१ पत्रुस 5:13 - थुलुङ राई

¹³ बेबिलोनडा बाट्‌पा मण्‍डलीका गानीलाई सेव र्‍वाक्‍ताम बु, मा आमा तारापाचो़ होप्‍माम मर्कूसका वो गानीलाई सेव र्‍वाक्‍ताम बु।

१ पत्रुस 5:13 Iomraidhean Croise

थु़र्मा 12:12

ओराम ल्‍वा पत्रुसका चडु़मा गु मर्कूस र्‍वाक्‍मा यूहन्‍नाकु माम मरियमकु नेमडा लस्‍ता। मेसिन्‍डा हापा मु़चु़मिम खोम्‍सिम्‍डिमा सो़म्‍दी बेत्तोङा लेट्‌मिडिम बाइडा।

थु़र्मा 12:25

बारनाबास नुङ शाऊलका यरूशलेमडा उची खारी डु़म्‍चिमा एन्‍टिओखिया शहरथो़ ख्‍लोसिक्‍ची। मेर्चिपनुङ मर्कूस र्‍वाक्‍मा यूहन्‍ना वो बाइडा।

थु़र्मा 15:37

बारनाबासका मर्कूस र्‍वाक्‍मा यूहन्‍नालाई उची त्‍वापनुङ लमु न बु़डु़।

थु़र्मा 15:39

पावल नुङ बारनाबास छो़म डोक्‍पु गो फ दु़म्‍ची, मा मेर्चिप फ्‍वासिक्‍ची। मेकोतिमा मर्कूस र्‍वाक्‍मा यूहन्‍ना नुङ बारनाबास कुबी-बोक्‍सालामका साइप्रस टापुथो़ लक्‍ची।

कलस्‍सी 4:10

गोनुङङा चतासिक्‍पा अरिस्‍तार्खसका गानीलाई सेव र्‍वाक्‍ताम बु। बारनाबासकु रु़चु़ मर्कूसका वो गानीलाई सेव र्‍वाक्‍ताम बु। उमा दुथाम ङादो गो गानीलाई र्‍वामु दु़म्तोम बु। गु इनीमाडा रोक्‍ता माला जो़होमका हुनाखाना बेनी।

फिलेमोन 1:24

मेम्‍साकाङा गोनुङ कोयोङा खारी बेपामिम: मर्कूस, अरिस्‍तार्खस, डेमास नुङ लूकाका वो सेव र्‍वाम्‍डिम बु।

२ यूहन्‍ना 1:1

माम्‍चु़नीका छेट्‌नामिम द्‌वादीबुङ रिचो़ नुङ इमा चो़मिमलाई मण्‍डली रेपा गो ङाउ यूहन्‍नाका ओराम सेलाखाजेम र्‍याक्‍तोङा बेउ। गो गानीलाई न-गोलामका रिखाम बोनिनी। गो कोङङा गानीलाई रिखाम बोनिनिमिम मेएँ लावो आच्‍छाङाकाम सीसि चक्‍पा खोत्‍लेका गानीलाई रिखाम बोनिमी।

२ यूहन्‍ना 1:13

माम्‍चु़नीका छेट्‌मिडिम जाउमो इमा ल्‍वाककु चो़मिमका गानालाई सेव र्‍वाम्‍डिम बु।

रेम्‍बेट्‌मिडिम ल्‍वा 17:5

मेराम मेसेमकु कुप्‍पीडा ओराम नङ र्‍याक्‍मा बाइडा, मा ओराम नङकु दुथाम थेसिथेन्‍मु मेझापा बाइडा: “सुबुडाम छो़लो़मामिमकाम नुङ घ्राम्‍लु़पा खारी बेपामिमकु माम डोक्‍पु बेबिलोन।”

रेम्‍बेट्‌मिडिम ल्‍वा 18:2

गुका साखामनुङमा लो़लामका आरे र्‍वाक्‍तामा येस्‍ता: “झार्स्‍ता, झार्स्‍ता, डोक्‍पु शहर बेबिलोन! मुनाङमिमकु नेम मेराम दु़स्‍ताम बु, मेसेपा खोत्ले पेलमिम, मेसेपा खोत्ले मुनाङमिमकु बाखोप, घ्रामलु़पा खोत्ले चक्‍पुकु बाखोप दु़स्‍ताम बु।