१ पत्रुस 4:10 - थुलुङ राई

¹⁰ गानी खोत्‍लेका वाङमिमकु चापे-डुपे बोमु लागि राप्‍लावा ल्‍वान्‍निम बु। दिदामकु खाल-खालकाम राप्‍लावामिमडा माम्‍चु़नीकु जो़पा डु़ल्‍चो़मिम दु़म्‍नी।

१ पत्रुस 4:10 Iomraidhean Croise

मत्ती 20:28

मिनीचो़ चापे-डुपे बेला सो़सिप्‍डा मेएँ, चापे-डुपे बेप्‍डा नुङ उमा त्‍वाकु साम फ्‍यामुमा हापा मु़चु़मिमकु थि सोक्‍साका सेल्मु लागि योक्‍ताम सो़।”

मत्ती 24:14

मेम्‍मा माम्‍चु़नीका साखाम थो़मिमिमकु दुथाममिम ओराम जो़पा-सेला सु़म्‍दिसेरडा मु़चु़मिमका थो़बेन्‍मी, मा खोत्‍ले मु़चु़का ओराम थो़मी। मेम्‍मा हुक्‍पा थारी रो।

मत्ती 24:21

हेङालोने मेराम थारीका डोक्‍पु दु़खा दु़म, सु़म्‍दिमोलो आथाम ओम्‍लोसम्‍मङा मेप्‍माम दु़स्‍ताम मिबु, मा मेप्‍माम हेल्‍लो वो मेदु़म।

मत्ती 24:45

“उ नेमहपका नेमडाममिमलाई जो़पा थारीका पोमु-डुमु ग्‍वाबेडु़मिम नेप्‍चीनुङमा नुङ थो़रलु़इमिम डु़ल्‍चो़ सु़?

मत्ती 25:17

मेम्‍साकाङा नले सो़नाकु खउलुङ ल्‍वापाका वो आथावो नले खउलुङ डु़प्‍डु़।

मत्ती 25:44

“मेर्मिमका वो र्‍वामी, ‘ङाचो़, गानी हेलो क्रु़म सिन्‍निम, कोरा सिन्‍निम, वाङथो़लाम रोक्‍निम, ये-सेम मान्‍थिम बान्‍निम, नो़पा बान्‍निम, झ्‍यालखानडा बान्‍निम ल्‍वात्तोकामा मेख्‍लो़कुवा?’

मर्कूस 10:45

हेङालोने मिनीचो़ चापेडुपे बेला सो़सिड्‌डा मेएँ, चापेडुपे बेप्‍डा नुङ उमा साम फ्‍याक्‍साका हापा मु़चु़मिमकु थि सोक्‍साका सेल्‍मु लागि योक्‍ताम सो़।”

लूका 12:42

ङाचो़ येशूका गुलाई र्‍वाम्‍डी, “मेम माला मेरामकु नेमहपका उ नेमडाममिमलाई जो़पा थारीका पोमु-डुमु ग्‍वाबेडु़मिम नेप्‍चीनुङमा नुङ थो़रलु़इमिम डु़ल्‍चो़ सु़?

लूका 19:13

गुका को धु़म (१०) उ डु़ल्‍चो़मिमलाई येड्‌डु़मिमा खोत्‍लेलाई को कोले सो़नाकु खउलुङ ग्‍वाक्‍तु़मी, मा र्‍वाक्‍ता, ‘गो ख्‍लोसिङुमा मेरोङुमिमसम्‍म ओरामका हापा खउलुङ डु़प्‍नी।’

लूका 8:3

हेरोद हपकु खउलुङ रेप्‍साक्‍पा खुजासकु नाइमे योअन्‍ना मा सुसन्‍ना नुङ वाङमी हापा मेसेममिम वो बाम्‍डी। मेर्मिमका उनी खाप्‍ची ग्‍वाक्‍साका येशूनुङ उनी सीसिपामिमलाई ख्‍लो़म्‍थाल्‍मिडी।

रोमी 15:25

लावो ओम्‍लो यरूशलेमडाम उनी हाम वो मेबाट्‍पा थो़रलु़पामिमकाम लागि अखैया नुङ मेसोदोनियाडा बाट्‍पा थो़रलु़पामिमका फक्‍मिडिम खउलुङ सोक्‍थिप्‍डा गो यरूशलेम लक्‍तोङा बेउ।

रोमी 15:27

मेर्मिमका उनी त्‍वाकु नका ङा खउलुङ ग्‍वाम्‍डिम बाइडा। आच्‍छाङा मेर्मिमका यहूदी थो़रलु़पामिमलाई ख्‍लो़मु बासिक्‍पा वो सो़, हेङालोने मेर्मिमलाम ङा वाङसामामिमका वो माम्‍चु़नीलाम सेल्‍सिक्‍पा दिदाम ल्‍वाम्‍डिम बाइडा।

१ कोरिन्थी 15:10

लावो गो हाम बुङु, मेराम माम्‍चु़नीकु दिदामका दु़म्‍ङोडोम बु, मा गोडलाम उनीमा दिदाम हाम ना हामकाम मेदु़म्‍सावा। गो ने वाङमिम खोत्‍ले थु़र्मामिमडाम वो हापा मेझापातो खारीमिम बेउतो। लावो गो बेउतोम मेएँ, गोनुङ बाट्‌पा माम्‍चु़नीकु दिदामका।

