१ पत्रुस 3:18 - थुलुङ राई

¹⁸ इकीमा छु़लमिमकाम लागि ख्रीष्‍ट सिम्‍डी। कोखेप गुमी सिम्‍डिम बाइडा, आथा ने सिमु मेबासी। गुमीका हेल्‍लो वो छु़ल मेबेमिवा लावो गानीलाई माम्‍चु़नीकाडा रेन्‍मु छु़लचो़मिमकाम लागि गुमी सिम्‍डी। मिरो़मडा सिसाका गुमीका दु़खा ल्‍वाम्‍डी, लावो पेलडा गुमी नु़साका बम्‍गेम्‍डी।

१ पत्रुस 3:18 Iomraidhean Croise

मत्ती 27:19

निया बेपा गन्‍खोपडा पिलातस गन्‍तासिट्‍डालो उमा नाइमेका आरे र्‍वाक्‍पा सेला थु़र्स्‍तु़, “हाम वो मेख्‍लो़ट्‌पा मेराम मु़चु़लाई हे वो मेबेनी, हेङालोने बासिन्‍था गो उमा दुथाम ङिमा म्‍वात्तोमा छो़म दु़खा ल्‍वाउतोम बु।”

मत्ती 27:24

हाम वो बोमु मेझापा, मेरामडाम ने मु़चु़मिम येमु-दुमुमा ङाल्‍मु खाप्‍मिमिम पिलातसका ल्‍वास्‍तु़। मेम्‍मा गुका कु रङडु़मा सेर्पा मु़चु़कु ङादोडा उ ल्‍वा सो़ल्‍साका र्‍वाक्‍ता, “ओराम मु़चु़ सेन्‍मुडा गो हाम वो ख्‍लो़त्तोम मिबु, इनी त्‍वापङा चन्‍सिट्‌नी।”

यूहन्‍ना 16:10

गो आमा पापकाला लङुमिमलामका माम्‍चु़नीनुङ जो़पा दु़म्‍ङुमिम र्‍वाक्‍पा गुमीका सु़म्‍दिसेरलाई रेम्‍बेन्‍मी। मेम्‍मा ल्‍वाला मेसो़ङ्‌सिङु।

थु़र्मा 22:14

“मेकोतिमा गुका र्‍वाक्‍ता, ‘इकीमा ङाउ-खुउमिमकु माम्‍चु़नीका गाना उनीमा न थेसिथेन्‍मु मा माम्‍चु़नीकु न-गोनुङमा येशूलाई ल्‍वामु मा गुमीका जेमिमिम थो़मु गानालाई थुट्‌नामिम बु।

थु़र्मा 3:14

लावो गानी ने माम्‍चु़नीकु नङका साट्‌मा नुङ माम्‍चु़नीकु न-गोनुङमा येशूलाई डिन्‍मु मेबिन्‍सिट्‌निवा, मा मु़चु़ सेट्‌पालाई डिन्‍बेट्‌नी,

रोमी 1:4

मेम्‍मा गुमी सिमुलाम बम्‍गेम्‍डिम ल्‍वाका माम्‍चु़नी-पेलकु यु़मलाम माम्‍चु़नीकु तारापाचो़ दु़म्‍मिडिम ल्‍वा रेम्‍बु़। गुमीङा इकीमा ङाचो़ येशू ख्रीष्‍ट सो़।

रोमी 4:25

येशू इकीमा छु़लकाम लागि चेन्‍ला सो़सिम्‍डी मा गुइलाई मुमा मान्‍थिम दु़म्‍बेन्‍मु लागि गुमीलाई माम्‍चु़नीका आथावो सिमुलाम फम्‍खेट्‌मिडी।

