१ थेसलोनिकी 1:3 - थुलुङ राई

³ थो़रका बेबेट्‌निम इनीमा खारी, रिखामका बेबेट्‌निम ब्राम्‍दु़ल्‍वा नुङ इकीमा ङाचो़ येशू ख्रीष्‍टडाम हाम हुम ल्‍वापा नका बेबेट्‌निम इनीमा इम्‍सी माम्‍चु़नी पापनुङ सो़म्‍दी बोकुलो मिम्‍कुम बुकु।

१ थेसलोनिकी 1:3 Iomraidhean Croise

यूहन्‍ना 14:15

“गानी गोलाई रिखाम बोङिनी माला गो र्‍वाङुमिम थो़नी।

यूहन्‍ना 15:10

गानी गो र्‍वाङ्‌डोम थो़नी माला आमा रिखामडा गानी बुनी, हेसाका गो वो आमा पापका र्‍वाम्‍डिम थो़उतो, मा उनीमा रिखामडा बुङु।

थु़र्मा 10:31

मा र्‍वाक्‍ता, ‘कर्नेलियस, माम्‍चु़नीका इमा सो़म्‍दी थो़म्डिम बु, मा उनी हाम वो मेबाट्‌पामिमलाई खाप्‍ची ग्‍वानामिम गुमीका मिम्‍मिडिम बु।

थु़र्मा 3:19

मेम्‍मिमका इनीमा छु़ल न-गोलामका मिम्‍सिट्‌निमा ख्‍लोन्‍सिट्‌नी, मा इनीमा छु़ल हेम्‍सिनु़। मेकोतिमा इनीमा गेर्सिमु थारी माम्‍चु़नीलाम रोनु़,

रोमी 12:12

गानी इनी नगोडा हाम-हुम लन्‍थानिमिम ल्‍वाडा गेर्सी द्‍वाक्‍नी, दु़खा थारीडा इम्‍सिसाका बानी मा हेल्‍लो लोवो सो़म्‍दी बेनिम बानी।

रोमी 15:13

सेल्‍सिमु ल्‍वापा न ग्‍वाक्‍पा माम्‍चु़नीडा गानी थो़रलु़न्‍निम बु। गुमीका गानीलाई न-गो भ्रसिबेन्‍मिनु़। मेम्‍साकाङा माम्‍चु़नी-पेलकु यु़मका मेराम ल्‍वापा इनीमा नगोडा गानी बर्तो लमु चापा दु़म्‍नी।

रोमी 15:4

ङादो र्‍याक्‍मा सिजेमडाम ल्‍वा इकीमा सीसिकाम लागि र्‍वाक्‍साका र्‍याक्‍मा बाइडा। मेराम सिजेमका गुइलाई इम्‍मु चापा दु़म्‍बेसाका माम्‍चु़नीका याचे जेम्‍डिम ल्‍वा रोथिनु़ र्‍वाक्‍पा न, नुङ सो हन्‍पा दु़म्‍बेसा।

रोमी 16:26

लावो ओम्‍लो माम्‍चु़नीलाम जेपामिमका र्‍याम्‍डिम खाजेमडा थेसीथेट्‍पा बेसाका र्‍याक्‍मा बु। हेल्‍लो लोवो दु़म्‍पाम बाट्‍पा माम्‍चु़नीका र्‍वाम्‍डिम होम्‍साका खोत्‍ले मु़चु़का ख्रीष्‍टडा थो़रलु़साका गुमीका र्‍वामिमिम थो़पा दु़म्‍मिनु़ र्‍वाक्‍साका ओराम थक्‍मा जो़पा-सेला खोत्‍ले सामाकाम मु़चु़मिमगोडा थो़बेट्‍मा बु।

रोमी 16:6

इनीमा लागि हापा ब्राम्‍दु़ल्‍वा बेपा मरियमलाई वो आमा सेव बु र्‍वाक्‍नी।

रोमी 2:7

याक्‍के दु़म्‍साका जो़पा खारी बेपाम्‍बाट्‍पा, माम्‍चु़नीकु यु़म-झ्‍वाक्‍सी, जो़पा दु़म्‍सी नुङ हेल्‍लो वो मेसिपा त्‍वारो़म माल्‍मी। मेर्मिमलाई माम्‍चु़नीका हेल्‍लो वो मेसिपा त्‍वारो़म ग्‍वामी।

१ कोरिन्थी 13:13

थो़र, हाम-हुम ल्‍वापा न, नुङ रिखाम ओर्मिम सुले हेल्‍लो लोवो दु़म्‍मिम बुमी। लावो ओर्मिमगोडा खोत्‍लेडाम डोक्‍पु ने रिखाम सो़।

