१ पत्रुस 4:15 - थुलुङ राई

¹⁵ गानी दु़खा ल्‍वानी माला मु़चु़ सेट्‌पा, खुपा, मेजो़पा खारी बेपा, वाङमिमकु खारीडा थेट्‌पा लिसिक्‍पा होङङा दु़खा मेल्‍वानी।

१ पत्रुस 4:15 Iomraidhean Croise

मत्ती 5:11

“गानी आमा सीसिपा दु़म्‍निमका मु़चु़मिमका डक्‍साका जेमी, मा इनी थो़मतेर्मी, मेम्‍मा इनीमा दुथाम खोत्‍ले मेजो़पा ल्‍वा जेसाका लिमा थेन्‍मी, गानी ने जिनुङमा सो़।

१ थेसलोनिकी 4:11

ङादो गुकु गानीलाई र्‍वाक्‍तोकोम होङङा लिवा बानी, त्‍वाकु खारी मिम्‍पा दु़म्‍नी, त्‍वाकाम लागि त्‍वाकाङा खारी बेनी।

२ थेसलोनिकी 3:11

गानीगोडाम कोङनिम भ्रेपा बुमी, मा उनी त्‍वाका खारी बोमु ने मेएँ मु़चु़मिमका बोमिमिम खारीडा लापान्‍चोसिमी ए र्‍वाक्‍पा गुकु थो़त्तोको। मेम्‍मिमका आरे र्‍वाकुमिम।

१ तिमोथी 5:13

मेम कोङङा मेबोमी, मेर्मिम भ्रेपा दु़म्‍मिमा मु़चु़कु नेम-नेम लमी। मेम्‍मा मु़चु़कु ल्‍वा बेपा, वाङमिमकु खारीडा ल्‍वा फिक्‍पा, जेसी मेनु़पा ल्‍वा जेसाका नेमतापा दु़म्‍मी।

२ तिमोथी 2:9

ओराम जो़पा-सेलाकाम लागि गो दु़खा इम्‍तोङा लेट्‌पु, मा मेजो़पा खारी बेपा मु़चु़ होङ्‍ङा झ्‍यालखानडा सेल-रिबाका बट्‌ङिडिमिम बु। लावो माम्‍चु़नीकु सिजेम ने सेल-रिबाका मेबन्‍सी।

१ पत्रुस 3:14

लावो माम्‍चु़नीकु न-गो होम्‍साका खारी बोनिलो वो दु़खा ल्‍वानी माला ने गानी आलाकाम सो़। मेर्मिमकु ङिमसासीडाम मेङिनी, मा इनी लो़ मेदाम्‍नु़।

१ पत्रुस 3:17

मेजो़पा खारी बेसाका दु़खा ल्‍वामुडाम जो़पा खारी बेसाका दु़खा ल्‍वामुङा माम्‍चु़नीका न बोमिमिम माला ओराम जो़पाङा सो़।