१ पत्रुस 3:8 - थुलुङ राई

⁸ हुम-दडा, गानी खोत्‍ले कोले नकाम दु़म्‍साका बानी। कोलेका कोङमीकु दु़खाडा रेम्‍बेबेपा दु़म्‍नी, वा-ल्‍वाकलाई होङङा रिखाम बेबेनी, न-थो़मनुङमा दु़म्‍नी, मा याक्‍के दु़म्‍नी।

१ पत्रुस 3:8 Iomraidhean Croise

मत्ती 18:33

गानाडला न-थो़म रेम्‍बेउतोम होम्‍साकाङा गानानुङ खारी बेपा इमा ङोप्‍सो़लाई न-थो़म रेम्‍बोमु मेबासावा?’

लूका 10:33

मेकोतिमा कोले सामरियाडाम मु़चु़ वो मेरामधाली योक्‍ता, मा मेराम मु़चु़लाई ल्‍वास्‍तु़लो छो़म उ थो़म भ्रो़स्‍ता।

थु़र्मा 2:1

पेन्‍तिकोस चाडकामनेम थो़रलु़पामिम खोत्‍लेङा कोदेप खोम्‍सिम्‍डिम बाइडा।

थु़र्मा 27:3

उ दिकाम गुकु सीदोन शहरडा लुक्‍तोको। युलियसका पावलडला न-थो़म रेम्‍बु़डु़मा पावल उ ङोप्‍सो़मिमकाडा थु़र्साका चाहेदु़म्‍पा ल्‍वामिम ख्‍लो़ला सो़सा बु़डु़।

थु़र्मा 28:7

मेराम टापुडाम उनी डोक्‍पु मु़चु़ पब्‍लियसकु ये-द मेराम फारबाडे ङा बाइडा। पब्‍लियसका गुकुलाई उमा नेमडा लक्‍तिकिमा पोमु-डुमु ग्‍वाक्‍तिकी। गुकु मेरामकु नेमडा सुलेम बात्तोको।

थु़र्मा 4:32

थो़रलु़पामिम खोत्‍ले कोले न-गोकाम दु़म्‍मिडिम बाइडा, मा मेर्मिमगोडा सु़का वो उनी त्‍वाकु खाप्‍चीमिम ओराम आमा मेर्‍वाम्‍थाल्‍मिवा, लावो मेर्मिमनुङ हा-हाम बाट्‌पा खोत्‍लेङा खोत्‍लेका दो़साका मोम्‍थाल्‍मिडी।

रोमी 12:10

त्‍वाकु वा-ल्‍वाक होम्‍साका रिखाम बेबेनी, त्‍वापडाम वो वाङमिमलाई हापा डोक्‍पु मिम्‍नी।

रोमी 15:5

इम्‍मु चापा यु़म नुङ इकीमा सो हन्‍बेट्‍पा माम्‍चु़नीका गानीलाई येशू ख्रीष्‍टनुङ कोले बासी दोसीकाम दु़म्‍साका दोपा, मा गानी इनी त्‍वाप-त्‍वापडा कोले नकाम दु़म्‍साका बाट्‍पा यु़म ग्‍वानिमिनु़।

१ कोरिन्थी 1:10

वा-ल्‍वाकनी, इकी ङाचो़ येशू ख्रीष्‍टकु नङडा गो गानीलाई छो़म र्‍वाङु, गानी खोत्‍ले इनी त्‍वाप-त्‍वापडा दु़साका बानी, मा गो-फ मेदु़म्‍नी। मेम्‍मा इनी नडा नुङ इनी मिम्‍सीडा कोलेङा नकाम दु़म्‍नी।

१ कोरिन्थी 12:26

कोले अंग नो़डा माला खोत्‍ले अंग नो़मी, कोले अंग डोक्‍पु बेला सो़सिड्‌डा माला खोत्‍लेङा भ्रम्‍सिमी।

एफिसी 4:2

हेल्‍लो लोवो याक्‍के दु़म्‍पा, मेक्रोक्‍पा मा इम्‍साका कोलेका कोङमीलाई रिखाम बेबेनी।

एफिसी 4:31

मेभ्रसिक्‍पा, गो-गो छोक्‍चो बेपा, छोक्‍चोका येत्तो फपा, क्‍वाल्‍बा बेपा, मु़चु़लाई डक्‍साका जेपा, वाङमिमलाई मेजो़पा बेपा खोत्‍ले बादु़खाम ङेट्‌नी।

एफिसी 4:32

लावो न-थो़मनुङमा दु़म्‍नी मा कोलेका कोङमीलाई रिखाम बेबेनी। माम्‍चु़नीका गानीलाई ख्रीष्‍टलामका पाचो ग्‍वानिमिम होम्‍साका इनी त्‍वापगोडा पाचो ग्‍वाबेनी।