१ कोरिन्थी 15:58

मेम्‍मिमका आमा द्‌वादीबुङ वा-ल्‍वाकनी, थो़रलु़इमिम दु़म्‍निम बानी मा यु़मनुङमा दु़म्‍नी। हेल्‍लो लोवो ङाचो़कु खारी छो़म बेनिम बानी। हेङालोने गानी ङाचो़काम लागि ब्राम्‍दु़ल्‍वा बोनिमिम हाम ना हाम मेदु़म र्‍वाक्‍पा गानी चनी।

२ कोरिन्‍थी 2:17

वाङमिम हापा मु़चु़मिमका खाप्‍ची डु़म्‍मु लागि बेम्‍डिम होङङा माम्‍चु़नीकु सिजेम भ्रेट्‌पा मु़चु़ गुकु मेएँ, लावो गुकु ने माम्‍चु़नीका थु़र्तिकिम मु़चु़ सो़, मा माम्‍चु़नीकु ङादोडा गुकु ख्रीष्‍टकु डु़ल्‍चो़ दु़म्‍साका उनीमा सिजेम आच्‍छाङा जेकु।

गलाती 1:4

छु़ल बेत्तोङा बेपा ओराम सु़म्‍दिसेरलामका सेल्‍मु लागि गुमी इकीमा माम्‍चु़नी पापकु न होम्‍साका उनी त्‍वापङा सासेन्‍सिम्‍डी।

गलाती 5:13

वा-ल्‍वाकनी, माम्‍चु़नीका गानीलाई डु़ल्‍चो़लाम वाङ दु़म्‍मु लागि येट्‌निमिम सो़। ओराम वाङदु़म्‍सी ने इनीमा मिरो़मडाम मेजो़पा न-गो होम्‍साका मेदोनु़, लावो रिखामका इनी त्‍वाप-त्‍वापडा ख्‍लो़या-बाया बेबेनी।

गलाती 5:6

गुइ ख्रीष्‍ट येशूडा थो़रलु़पामिमकाम लागि ने कोक्‍ते खिरिरि क्रिप्‍डी लोवो मेक्रिप्‍डी लोवो मेराम हाम वो मेएँ। लावो कोलेङा डोक्‍पु ल्‍वा बु, मेराम ने रिखामनुङमा दु़म्‍साका खारी बेपा थो़र सो़।

गलाती 6:9

जो़पा खारी बोमुडा हेल्‍लो वो मेघ्रु़म्‍सी। हेङालोने गुइ जो़पा खारी बिइहोम बुइ माला रोक्‍पा थारीका माम्‍चु़नीका जि ग्‍वाक्‍सामी।

१ थेसलोनिकी 3:6

लावो इनीमालामका तिमोथी ओम्‍लो आकीमाडा रोक्‍ताम बु, मा इनीमा थो़र नुङ रिखामकु दुथाममिम भ्रपा ल्‍वा रेड्‌डु़म बु। गानी हेल्‍लो लोवो गेर्सिद्‌वाक्‍तो गुकुलाई मिम्‍किनी ए, मा गुकुनुङ घ्रो़म्‍मु न बोनी ए र्‍वाक्‍साका गुका सो़यु़डु़। मेम्‍साकाङा गुकु वो गानीलाई क्रो़म्‍मु न बोकुमिम बु।

२ थेसलोनिकी 1:11

ओराम ल्‍वा नडा मिम्‍साका गुकु हेल्‍लो लोवो सो़म्‍दी बोकुमिम बुकु, माम्‍चु़नीका गानीलाई उनीमा किब्‍दीगोडा हुमु घ्रेट्‌पा दु़म्‍बेनिमिनु़। मेम्‍मा गानी इनीमा नका नुङ थो़रका बेन्‍निम खोत्‍ले खारीमिम उनीमा यु़मलामका दु़म्‍नु़।

२ थेसलोनिकी 1:3

वा-ल्‍वाकनी, इनीमा लागि गुकु हेल्‍लो लोवो माम्‍चु़नीलाई आलासो़ ग्‍वामुङा बासी। ओराम जो़पा दु़म, हेङालोने ख्रीष्‍टडा गानी छो़म थो़रलु़त्तो लनिम बु, मा वाङमिम मु़चु़नुङ वो छो़म रिखाम बेबोनिमिम बु।

१ तिमोथी 1:14

इकीमा ङाचो़ ने हाङकोम न-थो़मनुङमा नुङ दिदामचो़! गुमीका ख्रीष्‍ट येशूलामका रोक्‍पा थो़र नुङ रिखाम छो़म ग्‍वाङ्‌डिमी।

