१ पत्रुस 5:6 - थुलुङ राई

⁶ मेम्‍मिमका माम्‍चु़नीकु यु़मनुङमा गोजु़डा याक्‍के दु़म्‍साका बानी। मेम्‍मा गुमीका गानीलाई जो़पा थारीका खोत्‍लेडाम डोक्‍पु दु़म्‍बेनी।

१ पत्रुस 5:6 Iomraidhean Croise

मत्ती 23:12

उहेमका उ त्‍वापलाई डोक्‍पु मिम्‍सी मेराम याक्‍के दु़म, मा उहेमका उ त्‍वापलाई याक्‍के मिम्‍सी मेराम डोक्‍पु दु़म।

लूका 1:52

गुमीका साखामचो़मिमलाई हाम ना हामकाम दु़म्‍बेट्‌मिडिम बु, मा याक्‍के दु़म्‍पामिमलाई डोक्‍पु बेम्‍डिम बु।

लूका 14:11

हेङालोने उहेम मु़चु़का डोक्‍पु मिम्‍सी मेराम याक्‍के दु़म, मा उ त्‍वाप याक्‍के दु़म्‍पा मु़चु़ ने डोक्‍पु दु़म।”

लूका 18:14

“गो गानीलाई र्‍वाङु, मे फरिसी मेएँ, कर फक्‍पा मु़चु़ माम्‍चु़नीकु न-गो होप्‍माम दु़स्‍तामा उ नेम ख्‍लोस्‍ता। हेङालोने उहेम मु़चु़का उ त्‍वापलाई डोक्‍पु मिम्‍सी मेरामलाई माम्‍चु़नीका याक्‍के दु़म्‍बेन्‍मी, मा उ त्‍वाप याक्‍के दु़म्‍पा मु़चु़ ने माम्‍चु़नीका डोक्‍पु दु़म्‍बेन्‍मी।”

रोमी 5:6

सेल्‍सिमुकाम लागि गुइ इकी त्वाकाङा हाम वो बोमु मेचाप्‍सी। मेम्‍मिमका येशू ख्रीष्‍ट उनी त्‍वापङा गुइ छु़लचो़काम लागि माम्‍चु़नीका र्‍वाम्‍डिम थारीकाङा सिम्‍डी।

१ कोरिन्थी 10:22

हाम गुइ ङाचो़कु नो़ मेनु़बेन्‍मु? हाम गुइ गुमीडाम यु़मचो़ बुइ मा?

१ तिमोथी 2:6

खोत्‍ले मु़चु़मिमका देन्‍दे ल्‍वामुडाम फ्‍वामुकु थि सोमु लागि येशू ख्रीष्‍ट उनी त्‍वापङा सासेन्‍सिम्‍डी। खोत्‍ले मु़चु़ सेल्‍सिमिनु़ र्‍वाक्‍पा न बेपा माम्‍चु़नीका येशू ख्रीष्‍ट क्रूसडा चेसिक्‍साका सिमु ग्‍वाम्‍डिम ल्‍वाका रेम्‍बु़। मेराम माम्‍चु़नीका र्‍वाम्‍डिम थारीका दु़स्‍ता।

तीतस 1:3

जो़पा-सेला थो़बेसीलामका गुमीका मुलु़ बेम्‍डिम जो़पा थारीका मु़चु़मिमलाई ओराम ल्‍वा चबेट्‌मिडी। गुमीका मेराम खारी बेबेट्‌ङिडिमी मा गुइलाई सेल्‍पा इकी माम्‍चु़नीका बेबेट्‌ङिडिमिम होम्‍साका गो बेउतो।

याकूब 4:10

माम्‍चु़नीकु ङादोडा इनी त्‍वापङा याक्‍के दु़म्‍नी, मेम्‍मा गुमीका गानीलाई डोक्‍पु मिम्‍निमी।

याकूब 4:7

मेम्‍मिमका इनी त्‍वापलाई माम्‍चु़नीकु ल्‍वाडा जु़ल्‍नी। शैताननुङ क्‍वाल्‍बा बेप्‍डा बक्‍नी, मा मेराम गानीलामका स्‍वामा ल।

याकूब 5:10

वा-ल्‍वाकनी, माम्‍चु़नीकु सिजेम थो़बेट्‌पा माम्‍चु़नीलाम-जेपा मु़चु़मिमलाई मिम्‍नी, मा मेर्मिमका दु़खा इम्‍साका बाम्‍डिम होम्‍साकाङा गानी वो बानी।