१ थेसलोनिकी 1:6 - थुलुङ राई

⁶ ङाचो़ येशू नुङ आकीमा बेसी बेपा गानी दु़म्‍नी। छो़म इम्‍मु मेझापा दु़खाडा लोवो माम्‍चु़नी-पेलका गेर्सी बेट्‌निमका गानी सिजेम रन्‍नी।

१ थेसलोनिकी 1:6 Iomraidhean Croise

मत्ती 16:24

मेकोतिमा येशूका उनी सीसिपामिमलाई र्‍वाम्‍डी, “कोङनिमका आमा चङचङ लाम्‍दिमु न बु़ माला मेरामका उमा नसिहोम बोमु डिसाका त्‍वाकु क्रूस कुर्नु़मा आमा चङचङ लाम्‍दिनु़।

यूहन्‍ना 8:12

आथावो येशूका मु़चु़मिमनुङ ल्‍वाबेम्‍डी, मा र्‍वाम्‍डी, “सु़म्‍दिसेरडाम मु़चु़मिमकु ओल गोङा सो़। आमा चङचङ लाम्‍दिपा मु़चु़ हेल्‍लो वो तुकुम्‍चिमडा मेलाम्‍दी, लावो मेरामका त्‍वारो़म ग्‍वाक्‍पा ओल ल्‍वासु़।”

थु़र्मा 13:52

मेकोतिमा एटिन्‍ओखियाडाम खोत्‍ले थो़रलु़पामिम छो़म गेर्सिम्‍डी, मा माम्‍चु़नी-पेलका लु़न्‍सिम्‍डी।

थु़र्मा 5:41

माम्‍चु़नीका मेर्मिमलाई येशूकु नङडा नाप्‍छु़न्‍ला सो़म्‍सिमु घ्रेट्‌पा दु़म्‍बेट्‌मिडी र्‍वाक्‍तो गेर्सिक्‍तो मेर्मिम मे डोक्‍पु घ्रो़म्‍दीलामका लुम्‍डिमा लम्‍डी।

थु़र्मा 9:31

मेकोतिमा यहूदिया, गालील, सामरियाडाम खोत्‍ले मण्‍डलीडाम मु़चु़मिम उनी न भ्रसिक्‍तो बाम्‍डी। मेर्मिमका माम्‍चु़नीकु ङिम जु़ल्‍मिडी, मा माम्‍चु़नी-पेललामका उनी सो हन्‍डामा बर्तो लम्‍डी।

रोमी 15:13

सेल्‍सिमु ल्‍वापा न ग्‍वाक्‍पा माम्‍चु़नीडा गानी थो़रलु़न्‍निम बु। गुमीका गानीलाई न-गो भ्रसिबेन्‍मिनु़। मेम्‍साकाङा माम्‍चु़नी-पेलकु यु़मका मेराम ल्‍वापा इनीमा नगोडा गानी बर्तो लमु चापा दु़म्‍नी।

१ कोरिन्थी 11:1

आमा बेसी बेनी, हेसाका गो वो ख्रीष्‍टकु बेसी बेउ।

१ कोरिन्थी 11:2

खोत्‍ले ल्‍वाडा गानी गोलाई मिम्‍ङिनी, मा गो गानीलाई ग्‍वानिनिम सीसि झेन्‍थानिमिमका, गो गानीलाई कोनिनी।

१ कोरिन्थी 4:16

मेम्‍मिमका गानी आमा बेसिबेनी र्‍वाक्‍साका गो गानीलाई छो़म र्‍वाङु।

२ कोरिन्‍थी 6:10

न-गोडा दु़खा बु लोवो हेल्‍लो लोवो भ्रसिक्‍पा बुकु। गुकु हाम वो मेबाट्‌पा लोवो हापा मु़चु़लाई खाप्‍चीचो़ दु़म्‍बेट्‌पा बुकु। हाम वो मेबाट्‌पा लोवो खोत्‍लेम थोक बाट्‌पा बुकु।

२ कोरिन्‍थी 8:5

गुकु मेर्मिमलाम ल्‍वापा न बेत्तोकोमडाम वो हापा मेर्मिमका बेम्डी। ङादो मेर्मिमका उनी त्‍वापलाई ङाचो़ येशूकु ल्‍वाडा ग्‍वाम्‍डी। मेम्‍मा माम्‍चु़नीकु न होम्‍साका उनी त्‍वापलाई ङा आकी ल्‍वाडा ग्‍वाक्‍तिकी।

