१ पत्रुस 4:14 - थुलुङ राई

¹⁴ ख्रीष्‍टडा थो़र बेन्‍निमका छेम-छेम दुला सो़न्‍सिट्‌नी माला गानी आलाकाम सो़। हेङालोने माम्‍चु़नीकु यु़मनुङमा पेल गानीगोडा दु़म।

१ पत्रुस 4:14 Iomraidhean Croise

मत्ती 5:11

“गानी आमा सीसिपा दु़म्‍निमका मु़चु़मिमका डक्‍साका जेमी, मा इनी थो़मतेर्मी, मेम्‍मा इनीमा दुथाम खोत्‍ले मेजो़पा ल्‍वा जेसाका लिमा थेन्‍मी, गानी ने जिनुङमा सो़।

मत्ती 5:16

मेम्साकाङा इनीमा जो़पा खारीमिम झ्‍वामिनु़मा मु़चु़मिमका ल्‍वामिनु़। मेम्‍मा पाह्रीलाम इनीमा पापकु नङ खोत्‍लेका कोमिनु़।

लूका 6:22

मिनीचो़डला थो़र लु़न्‍निमका मु़चु़मिमका मेद्‌वानिमी, सामालामका ख्‍लुनिमी, मा रिन्‍सानिमी, मेम्‍मा मेजो़पा मिम्‍मिमा गानीलाई डक्‍साका जेमी माला गानी आलाकाम सो़।

यूहन्‍ना 15:21

गानी आमा सीसिपा दु़म्‍निमका मेर्मिमका गानीलाई मेम बोनी, हेङालोने मेर्मिमका गोलाई थु़र्पा पापलाई मेछेमी।

यूहन्‍ना 8:48

यहूदीमिमका येशूलाई र्‍वाम्‍डी, “गाना सामरी मु़चु़, मा गानालाई मुनाङका हुप्‍नाम बु र्‍वाक्‍तोकोम हाम मेजो़पा र्‍वाक्‍तोको?”

यूहन्‍ना 9:28

मेर्मिमका मेरामलाई सेम्‍लाबेत्तो र्‍वाम्‍डी, “गाना डे मेरामकु सीसिपा, लावो गुकु ने मोशाकु सीसिपा।

यूहन्‍ना 9:34

मेर्मिमका मेराम मु़चु़लाई र्‍वाम्‍डी, “गाना ने गक्‍नालोङा छु़लका देम्‍पा बान्‍ना! हाम गुकुलाई सीमु माल्‍की?” मेम्‍मा मेर्मिमका गुलाई घ्रो़म्‍दीनेमलामका पाखा कोल्‍सोम्‍डी।

थु़र्मा 13:45

सेर्पा मु़चु़मिम ल्‍वाम्‍डिलो यहूदीमिम उनी नाचु़रका सिम्‍ल्‍याम्‍डी। मेकोतिमा मेर्मिम पावलकु कोर्थो़लाम बम्‍डी, मा गुलाई डक्‍साका जेम्‍डी।

थु़र्मा 18:6

लावो मेर्मिमका पावलकु ल्‍वा मेथो़मिवामा उ कोर्थो़लाम बम्‍डी। मेकोतिमा गुका उ येड्‌डाम फुर्कु थेप्‍तो आरे बु़डु़मी, “खोत्‍ले इनीमा मेजो़पा खारीमिम इनीमा बुइडला ङा बुसिनु़, गो देन्‍दे मेल्‍वाउनु़। आथाडा आरे गो वाङसामामिमकाडा लङु सो़।”

थु़र्मा 28:22

लावो गानी हाम र्‍वामु माल्‍निमिम बु, मेराम थो़मु आकीमा न बु। हेङालोने ओराम दलकु कोर्थो़लाम खोत्‍लेका बान्‍तेमेनो जेम्‍बाल्‍मि र्‍वाक्‍पा कोङङा गुकु चकुमिम बु।”

थु़र्मा 5:41

माम्‍चु़नीका मेर्मिमलाई येशूकु नङडा नाप्‍छु़न्‍ला सो़म्‍सिमु घ्रेट्‌पा दु़म्‍बेट्‌मिडी र्‍वाक्‍तो गेर्सिक्‍तो मेर्मिम मे डोक्‍पु घ्रो़म्‍दीलामका लुम्‍डिमा लम्‍डी।

२ कोरिन्‍थी 12:10

मेम्‍मिमका मेचाप्‍सीमिमडा, डसिसिमिमडा, दु़खामिमडा, थो़मतेर्सीमिमडा, इम्‍मु मेझापा ल्‍वामिमडा ख्रीष्‍टकाम लागि गो गेर्सी द्‌वाङु। हेङालोने मेचापा दु़म्‍ङुलो गो सो नुङमा दु़म्‍ङु।

