१ पत्रुस 3:2 - थुलुङ राई

² इनीमा जो़पा बासी-पेसी नुङ माम्‍चु़नीकु ङिम जु़ल्‍निमिम ल्‍वामिमा वोचु़मिमलाई थो़रलु़पा दु़म्‍बेनी।

१ पत्रुस 3:2 Iomraidhean Croise

एफिसी 5:33

मेम्‍मिमका गो आथावो र्‍वाङु, खोत्‍ले वोस्‍चो़मिमका त्‍वा-त्‍वाहोम नाइमेलाई त्‍वाप होम्‍साकाङा रिखाम बोमु बासी, मा खोत्‍ले नाइमेमिमका त्‍वा-त्‍वाहोम वोचु़लाई डोक्‍पु मिम्‍मु बासी।

एफिसी 6:5

गानी डु़ल्‍चो़नी, ख्रीष्‍टका र्‍वामिमिम इनी न-गोलामका थो़निमिम होम्‍साका इनीमा नेमहपलाई छो़म डोक्‍पु मिम्‍साका गुका र्‍वामिम थो़नी।

फिलिप्‍पी 1:27

हा-हाम दु़म लोवो मेराम हाम वो मेएँ, लावो इनी बासी-दोसी ख्रीष्‍टकु जो़पा-सेला घ्रेट्‌पा दु़म्‍नु़। मेम्‍मा गो इनीमाडा रोङु मा क्रो़म्‍निनी लोवो गो मेरोक्‍साका इनीमा दुथाम थो़उ कोङङा लोवो, गानी कोले न-गोकाम दु़म्साका भाल-आथो़ न मेहिनी, जो़पा-सेलाडलाम थो़रकाम लागि कोले नकाम दु़म्साका क्‍वाल्‍बा बेत्तोङा बोनी,

फिलिप्‍पी 3:20

लावो इकीमा नेब्‍दी ने पाह्रीला सो़। मेलामका योक्‍पा गुइलाई सेल्‍पा ङाचो़ येशू ख्रीष्‍टलाई गुइ छो़मका लथाडिमिम बु।

कलस्‍सी 3:22

डु़ल्‍चो़नी, खोत्‍ले ल्‍वाडा गानी इनीमा नेमहपमिमका र्‍वामिमिम होङङा बेनी। न-थो़म ल्‍वामु लागि मेर्मिमकु मिक्‍सीलामडा कोङङा र्‍वामिमिम होङङा बेपा मेएँ, लावो ङाचो़ येशूकु ङिम जु़ल्‍साका आच्‍छाङाकाम न-गोका बेनी।

१ तिमोथी 4:12

स्‍वाला र्‍वाक्‍साका गानालाई सु़का वो याक्‍के मेमिम्‍नामिनु़, लावो थो़रलु़पामिमकु ङादोडा सिजेमडा, खारी बेसी नुङ रिखामडा, थो़रडा नुङ नडा जो़पा दु़म्‍साका रेम्‍बेसा।

१ पत्रुस 1:15

लावो गानीलाई येट्‌पा माम्‍चु़नी सेपा बुमिमिम होप्‍माङा गानी वो खोत्‍ले इनी खारी बेसीडा मेजो़पा ल्‍वाडाम वाङ दु़म्‍नी।

१ पत्रुस 2:12

थो़रमेबेपा इनी साउखोरेमिमकु थेतेडा चङको-चङको दु़म्‍साका जो़होमका बानी। गानी मेजो़पा खारी बेन्‍नी र्‍वाक्‍साका मेर्मिमका मेजो़पा ल्‍वा इनी बुइडला बुम्‍डिङा लोवो मेर्मिमका जो़पा इनी खारी ल्‍वामिनु़, मा सु़म्‍दिसेरकु निया बेप्‍डा योमिमिमनेम मेर्मिमका माम्‍चु़नीलाई डोक्‍पु मिम्‍मिनु़।

१ पत्रुस 3:1

गानी नाइमेमिम वो मेम्‍साकाङा इनी त्‍वाकु वोचु़कु साखामगोडा बानी, मा मेर्मिमका माम्‍चु़नीकु सिजेमडा थो़र मेबोमी माला वो हाम वो मेसो़साका उनी नाइमेमिमकु बासी-पेसीलामका,

१ पत्रुस 3:3

सेम बनेबेसाका, सो़नाकु ल्‍वालाङ बासाका नुङ हापा थिकाम ये-सेमका उ डडलाममिम इनी जो़प्‍सी मेदु़म्‍नु़।

२ पत्रुस 3:11

खोत्‍ले आरेसाकाङा पुयु़लुमी। मेम्‍मिमका गानी हेप्‍माम मु़चु़ दु़म्‍मु बासी? गानी सेपा दु़म्‍साका माम्‍चु़नीकु लाम्‍दीडा लाम्‍दिमु बासी।