१ पत्रुस 5:12 - थुलुङ राई

¹² थो़रलु़इमिम लु़ङडोम ल्‍वाक सिलासलामका ओराम कति दु़पा सेलाखाजेम गानीलाई र्‍याक्‍तोङा लेट्‌पु। इनीमा सो हन्‍बेन्‍मु नुङ ओराम माम्‍चु़नीकु आच्‍छाङाम दिदाम सो़ र्‍वाक्‍पा गानीनुङ सो़मु र्‍याक्‍तोङा बेउ। ओरामडा गानी दु़म्‍निम बानी।

१ पत्रुस 5:12 Iomraidhean Croise

यूहन्‍ना 21:21

पत्रुसका गुलाई ल्‍वास्‍तु़मा येशूनुङ हिलाबु़डु़, “ङाचो़, ओराम हे दु़म?”

थु़र्मा 11:23

बारनाबास एन्‍टिओखिया शहरडा रोक्‍फाड्‌डालो मेसिन्‍डाम मु़चु़मिमलाई माम्‍चु़नीका उनी दिदाम ग्‍वाम्‍डिम ल्‍वास्‍तु़मा गु गेर्सी द्‌वाक्‍ता। गुका मेर्मिम खोत्‍लेलाई माम्‍चु़नीडा न-गोलामका ङा थो़रलु़मुमबुमु उनी सो हन्‍बेसाड्‌डु़मी।

थु़र्मा 15:22

मेकोतिमा थु़र्मामिम, एल्‍डरमिम नुङ खोत्‍ले थो़रलु़पामिमका उनी त्‍वाकु मु़चु़मिमगोडाम कोले-नले थुमुमी, मा मेर्मिमलाई पावल, बारनाबासनुङ एन्‍टिओखिया शहरथो़ थु़र्मु मुलु़ बेम्‍डी। मेर्मिमका थो़रलु़पामिमगोडाम उनी ङाउचिप बारसाबास र्‍वाक्‍मा यहूदा नुङ सिलासलाई थुट्‌मिडिची।

थु़र्मा 20:24

लावो गो आमा मिरो़म त्‍वाकाम लागि हाम होङ्‍ङा वो मेलु़ङु। गो आकोति कोङङा मालुमिम बु– येशू ख्रीष्‍टका गोलाई ग्‍वाङ्‌डिमिम माम्‍चु़नीकु दिदामकु दुथाममिम जो़पा-सेलाकु खारी गो मेङेसिसाका बोम्‍सोमु चापुनु़।

रोमी 5:2

येशू ख्रीष्‍टडा बिइडिम थो़रलामका गुमीका गुइलाई माम्‍चु़नीकु दिदामगोडा रेसाड्‍डामिम बु। ओम्‍लो गुइ मेराम दिदामगोडा बुइ। गुइ माम्‍चु़नीकु यु़म-झ्‍वाक्‍सीगोडा दु़म्‍पा न बेत्तो गेर्सी द्‍वाकी।

१ कोरिन्थी 15:1

वा-ल्‍वाकनी, गो गानीलाई थो़बेट्‌निनिम जो़पा-सेला मिम्‍बेन्‍मु आमा न बु, उहेम गानी रन्‍नी मा मेरामडाङा बुनिम बुनी।

२ कोरिन्‍थी 1:19

गो, सिलास नुङ तिमोथीका गानीलाई थो़बेत्तोकोम माम्‍चु़नीकु तारापाचो़ येशू ख्रीष्‍टडा “आच्‍छाङा” नुङ “मेएँ” र्‍वाक्‍पा ल्‍वा मेबायावा। लावो गुमीडा हेल्‍लो लोवो “आच्‍छाङा” कोङङा दु़म।

२ कोरिन्‍थी 1:24

इनीमा थो़रलु़सीडला गुकु साखाम थो़मु लागि मेएँ, लावो इनीमा न भ्रम्‍सिमु लागि गानीनुङ खारी बोमु न बोकु, हेङालोने इनीमा थो़र छो़म सोनुङमा बु।

एफिसी 3:3

सु़का वो मेचक्‍मिवाम उनीमा मुलु़ माम्‍चु़नीका गोलाई चबेट्‌ङिडिमी। ओराम ल्‍वाकु दुथाम ङादोङा कि-कि र्‍यामु दु़म्‍तोम बु।

एफिसी 6:21

इकीमा छो़म द्‌वादीबुङ ल्‍वाक मा ङाचो़कु थो़रलु़इमिम डु़ल्‍चो़ तुखिकसकाङा गो हेप्‍माम बुङु मा हाम बेत्तो बेउ र्‍वाक्‍पा खोत्‍ले गानीनुङ सो़यु़।

कलस्‍सी 1:7

गानी माम्‍चु़नीकु दिदामकु जो़पा-सेला आकीमा द्‌वादीबुङ ङोप्‍सो़ इपाफ्रासलामका थो़न्‍नी। गुकु होङङा गु वो ख्रीष्‍टकु खारी बेपाङा सो़। गु आकीमालाममिम थो़र लु़इमिम ख्रीष्‍टकु खारीचो़ सो़।