२ कोरिन्‍थी 4:10

आकीमा मिरो़मडा येशूकु बासी-दोसी वाङमिमका ल्‍वामिनु़ र्‍वाक्‍साका गुकु आकी त्‍वाकु मिरो़मडा हेल्‍लो लोवो येशूकु सिमुलाम कुर्कु।

२ कोरिन्‍थी 4:16

मेम्‍मिमका हेल्‍लो वो आकीमा पाउ मेसो। आकीमा मिरो़म यु़प्‍तो ल लोवो आकीमा त्वारो़मकु पेल ने हेल्‍लो लोवो लाले दु़म्तो ल।

गलाती 1:24

आरेसाका माम्‍चु़नीका आमा न ख्‍लोङसाङ्‌डिमिमका मेर्मिमका माम्‍चु़नीकु नङ कोम्‍डी।

हिब्रू 11:26

मिश्र नेब्‍दीडाम खाप्‍चीमिम ल्‍वामुडाम वो ख्रीष्‍टकाम लागि हाम ना हामकाम मिम्‍ला सो़म्‍सिमुङा गुका डोक्‍पु लु़डा। हेङालोने गुका उ पुरस्‍कारथो़ रेप्‍थाड्‌डु़म बाइडा।

याकूब 1:12

उ न-छाम्‍सिमिम थारीका इम्‍साका बाट्‌पा मु़चु़ङा जिनुङमा दु़म सो़। हेङालोने उ न-छाम्‍सिमु थारी हेप्‍डु़मिम चङडा माम्‍चु़नीका रिखाम बेपामिमलाई गुमीका ङादो ग्‍वानिनी र्‍वाम्‍डिम मुकुट मेरामका ल्‍वासु़, मेराम मुकुट र्‍वाक्‍मा हेल्‍लो वो मेसिपा त्‍वारो़म सो़।

याकूब 5:11

रेप्‍नी, उहेम इम्‍सिसाका बु गुलाई गुइ जिनुङमा सो़ र्‍वाकी। गानी अय्‍युबका उ दु़खा इम्‍डु़मकु दुथाम थो़न्‍निम बु, मा माम्‍चु़नीका मेरामलाई जि ग्‍वाम्‍डिम वो ल्‍वान्‍निम बु। गुमी हाङको छो़म न-थो़म नुङ दिदामनुङमा बुमी।

१ पत्रुस 2:12

थो़रमेबेपा इनी साउखोरेमिमकु थेतेडा चङको-चङको दु़म्‍साका जो़होमका बानी। गानी मेजो़पा खारी बेन्‍नी र्‍वाक्‍साका मेर्मिमका मेजो़पा ल्‍वा इनी बुइडला बुम्‍डिङा लोवो मेर्मिमका जो़पा इनी खारी ल्‍वामिनु़, मा सु़म्‍दिसेरकु निया बेप्‍डा योमिमिमनेम मेर्मिमका माम्‍चु़नीलाई डोक्‍पु मिम्‍मिनु़।

१ पत्रुस 3:14

लावो माम्‍चु़नीकु न-गो होम्‍साका खारी बोनिलो वो दु़खा ल्‍वानी माला ने गानी आलाकाम सो़। मेर्मिमकु ङिमसासीडाम मेङिनी, मा इनी लो़ मेदाम्‍नु़।

१ पत्रुस 3:16

गानी इनी ननुङमा दु़म्‍नी, मा मेम्‍साका ख्रीष्‍टडा बाट्‌पा जो़पा इनी बासी-दोसीका इनीमा कोर्थो़लाम मेजो़पा जेपामिमकु उनी मेजो़पा जेसीडा उनी क्रो़म लु़नु़।

१ पत्रुस 4:16

लावो गानी थो़रलु़पा दु़म्‍निमका दु़खा ल्‍वानी माला ने इनी क्रो़म मेलु़नु़। मु़चु़मिमका गानीलाई थो़रलु़पा र्‍वामिमिमकाम लागि माम्‍चु़नीलाई आलासो़ ग्‍वाक्‍नी।

२ पत्रुस 2:2

हापा मु़चु़मिमका मेर्मिमकु क्रो़मलु़पा लाम्‍दी लाम्‍दिमी मा आच्‍छाङाकु लाम्‍दीकु दुथाम मु़चु़मिमका मेजो़पा र्‍वामी।