१ तिमोथी 2:3

ओराम गुइ सेल्‍पा माम्‍चु़नीकु मिक्‍सीलामडा जो़पा बु, मा ओरामलामका गुमी गेर्सी द्‌वामी।

हिब्रू 10:36

गानी हाम वो मेर्‍वाक्‍साका इम्‍मु बासी, मेम्‍साका माम्‍चु़नीकु न होङङा गानी बोनी मा गुमीका हाम ग्‍वानिनी र्‍वाक्‍साका याचे जेम्‍डिम बाइडा मेराम ल्‍वा ल्‍वानी।

हिब्रू 11:17

थो़रकाङा माम्‍चु़नीका अब्राहामकु न छाम्‍मिडिलो उमा चो़ इसहाक सेन्‍मुमा माम्‍चु़नीलाई ग्‍वामु झो़म्‍सिड्‌डा। अब्राहामनुङ माम्‍चु़नीका याचे जेम्‍डिम बाइडा, मेम मा वो गुका कोलेङा बाट्‌पा उ चो़ सेन्‍मु झो़म्‍सिड्‌डा।

हिब्रू 13:21

उनीमा न होङङा बोमु खोत्‍ले जो़पा ल्‍वाका बोमु चापा दु़म्‍बेनिमिनु़। मेम्‍मा गुमीलाई गेर्सी बेट्‍पा खोत्‍ले ल्‍वा येशू ख्रीष्‍टलाम गुइगोडा बोमिनु़। येशू ख्रीष्‍टकु नङ हेल्‍लो लोवो कोसिनु़म बुनु़। आमेन।

हिब्रू 4:11

मेम्‍मिमका गुइ माम्‍चु़नीकु ङेसिक्‍पा खोमगोनो हुमु माली। माकेम मु़चु़मिम होम्‍साका थो़र मेलु़साका मे ङेसिक्‍पा खोमगोनो हुमु मेचापा मेदु़म्‍सी।

हिब्रू 6:15

अब्राहामका इम्‍सिसाका लथाड्‌डु़। मेम्‍मा माम्‍चु़नीका याचे जेम्‍डिम जि ल्‍वास्‍तु़।

१ पत्रुस 3:4

इनीमा जो़प्‍सी ने न-गोलाममिम दु़म्‍मु बासी। मेराम हेल्‍लो वो मेदाम्‍पा याक्‍के दु़म्‍सी नुङ लिबा बासी सो़। माम्‍चु़नीकु ङादोडा मेराम हापा थिकाम दु़म।

१ यूहन्‍ना 3:18

द्‌वादीबुङ चो़च्‍चो़नी, जेसी पेसीलाम कोङङा रिखाम बे बि। इकीमा बेसी-पेसीका आच्‍छाङा रिखाम बेबिमिम रेम्‍बी।

१ यूहन्‍ना 3:21

द्‌वादीबुङ ङोप्‍सो़नी, इकीमा नका गुइलाई मुमा मेबेसा माला माम्‍चु़नीकु ङादोडा गुइ मेङिसी।

१ यूहन्‍ना 3:3

मेम्‍मा आरे दु़म्‍मु लथाक्‍पा मु़चु़ खोत्‍लेका येशू ख्रीष्‍ट छु़ल मान्‍थिम बुमिमिम होङङा त्‍वापलाई छु़ल मान्‍थिम दु़म्‍बेन्‍मी।

१ यूहन्‍ना 5:3

माम्‍चु़नीलाई रिखाम बोमु र्‍वाक्‍मा गुमीका बेबेसाड्‌डामिम होङङा बोमु मा गुमीका बेबेसाड्‌डामिम ल्‍वा बोमु मेझापा मिबु।

रेम्‍बेट्‌मिडिम ल्‍वा 2:19

इमा खारीमिम, इमा रिखाम नुङ थो़र, इमा ङोप्‍सो़मिमलाई ख्‍लो़नामिमिम नुङ मेचाप्‍तो इम्‍थानामिम गो चक्‍पु। मेम्‍मा गाना ङादो थो़र लु़न्‍नालो बेन्‍नामडाम वो हापा ओम्‍लो बोनामिम बु।

रेम्‍बेट्‌मिडिम ल्‍वा 3:10

गो र्‍वाङ्‌डोम होङङा गाना इम्‍सिक्‍साका बेन्‍ना। मेम्‍मिमका रोमु खापा दु़खा थारीडाम गो गानालाई बोनी-थार्नी। मेराम दु़खा ने सु़म्‍दिसेरडा बाट्‌पामिम खोत्‍लेडला रो।