रोमी 5:2

येशू ख्रीष्‍टडा बिइडिम थो़रलामका गुमीका गुइलाई माम्‍चु़नीकु दिदामगोडा रेसाड्‍डामिम बु। ओम्‍लो गुइ मेराम दिदामगोडा बुइ। गुइ माम्‍चु़नीकु यु़म-झ्‍वाक्‍सीगोडा दु़म्‍पा न बेत्तो गेर्सी द्‍वाकी।

रोमी 8:11

ख्रीष्‍टलाई सिमुलाम फम्‍खेट्‍पा माम्‍चु़नी-पेल गानीगोडा बुमी माला, मेराम पेलका इनीमा सिपा मिरो़मलाई वो सिमुलाम त्‍वारो़म ग्‍वानिमी।

रोमी 8:3

छु़लनुङमा मु़चु़कु बादीखामका डु़म्‍ला होम्‍साका दोसाका बोमु मेचापा ल्‍वा माम्‍चु़नी उनी त्‍वाकाङा बेम्‍डी। माम्‍चु़नीका उनीमा त्‍वाकु तारापाचो़लाई छु़लचो़ मु़चु़ होप्‍माम दु़म्‍बेसाका थु़र्मिडी, मेम्‍मा मु़चु़मिमकु छु़ल हेम्‍मु लागि उनीमा तारापाचो़कु मिरो़म सासेसाका देन्‍दे ग्‍वाम्‍डी।

२ कोरिन्‍थी 1:24

इनीमा थो़रलु़सीडला गुकु साखाम थो़मु लागि मेएँ, लावो इनीमा न भ्रम्‍सिमु लागि गानीनुङ खारी बोमु न बोकु, हेङालोने इनीमा थो़र छो़म सोनुङमा बु।

२ कोरिन्‍थी 13:4

आच्‍छाङा मेचाप्‍सीडा गुमी क्रूसडा चेन्‍ला सो़सिम्‍डी, लावो माम्‍चु़नीकु यु़मका गुमी नु़पाङा बुमी। गुकु वो गुमी होङङा मेचापा दु़म्‍कु, लावो माम्‍चु़नीकु यु़मका गुकु वो गुमीनुङङा नु़साका गानीगोडा खारी बोकु।

२ कोरिन्‍थी 5:21

माम्‍चु़नीका ख्रीष्‍टडा गुइलाई उनी त्‍वाकु ङादोडा जो़पा न-गोकाम दु़म्‍बेन्‍मु लागि हेल्‍लो वो छु़ल मेबेपा ख्रीष्‍टलाई इकीमा छु़ल कुर्बेट्‌मिडी।

गलाती 1:4

छु़ल बेत्तोङा बेपा ओराम सु़म्‍दिसेरलामका सेल्‍मु लागि गुमी इकीमा माम्‍चु़नी पापकु न होम्‍साका उनी त्‍वापङा सासेन्‍सिम्‍डी।

गलाती 3:13

येशू ख्रीष्‍टका थि सोक्‍साका डु़म्‍लागोडाम वाइतोलामका गुइलाई फ्‍वाक्‍साड्‌डामी, मा इकीमा खोमडा गुमी वाइतो बेन्‍ला सो़सिम्‍डी। हेङालोने माम्‍चु़नीकु सिजेमडा र्‍याक्‍मा बु, “सु़ सङडा चेसी मेराम वाइतो बेन्‍ला सो़सिड्‌डाम दु़म।”

एफिसी 3:12

ख्रीष्‍टडा दु़म्‍साका मा गुमीडा थो़र बेसाका ङा गुइ माम्‍चु़नीकाडा रोमु मेङिपा मा इकी सो हन्‍पा दु़म्‍सी।

तीतस 2:14

खोत्‍ले मेजो़पा ल्‍वाडाम फ्‍वामु नुङ सेपा दु़म्‍साका जो़पा खारी बोमु छो़म माल्‍पा उनी त्‍वाकु मु़चु़मिम दु़म्‍बेन्‍मु लागि येशू ख्रीष्‍ट सेन्‍ला सो़म्‍सिम्‍डी।

