Biblia Todo Logo
Bìoball air-loidhne

- Sanasan -




१ थेसलोनिकी 1:5 - थुलुङ राई

5 हेङालोने गानीलाई गुकु थो़बेत्तोकोम जो़पा-सेला ने ल्‍वा कोङङा मेएँ। लावो ओराम ने यु़मनुङमा नुङ माम्‍चु़नी-पेललामका छो़म थो़रबिइमिम बाइडा। गानीनुङ गुकु बात्तोकोलो इनीमा लागि हेसाका बात्तोको मेराम गानी चनिमिम बु।

Faic an caibideil Dèan lethbhreac




१ थेसलोनिकी 1:5
60 Iomraidhean Croise  

मेकोतिमा मे सीसिपामिम खोत्‍लेथो़ लम्‍डिमा मु़चु़मिमलाई जो़पा-सेला थो़बेन्‍मु चो़म्‍मिडी। मेकोतिलो माम्‍चु़नीका वो मेर्मिमनुङ दु़म्‍साका खारी बोमु चो़म्‍मिडी, मा छेखोपका मेराम ल्‍वा आच्‍छाङा रेछा र्‍वाक्‍पा रेम्‍बेम्‍डी। आमेन]


द्‍वादीबुङ ङाचो़ थियोफिलस, येशूकु दुथाम गुकुगोडा हा-हाम ल्‍वा दु़स्‍ताम बाइडा मेर्मिम खोत्‍ले ल्‍वाकु दुथाम हापा मु़चु़मिमका र्‍यामु माल्‍मिडी।


मे थो़रलु़पामिमडला माम्‍चु़नीकु यु़म बाइडा, मा मे वाङसामामिम हापाका ङा थो़र लु़म्‍डिमा माम्‍चु़नीथो़ ख्‍लोम्‍सिम्‍डी।


मेर्मिमगोडाम थिआटीरा शहरडा बाट्‌पा हापा थिकाम गेगेम चक्‍लेम रङ्‍गकु ये भ्रेट्‌पा, माम्‍चु़नीकु सो़रलोले बेपा लिडिया नङकाम कोले मेसेम बाइडा। मेरामका आकी सिजेम थो़स्‍तु़। पावलका जेस्‍ताम ल्‍वा जो़होमका थेसिथेट्‌नु़ र्‍वाक्‍साका माम्‍चु़नीका मेरामलाई थेसिथेट्‌पा न-गो ग्‍वाम्‍डी।


माम्‍चु़नीका येशूलाई कोम्‍डिमा उनी जो़पलाम जु़ल्‍मिडी, मा ङादोङा माम्‍चु़नीका र्‍वाम्‍डिम होम्‍साका येशूका माम्‍चु़नी-पेल रम्‍डी। मेराम पेल अम्‍डिम ङा ओम्‍लो गानी ल्‍वानिमिम थो़निमिम सो़।


जो़पा-सेला थो़बेन्‍मु गोलाई क्रो़म मेलु़, हेङालोने थो़र बेपा खोत्‍लेकाम लागि सेल्‍सिमु ल्‍वापा माम्‍चु़नीकु यु़म सो़, ङादो यहूदीमिमकाम लागि मा वाङ सामाकाम लागि वो सो़।


सेल्‍सिमु ल्‍वापा न ग्‍वाक्‍पा माम्‍चु़नीडा गानी थो़रलु़न्‍निम बु। गुमीका गानीलाई न-गो भ्रसिबेन्‍मिनु़। मेम्‍साकाङा माम्‍चु़नी-पेलकु यु़मका मेराम ल्‍वापा इनीमा नगोडा गानी बर्तो लमु चापा दु़म्‍नी।


मु़चु़मिमका थक्‍साका जु़ल्‍मिडिम ल्‍वा ने माम्‍चु़नीका निया बोमिमिम नेम खोत्‍ले मु़चु़मिमगोडा येशू ख्रीष्‍टलाम रेम्‍बोमी। ओर्मिम ल्‍वा गो दो़उतोम जो़पा-सेला होप्‍माम ङा दु़म।


लावो यहूदीमिम दु़म्‍नु़का वाङसामामिम, माम्‍चु़नीका येट्‌मिडिमिमकाम लागि ने ख्रीष्‍टङा माम्‍चु़नीकु यु़म नुङ नेप्‍ची सो़।


हेसाका लोवो गो बेउमिम खारीडा खोत्‍ले मु़चु़लाई गेर्सिबेन्‍मुलाई छो़म ब्राम्‍दु़ल्‍वा बेउ, आ त्‍वाप जो़पा दु़म्‍ङुनु़ र्‍वाक्‍पा न गो मेबेउ, लावो वाङमिम खोत्ले मु़चु़मिमकाम लागि वो जो़पा दु़म्‍नु़, मा मेर्मिम खोत्ले सेल्सिमिनु़ र्‍वाक्‍पा आमा न बु।


गानी इनी त्‍वाप माम्‍चु़नीकु सो़रनेम सो़, मा माम्‍चु़नीकु पेल गानीगोडा बुमी र्‍वाक्‍पा हाम गानी मेचनी?


