१ पत्रुस 3:7 - थुलुङ राई

⁷ वोचु़नी, मेम्‍साकाङा गानी इनीमा नाइमेनुङ दु़साका मा ख्‍लो़या-बाया बेबेसाका बानी। गानी इनी नाइमेलाई डोक्‍पु मिम्‍मु बासी। गानीडाम मेर्मिम मेचापा बुमी। लावो माम्‍चु़नीका गानीलाई निफिलाई कोलेङा आच्‍छाङाकाम त्‍वारो़म ग्‍वाक्‍निम बु। आरे बोनिमा गानी सो़म्‍दी बोनिलो भोपा हाम वो मेदु़म।

१ पत्रुस 3:7 Iomraidhean Croise

मत्ती 18:19

“आथावो गो गानीलाई र्‍वाङु, ओ सुबुडा हाम-हुम ल्‍वाकाम लागि गानीगोडाम नलेका उची न-थो़म घ्रो़म्‍बेसाका बिच्‍ची माला पाह्रीलाम आमा पापका मेराम ग्‍वामिची।

१ कोरिन्थी 7:3

वोचु़का उ नाइमेनुङ बोमु बासिक्‍पा खोत्ले खारी बु़नु़ मा नाइमेका वो वोचु़नुङ बोमु बासिक्‍पा खोत्ले खारी बु़नु़।

एफिसी 3:6

मेराम सु़का वो मेचक्‍मिवाम ल्‍वा ने ओराम सो़: जो़पा-सेलालामका वाङ सामामिमका वो ख्रीष्‍ट येशूडा यहूदीमिमनुङ कोयोङा जि-वाकु खुन्‍चु़म ल्‍वामी, मा कोले मिरो़मडा कोयोङा दु़म्‍मी, मा माम्‍चु़नीका याचे जेम्‍डिम ल्‍वा कोयोङा ल्‍वामी।

एफिसी 4:30

गानीगोडा बाट्‌पा माम्‍चु़नी-पेललाई इनी बासी-दोसीलामका मेभ्रसिक्‍पा मेदु़म्‍बेट्‌नी, हेङालोने सेल्‍सिक्‍पा नेम गानी वो सेल्‍सिमु ल्‍वानी र्‍वाक्‍साका माम्‍चु़नीका उनी त्‍वाकु पेल ग्‍वाक्‍साका गानीडला छाप ओप्‍मिडिम बु।

एफिसी 5:33

मेम्‍मिमका गो आथावो र्‍वाङु, खोत्‍ले वोस्‍चो़मिमका त्‍वा-त्‍वाहोम नाइमेलाई त्‍वाप होम्‍साकाङा रिखाम बोमु बासी, मा खोत्‍ले नाइमेमिमका त्‍वा-त्‍वाहोम वोचु़लाई डोक्‍पु मिम्‍मु बासी।

एफिसी 6:18

हेल्‍लो लोवो सो़म्‍दी बेनी, माम्‍चु़नीनुङ ख्‍लो़ला सो़न्‍सिट्‌नी। खोत्‍ले थारीका माम्‍चु़नी-पेलनुङ दु़म्‍साका सो़म्‍दी बेनिम बानी। ओर्मिम ल्‍वा नडा जु़ल्‍साका चङचङया दु़म्‍तो कुदु़मार सो़म्‍दी बेनी, मेम्‍मा खोत्‍ले थो़रलु़पामिमकाम लागि सो़म्‍दी बेनी।

कलस्‍सी 3:19

वोचु़नी, इनीमा नाइमेलाई रिखाम बेनी मा मेर्मिमकाम लागि क्रोक्‍पा मेदु़म्‍नी।

१ थेसलोनिकी 4:4

इनीमा मिरो़मडा सेपा दु़म्‍साका नुङ डोक्‍पु मिम्‍साका बानी-दोनी।

तीतस 3:7

मेम्‍साका उनीमा दिदामका उनीमा न-गो होप्‍माम दु़म्‍साका हेल्‍लो वो मेसिपा त्‍वारो़म ल्‍वामु न बेपा उनीमा चो़मिम दु़म्‍सिनु़।

हिब्रू 1:14

लावो पाह्रीचो़मिम ने सु़? मेर्मिम ने माम्‍चु़नीका सेल्मिडिम मु़चु़मिमलाई ख्‍लो़प्‍डा थु़र्मिडिम पेलमिम सो़।

१ पत्रुस 3:1

गानी नाइमेमिम वो मेम्‍साकाङा इनी त्‍वाकु वोचु़कु साखामगोडा बानी, मा मेर्मिमका माम्‍चु़नीकु सिजेमडा थो़र मेबोमी माला वो हाम वो मेसो़साका उनी नाइमेमिमकु बासी-पेसीलामका,