१ पत्रुस 5:3 - थुलुङ राई

³ गानीलाई रेम्‍बेबेट्‌मा मु़चु़मिमडला साखाम थो़साका मेएँ लावो मेर्मिमकाम लागि कोले रेम्‍बेपा मु़चु़ दु़म्‍साका रेप्‍नी।

१ पत्रुस 5:3 Iomraidhean Croise

यूहन्‍ना 13:15

गो इनीमा लागि बेउतोम होम्‍साकाङा गानी वो बेनी र्‍वाक्‍साका गानीलाई रेम्‍बेट्‌निनिम सो़।

थु़र्मा 20:28

गानी इनीमा त्‍वाप नुङ खोत्‍ले थो़रलु़पामिमकाम लागि चङचङया बानी वो! माम्‍चु़नी-पेलका गानीलाई मे थो़रलु़पामिम रेपा खुन्‍चु़म खुबेट्‌निमिम बु। मेम्‍मिमका गुमीका उनीमा त्‍वाकु तारापाचो़ येशूकु सिसिका भ्रेम्‍डिम माम्‍चु़नीकु मण्‍डलीलाई न-गो सोक्‍निमा जो़होमका रेप्‍नी।

१ कोरिन्थी 11:11

लोवो ङाचो़कु मु़चु़मिमगोडा मेसेम वोस्‍चो़ मेदु़म्‍थु़म मेनु़, मा वोस्‍चो़ मेसेम मेदु़म्‍थु़म मेनु़।

१ कोरिन्थी 3:5

अपोल्‍लोस सु़ मा? मा पावल सु़ मा? गुचुकु ने माम्‍चु़नीकु डु़ल्‍चो़ कोङङा, उहेमलामका गानी थो़र लु़नी। ङाचो़का बेबेच्‍चिकिमिम आची खारी गुचुकु बेच्‍चोकोम सो़।

१ कोरिन्थी 3:9

हेङालोने गुचुकु निफिङा कोयोकोयो माम्‍चु़नीकु खारी बेपा सो़। गानी ने माम्‍चु़नीकु ब्‍याङसी, मा माम्‍चु़नीकु नेम सो़।

२ कोरिन्‍थी 1:24

इनीमा थो़रलु़सीडला गुकु साखाम थो़मु लागि मेएँ, लावो इनीमा न भ्रम्‍सिमु लागि गानीनुङ खारी बोमु न बोकु, हेङालोने इनीमा थो़र छो़म सोनुङमा बु।

२ कोरिन्‍थी 4:5

गुकु थो़बेन्कुमिम ल्‍वा आकीमा दुथाममिम मेएँ, लावो येशू ख्रीष्‍ट ने ङाचो़ र्‍वाक्‍पा ल्‍वा नुङ ख्रीष्‍टकाम लागि गुकु इनीमा डु़ल्‍चो़ दु़म्‍तोकोम बु र्‍वाक्‍साका थो़बेन्‍कु।

फिलिप्‍पी 3:17

वा-ल्‍वाकनी, गो बेउमिम होप्माङा बेपा मु़चु़ दु़म्नी। मेम्‍मा गुकु गानीलाई ग्‍वाक्‍तोकोम आकी बेसी होङङा बेपामिमलामका सीन्‍सिट्‌नी।

फिलिप्‍पी 4:9

गानी हाम ल्‍वा गोलामका सीन्‍सिट्‌नी, रन्‍नी, थो़न्‍नी मा आमाडा ल्‍वान्‍नी मेङा बेनी। मेम्‍मा न-भ्रसिबेट्‌पा माम्‍चु़नी गानीनुङ दु़म्‍मी।

१ थेसलोनिकी 1:7

मेम्‍मिमका माकेडोनिया नुङ अखैयाडाम थो़रलु़पा खोत्‍लेका इनीमा बेसी बोमी।

२ थेसलोनिकी 3:9

गुकुलाई पोमु-डुमु ग्‍वाक्‍की र्‍वाक्‍साका गानीनुङ बिमु ल्‍वाकुवा, लावो गानी वो आकीमा बेसी बेनिमा गुकु होप्‍मामङा खारी बेपा दु़म्‍नी र्‍वाक्‍साका मेम बेत्तोकोम सो़।

१ तिमोथी 4:12

स्‍वाला र्‍वाक्‍साका गानालाई सु़का वो याक्‍के मेमिम्‍नामिनु़, लावो थो़रलु़पामिमकु ङादोडा सिजेमडा, खारी बेसी नुङ रिखामडा, थो़रडा नुङ नडा जो़पा दु़म्‍साका रेम्‍बेसा।

तीतस 2:7

खोत्‍ले जो़पा खारी बेत्तो मेर्मिमकु ङादोडा रेम्‍बेपा मु़चु़ गाना दु़म्‍सा। गाना मेर्मिमलाई सीनामिलो इमा न-गो जो़पा नुङ डोक्‍पु र्‍वाला सो़सिक्‍पा,

१ पत्रुस 2:9

लावो गानी ने माम्‍चु़नीका थुट्‌निम पाइमाखा, हपकु डु़म्‍लाचो़मिम, माम्‍चु़नीकु नङका साट्‌पा सामा, गानीलाई तुकुम्‍चिमलामका हेल्‍लो वो मेल्‍वाम्‍मा ओलडा रेट्‌निमिम माम्‍चु़नीकाम उनी त्‍वाकु मु़चु़मिम सो़। गुमीका मु़चु़मिमलाई छो़म जो़पा खारी थो़बेन्‍मु लागि गानी थुट्‌निम बु।