कलस्‍सी 4:7

तुखिकसका आमा दुथाममिम खोत्‍ले सेलामिम गानीनुङ सो़यु़। गु ङाचो़काम लागि खारी बोमुडा थो़रलु़इमिम नुङ गोनुङ कोयो खारी बेपा आमा द्‌वादीबुङ थो़र लु़पा ल्‍वाक सो़।

कलस्‍सी 4:9

गु ओनेसिमसनुङ इनीमाडा रोक्‍तोङा लेडु़। मे ओनेसिमस गानी गोडामङा कोले मु़चु़, थो़रलु़इमिम नुङ थो़र लु़पा आकीमा द्‌वादीबुङ ल्‍वाक सो़। आसिन्‍डा हा-हाम दु़स्‍ताम मेर्मिम खोत्‍ले ल्‍वा मेर्चिपका गानीनुङ सो़ची सो़।

१ थेसलोनिकी 1:1

गो पावल, सिलास नुङ तिमोथीका गानी थेसलोनिकीडाम मण्‍डलीलाई ओराम सेलाखाजेम र्‍याक्‍तोङा बोकु। माम्‍चु़नी पाप नुङ ङाचो़ येशू ख्रीष्‍टडा गानी बुनी। माम्‍चु़नीलाम दिदाम नुङ न-भ्रसी ल्‍वानी।

२ थेसलोनिकी 1:1

गो पावल, सिलास नुङ तिमोथीका गानी माम्‍चु़नी इकीमा पाप नुङ ङाचो़ येशू ख्रीष्‍टकु मण्‍डली थेसलोनिकीमिमलाई ओराम सेलाखाजेम र्‍याक्‍तोङा बोकु। माम्‍चु़नी पाप नुङ ङाचो़ येशू ख्रीष्‍टलामका गानी दिदाम नुङ न-भ्रसी ल्‍वानी।

हिब्रू 13:22

वा-ल्‍वाकनी, सोहन्‍बेट्‌पा आमा सिजेमडा छो़म न सोक्‍नी र्‍वाङु, हेङालोने गानीलाई र्‍याक्‍तोम ल्‍वा हापा दु़पा मिबु।

१ पत्रुस 1:13

मेम्‍मिमका इनीमा न-गोडा झो़म्‍सिट्‌नी, त्‍वाका त्‍वापलाई जो़होमका जु़ल्‍नी, येशू ख्रीष्‍ट रेम्‍बेम्‍सिप्‍मिलो गानी ल्‍वामु खाम्‍निमिम दिदाम छो़म ल्‍वापा न बेनी।

१ पत्रुस 4:10

गानी खोत्‍लेका वाङमिमकु चापे-डुपे बोमु लागि राप्‍लावा ल्‍वान्‍निम बु। दिदामकु खाल-खालकाम राप्‍लावामिमडा माम्‍चु़नीकु जो़पा डु़ल्‍चो़मिम दु़म्‍नी।

२ पत्रुस 1:12

मेम्‍मिमका ओर्मिम गानी चक्‍निम बु मा गानीनुङ बाट्‌पा आच्‍छाङाकाम ल्‍वाडा गानी छो़म थो़रलु़निम बुनी लोवो ओर्मिम ल्‍वा गो गानीलाई हेल्‍लो लोवो मिम्‍बेनिनी।

२ पत्रुस 2:15

मेर्मिमका जो़पा लाम्‍दी डिसाका ताङताहेरथो़ लक्‍पा बालामकु लाम्‍दी लाम्‍दिम्‍डिम बु। मे बालाम बोअरकु तारापाचो़ बाइडा, मेजो़पा खारी बेसाका खउलुङ डु़म्मु द्‌वाक्‍पा गु बाइडा।

३ यूहन्‍ना 1:12

खोत्‍ले मु़चु़का डेमेत्रियस छो़म जो़पा मु़चु़ र्‍वामी। मेम्‍मा गुका जो़पा खारी बु़मिमका आच्‍छाङाकाम सीसिडा गु लाम्‍दी र्‍वाक्‍पा ल्‍वासी। गुकु आकी त्‍वाका वो उमा दुथाम मेमङा र्‍वाकु, मा गुकु र्‍वाकुमिम ल्‍वा आच्‍छाङा र्‍वाक्‍पा गाना चना।

यहूदा 1:3

द्‌वादीबुङ ङोप्‍सो़नी, गुइ खोत्‍लेकाम सेल्‍सिसीकु दुथाम छो़म आ र्‍यार्‍या द्‌वाक्‍पा बाङडो। लावो थो़रलु़पालाई कोखेप ग्‍वाक्‍साड्‌डामिलो हेल्‍लो लोवो दु़म्पा थो़र गेनी र्‍वाक्‍साका गानीलाई छो़म र्‍वामुमा र्‍यामु आमा नड्‌डा रोक्‍ता।