हिब्रू 10:10

मेराम नका येशू ख्रीष्‍टकु मिरो़मकु सासेसीलामका आथा ने बोमु मेबासिक्‍पा बेसाका छु़ललाम गुइ सेपा दु़स्‍तिम बुइ।

हिब्रू 9:14

लावो येशूकु सिसिका ने ओरामडाम छो़म डोक्‍पु खारी बु़। येशू मुमा मान्‍थिम दु़म्‍साका हेल्‍लो लोवो दु़म्‍पाम बाट्‍पा माम्‍चु़नी-पेललाम माम्‍चु़नीडा सासेन्सिम्‍डी। उनीमा सिसिका सिमुलामथो़ लक्‍पा खारीलामका गुइलाई ख्‍लोक्‍सा मा इकीमा मेजो़पा न-गोलाई सेपा दु़म्‍बेडु़। मेम्‍मा गुइलाई हेल्‍लो लोवो दु़म्‍पा माम्‍चु़नीकु खारी बोमु चापा दु़म्बेसा।

हिब्रू 9:26

आरेसाका हेल्‍लो लोवो लमु बासिक्‍पा माला ने सु़म्‍दिमोलो आथामङा गुमीका सिमुकु दु़खा इम्‍मु बासावा। लावो हुक्‍पा थारीका येशू ख्रीष्‍ट मु़चु़मिमकु छु़ल हेप्‍सी हेल्‍लो लोवो दु़म्‍नु़म बुनु़ र्‍वाक्‍साका उनी त्‍वापलाई कोखेपङा सासेन्‍ला सो़सिप्‍डा गुमी रेम्‍बेसिम्‍डी।

हिब्रू 9:28

मेम्‍साका ङा येशू ख्रीष्‍टका हापा मु़चु़मिमकु छु़ल हेम्मु लागि कोखेप सासेन्‍ला सो़सिम्‍डी। गुमी आथावो योमी मेम्‍लो गुमी छु़ल हेप्‍डा मेएँ, लावो गुमीलाई लथाक्‍पा मु़चु़मिमलाई सेल्‍ला योमी।

याकूब 5:6

इनीमा कोर्थो़लाम मेबक्‍पा जो़पा मु़चु़लाई गानी मुमा बेट्‌नीमा सेट्‌निम बु।

१ पत्रुस 3:19

ओराम पेलडाङा गुमी बन्‍थाट्‌मा पेलमिमकायु़ लम्‍डिमा गुमी घ्‍वाम्‍डिमकु दुथाम र्‍वाम्‍डी।

१ पत्रुस 4:1

मेम्‍मिमका ख्रीष्‍टका उनी मिरो़मडा दु़खा ल्‍वाम्‍डी, गानी वो गुमी होप्‍मामङा दु़खा इम्‍मु नडा झो़म्‍जो़ल्‍सिट्‌नी। हेङालोने उहेमका मिरो़मडा दु़खा ल्‍वास्‍तु़म बु मेरामका छु़ल बोमु डिड्‌डु़म बु।

१ पत्रुस 4:6

मेम्‍मिमका हेल्‍लो वो मेसिपा त्‍वारो़म मेल्‍वापामिमलाई जो़पा-सेला थो़बेट्‌मिडी, मा खोत्‍ले मु़चु़ होङङा मेर्मिम सिमुङा बासावा लोवो आथा ने मेर्मिम पेलडा माम्‍चु़नीनुङ हेल्‍लो लोवो नु़मिम बुमिनु़।

१ यूहन्‍ना 1:9

गुइ इकीमा छु़लमिम माम्‍चु़नीनुङ सो़इडी माला गुमीका इकीमा छु़ल हेप्‍साक्‍सामी मा मेजो़पा खोत्‍लेडाम छेको-छेको बेसामी। हेङालोने गुमी थो़र लु़इमिम मा जो़पा बेपा बुमी।