१ पत्रुस 4:3 - थुलुङ राई

³ वाङसामामिमका बोमु न बेम्‍डिम होङङा नाम्‍सु़रु़, वाङमिम मेसेमनुङ अम्‍पा न, डु़सेवा, एलेङगी बेसाका पेपा ग्रुलाडा नुङ घ्राम्‍लु़पा ङाटा सेव सासीडा गानी छो़म नेम ताबेट्‌नी।

१ पत्रुस 4:3 Iomraidhean Croise

मर्कूस 7:22

रारी, मेजो़पा बेसी, लिमा, वाङमिम मेसेमनुङ अम्‍पा न, सु़ङखार, डक्‍साका जेमु, डोक्‍पुलिम्‍सिमु, नेप्‍ची मान्‍थिम दु़म्‍मु ओर्मिम खोत्‍ले मु़चु़कु गोलामका लुमी।

थु़र्मा 17:30

ङादोम थारीबिलि गुइ माम्‍चु़नीलाई मेचक्‍साका मेथेसाका बिइडिम ल्‍वाडा माम्‍चु़नीका न मेसोक्‍मिवा। लावो गुमीका आथा ने खोत्‍लेथो़ बाट्‌पा खोत्‍ले मु़चु़मिमलाई उनी छु़लमिमलामका ख्‍लोसिमिनु़ र्‍वाम्‍डिम बु।

रोमी 13:13

मेम्‍मिमका ओलडा बोमु घ्रेट्‍पा बेसाका खारी बिइ, एलेङगी बेपा, डु़सेवा, मेजो़पा न-गोका दोपा, नाम्‍सु़रु़, क्‍वाल्‍बा, नाचु़र बेसी मेनु़।

१ कोरिन्थी 12:2

गानी चनिमङा बु, गानी येशूडा थो़रमेलु़थेङा बान्‍निलो जेमु मेचापा ङाटामिमथो़ लनिमा थामबाल्निम बाइडा।

१ कोरिन्थी 6:11

गानीगोडाम कोङनिम वो आरेप्‍मामङा बान्‍नी। लावो माम्‍चु़नीका गानीलाई सो़ल्‍निमिमा छु़ललामका सेपा दु़म्‍बेट्‌निमिम बु, मा ङाचो़ येशू ख्रीष्‍टकु नङडा इकी माम्‍चु़नीकु पेललाम उनीमा ङादोडा गानीलाई जो़पा दु़बेट्‌निमिम बु।

२ कोरिन्‍थी 12:21

गो आथावो इनीमाडा रोङुलो गानी मेजो़पा खारी बेन्‍निमका माम्‍चु़नीडा आमा क्रो़म लु़ र्‍वाक्‍पा ङिम लु़। मेम्‍मा ङादो छु़ल बेपा हापा मु़चु़मिमका आथावो त्‍वाका बेम्‍डिम घ्रामलु़पा खारी, नाम्‍सु़रु़ नुङ वाङमिम मेसेमनुङ अमअम द्‌वाक्‍पा नलाम मेख्‍लोसिप्‍मिवामका गो ख्राम्‍मु बासी डे र्‍वाक्‍पा गोलाई ङिम लु़डाम बु।

गलाती 5:19

मु़चु़मिमकु नगोडाम मेजो़पा को-कोक्‍सी ने ओर्मिमङा सो़– नाम्‍सु़रु़ बोमु, मेसेपा नका बुमु-दोमु, वाङमिमकु नाइमेनुङ अम्‍मु,

गलाती 5:21

नो़ मेनु़मु, डु़सेवा दु़म्‍मु, नसीहोम बोम्‍बाल्‍मु मा आरेप्‍मामङा वाङमिम खारी बोमु। आरेप्‍माम खारी बेपाका ने माम्‍चु़नीकु किब्‍दीगोडा हुमु मेल्‍वासु़। मेम्‍मिमका गानी चङचङया बानी र्‍वाक्‍साका ङादो वो र्‍वाङ्‍डोम बाइडा, मा ओम्‍लो वो र्‍वाक्‍तोङा बेउ।

एफिसी 5:18

डु़का सेट्‍पा मेदु़म्‍नी, हेङालोने मेरामका इनी त्‍वापलाई पुयु़ लुबेनी, लावो हेल्‍लो लोवो माम्‍चु़नी-पेलका लु़न्‍सिट्‌पा दु़म्‍नी।

१ थेसलोनिकी 4:5

माम्‍चु़नीलाई मेछेपा थो़रमेलु़पामिम होङङा मेसेमनुङ छो़म अम-अम द्‌वाक्‍पा ननुङमा मेदु़म्‍नी।

तीतस 3:3

कोबिलि गुइ वो नेप्‍ची मान्‍थिम नुङ र्‍वाकिमिम मेथो़पा बाइडी। लु-फेले बेला सो़सिक्‍पा, मेजो़पा नकाम नुङ नसीहोम बिइबाल्‍ली। नो़ मेनु़पा, नाचु़रनुङमा, मेद्‌वाला सो़सिक्‍पा, मा मेद्‌वाबेपा बाइडी।

१ पत्रुस 1:14

माम्‍चु़नीका र्‍वामिमिम थो़पा चो़च्‍चो़मिम होङङा गानी बोमु-दोमु बासी। ङादो बिलि आच्‍छाङाकाम ल्‍वा मेचक्‍साका इनी नकु कोकोक्‍सीका मेजो़पा बेन्‍निम होङङा मेबेनी।

यहूदा 1:4

हेङालोने कोङनिम मु़चु़ उहेमका देन्‍दे ल्‍वामी र्‍वाक्‍साका माकेङा र्‍याक्‍मा बु मेर्मिम मु़चु़ लिबावा इनीमा थेतेगोडा हुम्‍डिम बु। मेर्मिम मु़चु़ माम्‍चु़नीकु लाम्‍दीडा लाममेदिपामिम सो़, मेर्मिमका माम्‍चु़नीकु दिदामलाई उनी नसीहोम बोमुथो़ हिम्‍डिम बु, मा इकीमा हप नुङ ङाचो़ येशू ख्रीष्‍ट र्‍वामु मेर्मिमका मेद्‌वामी।