१ कोरिन्थी 3:10

माम्‍चु़नीका गोलाई दिदाम ग्‍वाङडिमिमका नेम बनेबेसी थेट्‌पा मु़चु़ होम्‍साका फार गत्तो मा कोङनिमका मेरामडला नेम बनेबु़। लावो मेरामडला बनेबेत्तो लक्‍पाका हेसाका बनेबोमु बासिक्‍पा मेराम ल्वाडा चङचङया बुमु बासी।

१ कोरिन्थी 4:7

सु़का गानीलाई वाङमिम मु़चु़डाम डोक्‍पु दु़म्‍बेट्‍नी? गानीनुङ हाम बु मेराम गानीलाई माम्‍चु़नीका ग्‍वाक्‍निमिम मेएँ मा? माम्‍चु़नीका ग्‍वाक्‍निम माला हेङा गानी डोक्‍पु लिन्‍सिनी?

२ कोरिन्‍थी 6:1

माम्‍चु़नीनुङ खारी बेपा मु़चु़ दु़म्तोकोमका गुकु छो़म र्‍वाकु, गानी माम्‍चु़नीलाम दिदाम ल्‍वापामिमका मेराम दिदाम मेडेङा ब्लाम-ब्लाम दु़म्‍मु मेग्‍वाक्‍नी।

२ कोरिन्‍थी 9:1

यरूशलेमडा बाट्‌पा माम्‍चु़नीकु मु़चु़मिमलाई ग्‍वामु ग्‍वा-ग्‍वाकु दुथाम गो गानीलाई र्‍यामुम बुमु मेबासी।

एफिसी 3:8

ख्रीष्‍टकु सेपा मु़चु़मिमगोडा गो खोत्‍लेडाम याक्‍के लोवो मिम्‍मु वो मेझापा हापा थिकाम ख्रीष्‍टकु दुथाममिम जो़पा-सेला वाङसामामिमलाई थो़बेट्‌पा डोक्‍पु खारी बोमु गोलाई ग्‍वाङडिमी।

एफिसी 4:11

गुमीकाङा याङलाई थु़र्मा दु़म्‍बेट्‌मिडी, याङ माम्‍चु़नीलाम जेपा, याङलाई जो़पा-सेला दो़पा, याङ मण्‍डली रेपा मा याङ मण्‍डलीडा सीपा दु़म्‍बेट्‌मिडी।

२ तिमोथी 1:18

ख्रीष्‍ट योमिमिम थारीनेम ङाचो़का ओनेसिफरसडला न-थो़म रेम्‍बोमिनु़। एफिसस शहरडा गुका गुइलाई ख्‍लो़साड्‌डाम बाइडा र्‍वाक्‍पा ने गाना त्‍वाकाङा वो ल्‍वान्‍नाम बु।

तीतस 1:7

हेङालोने एल्‍डर ने माम्‍चु़नीकाम खारी बेपामिमका मुमा बेन्‍ला मेसो़सिक्‍पा दु़म्‍मु बासी। उ त्‍वाकु न होङङा बेपा, दाला छोक्‍चो बक्‍पा, डु़का सेट्‌पा, क्‍वाल्‍बा बेपा, खउलुङ ल्‍वामु लागि हाम लोवो बेपा दु़म्‍सिमेनु़।

हिब्रू 6:10

माम्‍चु़नीडला थो़रलु़पामिमकाम लागि गानी जो़पा खारी नुङ रिखाम बेन्‍नी मा आथावो बोनिम बुनी। माम्‍चु़नी जो़होमका निया बोमी। मेम्‍मिमका गानी बेन्‍निम जो़पा खारी नुङ रिखाम गुमीका प्‍ल्‍वाम्‍डिम मिबु।

१ पत्रुस 5:10

खोत्‍ले दिदाम ग्‍वाक्‍पा माम्‍चु़नीका गानीलाई ख्रीष्‍टनुङ कोले दु़म्‍सीडा हेल्‍लो लोवो दु़म्‍पाम बाट्‌पा उनी यु़म-झ्‍वाक्‍सीकु दो़दो़वा ल्‍वामु येट्‌निम बु। घरिकोङ गानी दु़खा ल्‍वानिमिम चङडा गुमीका गानीलाई आथावो लाले दु़म्‍बेनी, थो़रलु़पाम बाट्‌पा दु़म्‍बेनी मा सोनुङमा दु़म्‍बेनी।

१ पत्रुस 5:12

थो़रलु़इमिम लु़ङडोम ल्‍वाक सिलासलामका ओराम कति दु़पा सेलाखाजेम गानीलाई र्‍याक्‍तोङा लेट्‌पु। इनीमा सो हन्‍बेन्‍मु नुङ ओराम माम्‍चु़नीकु आच्‍छाङाम दिदाम सो़ र्‍वाक्‍पा गानीनुङ सो़मु र्‍याक्‍तोङा बेउ। ओरामडा गानी दु़म्‍निम बानी।