फिलिप्‍पी 2:3

त्‍वाप कोङङा जो़पा दु़म्‍मु माल्‍पा मा डोक्‍पु लिसिक्‍पा नका हाम वो मेबेनी। लावो इनी त्‍वाप-त्‍वाप गोडा याक्‍के दु़म्‍नी मा वाङमिमलाई इनी त्‍वापडाम जो़पा लु़नी।

फिलिप्‍पी 3:16

हाम लोवो, आथावो गुइ बान्ते रोक्‍फाड्‌डिम, मेराम होङ्‍ङा बेसी-दोसीडा बोमुम बुमु बासी।

कलस्‍सी 3:12

माम्‍चु़नीका गानीलाई उनीमा मु़चु़ दु़म्‍मु छेट्‌निमी, उनीमा नङका साट्‌निमी, मा रिखाम बेन्‍निमी। मेम्‍मिमका नाम्‍नाम्चो़ लु़पा, न-थो़मनुङमा, याक्‍के दु़म्‍पा, मेक्रोक्‍पा दु़म्‍पा मा इम्‍सिक्‍पा दु़म्‍नी।

हिब्रू 13:1

गानी इनी त्‍वाप-त्‍वापगोडा वा-ल्‍वाक होप्‍माम दु़म्निमका रिखाम बेबेनिम बानी।

याकूब 2:13

हेङालोने वाङमिमडला गानी न-थो़म मेबेनिवा माला गानी वो न-थो़म मेल्‍वानी। लावो गानी न-थो़मनुङमा मु़चु़ दु़म्‍निम बु माला इनीमा निया दु़म्‍मु थारीका माम्‍चु़नीका गानीडला न-थो़म रेम्‍बोमी।

याकूब 3:17

लावो पाह्रीलामका योक्‍पा नेप्‍ची ने ङादोङा सेपा दु़म। मेकोतिमा मेराम न भ्रसिबेट्‌पा, याक्‍के दु़म्‍पा, खोत्‍लेनुङ दु़पा, छो़म न-थो़मनुङमा दु़म्‍साका जो़पा खारी बेपा, चोमिक्‍सी मेबेपा, मा हेल्‍लो लोवो वाङमिम मु़चु़कु दुथाम मिम्‍पा दु़म।

याकूब 5:11

रेप्‍नी, उहेम इम्‍सिसाका बु गुलाई गुइ जिनुङमा सो़ र्‍वाकी। गानी अय्‍युबका उ दु़खा इम्‍डु़मकु दुथाम थो़न्‍निम बु, मा माम्‍चु़नीका मेरामलाई जि ग्‍वाम्‍डिम वो ल्‍वान्‍निम बु। गुमी हाङको छो़म न-थो़म नुङ दिदामनुङमा बुमी।

१ पत्रुस 1:22

आच्‍छाङाकाम ल्‍वा होङङा बेसाका गानी इनी त्‍वापलाई छेको-छेको दु़म्‍बेट्‌निम बु। मेम्‍मिमका थो़र लु़पा इनीमा वा-ल्‍वाकलाई आच्‍छाङाका रिखाम बेनी, मा इनी त्‍वाप-त्‍वापडा न-गोलामकाङा छो़म रिखाम बेबेनी।

१ पत्रुस 2:17

खोत्‍ले मु़चु़मिमलाई डोक्‍पु मिम्‍नी। थो़रलु़पा वा-ल्‍वाकमिमलाई रिखाम बेनी। माम्‍चु़नीकु ङिम जु़ल्‍नी, हपलाई डोक्‍पु मिम्‍नी।

१ पत्रुस 5:5

मेम्‍साकाङा स्‍वालानी, गानी ङावामिमकु साखामगोयु़ बानी। गानी खोत्‍ले त्‍वाप-त्‍वापडा ख्‍लो़या-बाया बेबोमु छो़म याक्‍के दु़म्‍नी। “डोक्‍पु लिसिक्‍पा मु़चु़कु कोर्थो़लाम माम्‍चु़नी बमी, लावो याक्‍के दु़म्‍पामिमडला न-थो़म रेम्‍बोमी।”

२ पत्रुस 1:7

माम्‍चु़नीकु लाम्‍दीडा लाम्‍दीसीडला वा-ल्‍वाकडा न-थो़म बेबेसी, वा-ल्‍वाकडा न-थो़म बेबेसीडला रिखाम काप्‍तो लक्‍नी।

१ यूहन्‍ना 3:14

येशूडा थो़रलु़पा इकीमा वा-ल्‍वाकमिमलाई गुइ रिखाम बिइडी माला सिमुलामका हेल्‍लो वो मेसिपा त्‍वारो़मडा रोक्‍तिम बु र्‍वाक्‍पा छे। लावो उहेम मु़चु़का रिखाम मेबु़ मेराम आथावो सिमुलामगोडाङा बु।