोमी।

१ थेसलोनिकी 1:7 Iomraidhean Croise

थु़र्मा 1:13

मेकोतिमा मेर्मिम शहरगोनो हुम्‍डिमा मेर्मिम बाथाल्‍पा नेमडलाम बाखोपडला हुम्‍डी। मेर्मिम पत्रुस, यूहन्‍ना, याकूब, अन्‍द्रियास, फिलिप नुङ थोमा, बारथोलोमाइ नुङ मत्ती, अल्‍फयसकु तारापाचो़ याकूब, सिमोन कनानी नुङ याकूबकु तारापाचो़ यहूदा मेसिन्‍डा बाम्‍थाल्‍मिडी।

थु़र्मा 16:12

मेसिम्‍मा माकेडोनियाकु डोक्‍पु शहर फिलिप्‍पीडा रोक्‍फात्तोको, मेराम शहर रोमीकु ल्‍वाडा बाइडा। गुकु मेसिन्‍डा कोलेम-नलेम बात्तोको।

थु़र्मा 18:1

मेकोतिमा पावल एथेन्‍सलामका कोरिन्‍थ शहरडा लस्‍ता।

थु़र्मा 18:12

रोमी गलियोन अखैयाडाम डोक्‍पु साखामचो़ दु़स्‍ताम थारीका खोत्‍ले यहूदीमिम कोले दु़म्‍मिडी, मा पावललाई चु़म्‍साका अदालतडा रेट्‌मिडी,

थु़र्मा 19:21

ओर्मिम ल्‍वा दु़स्‍ताम चङडा पावलका माकेडोनिया नुङ अखैया दु़म्‍तो यरूशलेम लक्‍पा मुलु़ बु़डु़। गुका र्‍वाक्‍ता, “यरूशलेम लङुमा गो रोम शहरडा वो लमु बासी।”

२ कोरिन्‍थी 1:1

ओराम सेलाखाजेम माम्‍चु़नीकु न होम्‍साका येशू ख्रीष्‍टकु थु़र्मा दु़म्‍ङोडोम गो पावल नुङ आकीमा ल्‍वाक तिमोथीलामका सो़। गो कोरिन्‍थ शहरडा बाट्‌पा माम्‍चु़नीकु मण्‍डली नुङ अखैयाडा बाट्‌पा माम्‍चु़नीकु खोत्‍ले सेपा मु़चु़मिमलाई ओराम सेलाखाजेम र्‍याक्‍तोङा बेउ।

२ कोरिन्‍थी 9:2

हेङालोने ख्‍लो़-ख्‍लो़ द्‌वाक्‍पा इनीमा न गो चक्‍पु। माम्‍था आथामङा अखैयाडाम गानी थो़र लु़पामिमका ग्‍वा-ग्‍वा थु़र्मु खाम्‍निमिम बु र्‍वाक्‍साका माकेडोनियाडाम मण्‍डलीमिमनुङ इनीमा दुथाम डोक्‍पु ल्‍वा बेउतोम बु। मेप्‍माम इनीमा नका मेर्मिमगोडाम हापाकाम सो हन्‍डाम बु।

१ थेसलोनिकी 1:8

हेङालोने गानीलामका ङाचो़ येशूकु सिजेम खोत्‍ले माकेडोनिया नुङ अखैयाडा कोङङा थो़म्डिम मेएँ, लावो माम्‍चु़नीडा बेन्‍निम इनी थो़रकु दुथाम खोत्‍लेथो़ फोन्‍सिड्‌डाम बु। मेम्‍मा गानीलाई गुकु र्‍वामुम बुमु बासिक्‍पा वाङमिम ल्‍वा हाम वो मिबु।

१ थेसलोनिकी 4:10

खोत्‍ले माकेडोनियाडाम थो़रलु़पामिम खोत्‍लेलाई गानी आच्‍छाङा रिखाम बोनी। वा-ल्‍वाकनी, मेमकाङा आथावो हापा रिखाम बेत्तो लनी र्‍वाकु।

१ तिमोथी 4:12

स्‍वाला र्‍वाक्‍साका गानालाई सु़का वो याक्‍के मेमिम्‍नामिनु़, लावो थो़रलु़पामिमकु ङादोडा सिजेमडा, खारी बेसी नुङ रिखामडा, थो़रडा नुङ नडा जो़पा दु़म्‍साका रेम्‍बेसा।

तीतस 2:7

खोत्‍ले जो़पा खारी बेत्तो मेर्मिमकु ङादोडा रेम्‍बेपा मु़चु़ गाना दु़म्‍सा। गाना मेर्मिमलाई सीनामिलो इमा न-गो जो़पा नुङ डोक्‍पु र्‍वाला सो़सिक्‍पा,

१ पत्रुस 5:3

गानीलाई रेम्‍बेबेट्‌मा मु़चु़मिमडला साखाम थो़साका मेएँ लावो मेर्मिमकाम लागि कोले रेम्‍बेपा मु़चु़ दु़म्‍साका रेप्‍नी।