१ पत्रुस 4:8 - थुलुङ राई

⁸ खोत्‍लेडाम डोक्‍पु ल्‍वा, छो़म रिखाम बेबेनी। हेङालोने हापा सेर्पा छु़लमिमलाई रिखामका ङ्‌याकु़।

१ पत्रुस 4:8 Iomraidhean Croise

१ कोरिन्थी 13:1

गो मु़चु़मिमकु हापा सामाकाम ल्वा नुङ पाह्रीचो़मिमकु ल्‍वा जेङु, लावो आगोनो रिखाम मिबु माला गो ने सेका-सेका येपा पिङमा नुङ घ्रो कोङङा दु़म्‍ङु।

१ कोरिन्थी 13:4

रिखाम इम्‍मु चापा नुङ न-थो़मनुङमा दु़म। रिखामका नाचु़र मेबु़, डोक्‍पु मेलिसी, नो़ मेल्‍वाक्‍थाडु़।

कलस्‍सी 3:14

ओर्मिम खोत्‍लेडलाम रिखाम काप्‍तो लक्‍नी। रिखामङा ओर्मिम खोत्‍ले ल्वालाई जो़होमका कोले बेसाका बट्‍पा रिवा सो़।

१ थेसलोनिकी 3:12

गानीलाई गुकु रिखाम बोकुमिम होङङा इनी त्‍वाप-त्‍वापडा बेबोनिमिम रिखाम ङाचो़ येशूका बर्बेन्‍सानिमिनु़ मा वाङमिम मु़चु़मिमलाई छो़म रिखाम बेपा दु़म्‍बेनिमिनु़।

२ थेसलोनिकी 1:3

वा-ल्‍वाकनी, इनीमा लागि गुकु हेल्‍लो लोवो माम्‍चु़नीलाई आलासो़ ग्‍वामुङा बासी। ओराम जो़पा दु़म, हेङालोने ख्रीष्‍टडा गानी छो़म थो़रलु़त्तो लनिम बु, मा वाङमिम मु़चु़नुङ वो छो़म रिखाम बेबोनिमिम बु।

१ तिमोथी 1:5

गो बेबेट्‌निम ल्‍वाका र्‍वामु मालु़मिम ने रिखाम बेबोमु सो़। मेराम रिखाम ने जो़पा गो, जो़पा ल्‍वा माल्‍पा न नुङ आच्‍छाङा थो़र लु़साका रो।

हिब्रू 13:1

गानी इनी त्‍वाप-त्‍वापगोडा वा-ल्‍वाक होप्‍माम दु़म्निमका रिखाम बेबेनिम बानी।

याकूब 5:12

वा-ल्‍वाकनी, त्‍वाकु ल्‍वा आच्‍छाङा रेम्‍बोमु लागि खोत्‍लेडाम ङादो सुबु, पाह्री नुङ वाङमिम हामकाम वो कसम मेपेनी। लावो मुमा बेन्‍ला मेसो़म्‍सिमुकाम लागि गानी र्‍वानिमिम आच्‍छाङाकाम ल्‍वा आच्‍छाङा दु़म्‍नु़, मा मेएँ माला मेएँङा दु़म्‍नु़।

याकूब 5:20

ओराम चनी: उहेमका कोले छु़लचो़लाई मेजो़पा लाम्‍दीलामका ख्‍लोकु़मा रेडु़, मेरामका मे छु़लचो़लाई सिमुलामका सेलु़, मा गुका मेरामकु हापा छु़लमिम माम्‍चु़नीलाम हेम्‍बेसाडु़।

१ पत्रुस 1:22

आच्‍छाङाकाम ल्‍वा होङङा बेसाका गानी इनी त्‍वापलाई छेको-छेको दु़म्‍बेट्‌निम बु। मेम्‍मिमका थो़र लु़पा इनीमा वा-ल्‍वाकलाई आच्‍छाङाका रिखाम बेनी, मा इनी त्‍वाप-त्‍वापडा न-गोलामकाङा छो़म रिखाम बेबेनी।

३ यूहन्‍ना 1:2

द्‌वादीबुङ ङोप्‍सो़, गाना खोत्‍लेडा जो़पा दु़म्‍नानु़, मेनो़नानु़ र्‍वाक्‍साका सो़म्‍दी बोन्‍सानी। इमा थो़र छो़म डोक्‍पु बु र्‍वाक्‍पा गो चक्‍पु।