गो भ्रल ख्‍लिउतो, अपोल्‍लोसका कु फिक्‍तु़, लावो माम्‍चु़नीकाङा बर्बेट्‌मिडी।


माम्‍चु़नीकु किब्‍दी जेसीडा मेएँ, यु़मडा दु़म।


मेम्‍साकाङा उहेमका जो़पा-सेला थो़बेन्‍मी, मेलामकाङा मेर्मिम डु़ल्‍सिमिनु़ र्‍वाक्‍साका ङाचो़ येशूका वो र्‍वाम्‍डी।


गुमीका गुकुलाई लाले सो़रख्रेप्‍सीकु डु़ल्‍चो़ दु़म्‍मु चापा दु़म्‍बेत्तिकिमिम बु। ओराम लाले सो़रख्रेप्‍सी ने र्‍याक्‍मा डु़म्‍लामिम मेएँ, लावो माम्‍चु़नी-पेललाम सो़। र्‍याक्‍मा डु़म्‍लाका सिमुलाम रेडु़, लावो माम्‍चु़नी-पेलका ने त्‍वारो़म ग्‍वाक्‍सामी।


माम्‍चु़नीका गोलाई मेसिन्‍डा लमु र्‍वाम्डिमका गो लङडो। मेसिन्‍डा बाङ्डोलो मेराम मण्‍डलीडाम ङाउमिमनुङ वाङ घ्रो़म्साका वाङसामामिमलाई गो थो़बेट्‌पुमिमिम जो़पा-सेला मेर्मिमनुङ सो़उतो। गो बेत्तोङा लेट्‌पुमिम ओराम खारी हाम ना हामकाम मेदु़म्‍नु़ र्‍वाक्‍साका आरे बेउतो।


लावो गुइ थो़रलाम माम्‍चु़नीकु ङादोडा जो़पा न-गोकाम दु़म्‍सिनु़ र्‍वाक्‍साका इकी न-गोडा लन्‍थामु चापा ने माम्‍चु़नी-पेलका दु़म्‍बेसामी।


गुइ ने माम्‍चु़नीका प्रङ्‍साड्‍डामिम सो़। गुइ जो़पा खारी बिइनु़ र्‍वाक्‍साका गुमीका गुइलाई ङाचो़ येशू ख्रीष्‍टडा प्रङ्‍साड्‌डामी। गुइ मेर्मिम जो़पा खारी बिइनु़ र्‍वाक्‍साका माम्‍चु़नीका ङादोङा मुलु़ बेम्‍डिम बाइडा।


गुइगोडा खारी बेपा उनीमा यु़मलामका गुइ मिम्‍डिम नुङ बिइडिमडाम वो हापा ग्‍वामु चापा माम्‍चु़नीकु नङ,


हेङालोने गानी गुमीलाई गेर्सिबेट्‌पा खारी बोमु चापा नुङ बोमु माल्‍पा दु़म्‍बेन्‍मु लागि माम्‍चु़नीकाङा गानीगोडा खारी बेत्तोङा लेन्‍मी।


गानी हाम ल्‍वा गोलामका सीन्‍सिट्‌नी, रन्‍नी, थो़न्‍नी मा आमाडा ल्‍वान्‍नी मेङा बेनी। मेम्‍मा न-भ्रसिबेट्‌पा माम्‍चु़नी गानीनुङ दु़म्‍मी।


इनीमा सो हन्‍नु़ मा रिखाम बेबोमुडा कोले दु़म्‍नी र्‍वाक्‍साका ओराम बेउतोम बु। इनीमा थो़रडा ने जो़पा दु़म्नी मा गानी मेमुर्पा दु़म्नी, हेङालोने गानी आच्‍छाङाकाम सिजेम जो़होमका थेसिथेट्‌निम बु। मेम्मा माम्‍चु़नीकु थक्‍मा ल्‍वा ख्रीष्‍टकु दुथाम आच्‍छाङाका थेसिथेनिनु़ र्‍वाक्‍पा आमा न बु।