गलाती 5:22

लावो माम्‍चु़नी-पेलका ने गुइलाई आरेप्‍माम दु़म्‍बेसामी– रिखाम बेपा, न-थो़म भ्रसिक्‍पा, न-गो भ्रसिक्‍पा, इम्‍सिमु चापा, न-थो़मनुङमा, खोत्‍लेकाम लागि जो़पा मिम्‍पा, थो़र लु़इमिम,

एफिसी 5:1

माम्‍चु़नीका रिखाम बेपा उनीमा चो़मिम दु़स्‍तिमका गानी उनीमा बेसी बोमु माल्‍नी।

फिलिप्‍पी 3:17

वा-ल्‍वाकनी, गो बेउमिम होप्माङा बेपा मु़चु़ दु़म्नी। मेम्‍मा गुकु गानीलाई ग्‍वाक्‍तोकोम आकी बेसी होङङा बेपामिमलामका सीन्‍सिट्‌नी।

२ थेसलोनिकी 1:4

मेम्‍मिमका खोत्‍ले इनीमा थो़मतेर्सी नुङ छो़म दु़खा ल्‍वान्‍निलो इम्‍निम नुङ थो़रलु़न्‍निमकु दुथाम आकी नो़ डोक्‍पु बेत्तो माम्‍चु़नीकु वाङमिम मण्‍डलीनुङ सो़कु।

२ थेसलोनिकी 3:7

हेङालोने गुकु बेत्तोकोम होम्‍साकाङा गानी वो खारी बोमु बासी र्‍वाक्‍पा ने चनिम ङा बु। गुकु गानीनुङ बात्तोकोम थारीका हेल्‍लो वो मेभ्रेकुवा।

२ थेसलोनिकी 3:9

गुकुलाई पोमु-डुमु ग्‍वाक्‍की र्‍वाक्‍साका गानीनुङ बिमु ल्‍वाकुवा, लावो गानी वो आकीमा बेसी बेनिमा गुकु होप्‍मामङा खारी बेपा दु़म्‍नी र्‍वाक्‍साका मेम बेत्तोकोम सो़।

२ तिमोथी 4:2

जो़पा-सेला थो़बेडामी, हाङकोलो लोवो जो़पा-सेला थो़बेन्‍मुडा न सोका, मु़चु़मिमलाई लु़म्‍ला बेडामी, भुरामी, उनीमा सो हन्‍बेसाडामी, मा इम्‍सिक्‍साका बुमुडा नुङ सीमुडा चङचङया बाया।

हिब्रू 10:34

चसिक्‍पामिमडला इनीमा थो़म भ्रो़स्‍ताम बाइडा मा इनीमा खाप्‍ची रोट्‌निमिलो गेर्सिद्‌वाक्‍तो बिन्‍सिट्‌निम बाइडा। हेङालोने इनी त्‍वाकाडाङा खोत्‍लेडाम जो़पा नुङ हेल्‍लो वो मेहुक्‍पा खाप्‍चीमिम बु र्‍वाक्‍पा चक्‍निम बाइडा।

१ पत्रुस 1:6

घरिकोङकाम लागि हापा दु़खामिम गानी इम्‍मु बासी, लावो ओरामकाम लागि छो़म भ्रसी द्‌वाक्‍नी।

१ पत्रुस 1:8

गुमीलाई गानी ल्‍वान्‍निम मिबु लोवो गुमीलाई रिखाम बोनी। ओम्‍लो गुमीलाई गानी मेल्‍वानी लावो गुमीडा थो़रलु़नी, मा सो़मु मेझापा छो़म डोक्‍पु न-भ्रसी ल्‍वानी।

१ पत्रुस 3:13

गानी जो़पा खारी बोमु छो़म न बोनी माला सु़का गानीलाई मेजो़पा बोनी मा?

३ यूहन्‍ना 1:11

द्‌वादीबुङ ङोप्‍सो़नी, हाम मेजो़पा बु मेरामकु बेसी मेबेनी। उहेम मु़चु़का जो़पा बु़ मेराम मु़चु़ माम्‍चु़नीलाममिम सो़। उहेम मु़चु़का मेजो़पा बु़ मेरामका माम्‍चु़नी ल्‍वास्‍तु़म मिबु।