१ पत्रुस 4:12 - थुलुङ राई

¹² ङोप्‍सो़नी, हेल्‍लो वो मेल्‍वाम्‍मा हाम हुम गानीडला दु़म्मिम होङङा गानीलाई छाम्‍पा इनीमा थो़म्‍बोक ख्‍वाक्‍पा दु़खा ल्‍वानिलो ङाङाया मेदु़म्‍नी।

१ पत्रुस 4:12 Iomraidhean Croise

१ कोरिन्थी 10:13

मु़चु़मिमडला दु़म्‍पा न छाम्‍सीडाम वाङमिम न छाम्‍सीडा गानी दु़म्‍निम मिबु। माम्‍चु़नी थो़रलु़इमिम बुमी, गुमीका गानी इम्‍मु चाम्‍निमिमडाम हापा न छाम्‍सी रोमेबेन्‍मी। गानी इम्‍मु चापा दु़म्‍नी र्‍वाक्‍साका गानीलाई न छाम्‍सीलामका लुक्‍पा लाम्‍दी वो रेम्‍बेनिमी।

१ कोरिन्थी 3:13

मेराम खारी निया दु़म्‍मिमनेम मुलामका जो़होमका रेम्‍बेसी। मेम्मा खोत्‍ले मु़चु़का हेप्‍माम खारी बेम्‍डिम बु मेराम मुका छाम्‍डु़।

२ तिमोथी 3:12

ख्रीष्‍ट येशूडा माम्‍चु़नीकु लाम्‍दी होम्‍साका लाम्‍दिमु माल्‍पामिम खोत्‍ले मु़चु़काम छो़म उनी थो़मतेर्सी।

१ पत्रुस 2:11

द्‌वादीबुङ ङोप्‍सो़नी, गो गानीलाई छो़म र्‍वाङु, ओराम सु़म्‍दिसेरडा गानी कोलेम-नलेम बाट्‌पा नुङ वाङथो़लाम रोक्‍पा मु़चु़ होप्‍माम सो़। थेसिथेट्‌निमा इनी गोनो क्‍वाल्‍बा बेपा मिरो़मडाम मेजो़पा ल्‍वामिमडाम वाङ बानी।

१ पत्रुस 4:4

मेर्मिमका बोमिमिम होप्‍माम मेजो़पा गानी मेबोनिमिम ल्‍वासाका मेर्मिम ङाङाया दु़म्‍मी। मेम्‍मा मेर्मिमका गानीलाई डक्‍साका जेमी।

१ पत्रुस 5:9

छो़म थो़रलु़पा दु़म्‍निम बानिमा शैतानकु कोर्थो़लाम बक्‍नी, हेङालोने खोत्‍ले सु़म्‍दिसेरडा बाट्‌पा थो़रलु़पा वा-ल्‍वाकमिमका वो आरेप्‍मामङा दु़खा ल्‍वामिम बुमी।