माम्‍चु़नीलाई गुकु हेल्‍लो लोवो आलासो़ ग्‍वाकु, हेङालोने उनीमा सिजेम गुकुलाम गानी थो़न्‍निलो मु़चु़मिमकु ल्‍वा होङङा मेएँ, माम्‍चु़नीकु सिजेमङा र्‍वाक्‍साका रन्‍नी। मेराम आच्‍छाङा माम्‍चु़नीकु सिजेम सो़, उहेमका गानी थो़रलु़पामिम गोडा खारी बु़।


गुकु गानीलाई थो़बेत्तोकोम जो़पा-सेलालामका सेल्‍सिमु लागि माम्‍चु़नीका येट्‌निम बु। गानी वो इकीमा ङाचो़ येशू ख्रीष्‍टकु यु़म-झ्‍वाक्‍सीकाम दो़दो़वा डार्नी।


माम्‍चु़नीका छेट्‌मिडिम मु़चु़मिमका वो ख्रीष्‍ट येशूडा सेल्‍सिमु ल्‍वामी। मेम्‍मा मेराम सेल्‍सिसीनुङ हेल्‍लो वो मेदाम्‍पा यु़म-झ्‍वाक्‍सी ल्‍वामी मेम्‍मिमका मेर्मिमकाम लागि गो खोत्‍ले इम्‍पा आमा न बु।


सिमुलाम बम्‍गेम्‍डिम दाऊदकु दोचो़लाममिम येशू ख्रीष्‍टलाई मिम्‍डा, गो थो़बेत्तोमिम जो़पा-सेला ओरामङा सो़।


ख्रीष्‍टकु सिसि रक्‍साका ख्‍लो़ट्‌मा इकीमा न-गो छेको-छेको दु़म्‍बेसाका, मा जो़पा कुका इकीमा मिरो़म सो़ल्‍मिडिम दु़म्‍साका, आच्‍छाङाकाम थो़रलु़सी नुङ आच्‍छाङाकाम न-गोनुङ माम्‍चु़नीकु फार्डा लक्‍सी।


आरेप्‍माम इनीमा जो़पा खारी नुङ रिखाम इनीमा सिमु थारीसम्‍मङा बेनिम बानी मा गानी हाम ल्‍वामु न बेन्‍निम बु मेराम डार्नी र्‍वाक्‍पा आकीमा न बु।


माम्‍चु़नीका गुमीलाम-जेपामिमका जेम्‍डिम ल्‍वा मेर्मिमलाई जो़पा दु़म्‍पा मेएँ, लावो इनीमा लागि सो़ र्‍वाक्‍पा मेर्मिमनुङ रेम्‍बेम्‍डी। पाह्रीलामका माम्‍चु़नीका थु़र्मिडिम माम्‍चु़नी-पेलकु यु़मलामका मेर्मिमका गानीलाई थेसिथेन्‍बेट्‌निम बाइडा। ओराम ल्‍वा थेसिथेन्‍मु पाह्रीचो़मिमकाम वो छो़म उनी न बु।


माम्‍चु़नी नुङ इकी ङाचो़ येशू ख्रीष्‍टकु पापकाम नङ कोसिनु़। छो़म उनी न-थो़मका येशू ख्रीष्‍टकु सिमुलाममिम बग्‍गेसीलामका मेसिपा नकाम लागि गुइ लाले दु़म्‍साका गस्‍तिम बुइ।


गानीलाई रेम्‍बेबेट्‌मा मु़चु़मिमडला साखाम थो़साका मेएँ लावो मेर्मिमकाम लागि कोले रेम्‍बेपा मु़चु़ दु़म्‍साका रेप्‍नी।


मेम्‍मिमका वा-ल्‍वाकनी, माम्‍चु़नीका गानीलाई येट्‌निम नुङ छेट्‌निम र्‍वाक्‍पा रेम्‍बोमु छो़म सो हन्‍पा दु़म्‍नी। गानी आरे बोनी माला इनी थो़रडाम हेल्‍लो वो ताङताहेरथो़ मेलनी।


मेम्‍मिमका गुकु थो़त्तोकोम माम्‍चु़नीलाम-जेपामिमकु सिजेमडा छो़म आच्‍छाङा दु़स्‍ताम बु। नेमसोसोम सोरलुङ मेओप्‍थु़म नुङ नेमसोसो मेदु़मथु़मसम्‍म तुकुम्‍चिमडला झ्‍वाक्‍पा ओल होप्‍माम मेराम सिजेमडा न सोक्‍नी माला गानी जो़पा बोनी।


Lean sinn:

Sanasan


Sanasan