१ पत्रुस 3:17 - थुलुङ राई

¹⁷ मेजो़पा खारी बेसाका दु़खा ल्‍वामुडाम जो़पा खारी बेसाका दु़खा ल्‍वामुङा माम्‍चु़नीका न बोमिमिम माला ओराम जो़पाङा सो़।

१ पत्रुस 3:17 Iomraidhean Croise

मत्ती 26:39

गुमी किचो़ होनोक्‍थो़ लम्‍डिमा खुम्‍बु बेसाका आरे र्‍वाक्‍तो सो़म्‍दी बेम्‍डी, “आमा पाप, नु़ माला ओराम दु़खाकु कान्‍चु़रे गोलामका हेमसाङनी। लावो आमा न होम्‍साका ने मेएँ, इनीमा न होम्‍साका बेनी।”

मत्ती 26:42

आथावो येशू नखेपडा लम्‍डिमा सो़म्‍दी बेम्‍डी, “आमा पाप, गो ओराम मेडुथु़म मेनु़ङा माला इनीमा न होम्‍साका दु़म्‍नु़।”

थु़र्मा 18:21

मेर्मिमनुङ ब्‍र्‍वासिड्‌डालो पावलका आरे र्‍वाक्‍ता, “माम्‍चु़नीकु न होङ्‍ङा दु़स्‍ता माला, आथावो गो गानीनुङ घ्रो़म्‍डा रोङु।” मेकोतिमा गु डोक्‍पु कुबी-बोक्‍साडा हुङडामा एफिसस शहरलामका लस्‍ता।

थु़र्मा 21:14

पावललाई गुकु लेम्‍मु मेचाप्‍कुवा मा, “माम्‍चु़नीकु न होङङा दु़म्‍नु़” र्‍वाक्‍तोकोमा वाय-वाय बात्तोको।

१ पत्रुस 1:6

घरिकोङकाम लागि हापा दु़खामिम गानी इम्‍मु बासी, लावो ओरामकाम लागि छो़म भ्रसी द्‌वाक्‍नी।

१ पत्रुस 2:15

हेङालोने गानी जो़पा खारी बेसाकाङा नेप्‍ची मान्‍थिम मु़चु़का थेसिमेथेट्‌मिवाम जेसी लिवा बाबेन्‍मु बासी र्‍वाक्‍पा माम्‍चु़नीकु न बु।

१ पत्रुस 2:20

गानी मेजो़पा खारी बेसाका डेम्‍ला सो़न्‍सिनिमा इम्‍नी माला गानी हाम ल्‍वानिमा? लावो गानी जो़पा खारी बेसाका वो दु़खा ल्‍वानिमा इम्‍नी माला माम्‍चु़नी गानीडाम गेर्सिप्‍मी।

१ पत्रुस 3:14

लावो माम्‍चु़नीकु न-गो होम्‍साका खारी बोनिलो वो दु़खा ल्‍वानी माला ने गानी आलाकाम सो़। मेर्मिमकु ङिमसासीडाम मेङिनी, मा इनी लो़ मेदाम्‍नु़।

१ पत्रुस 4:15

गानी दु़खा ल्‍वानी माला मु़चु़ सेट्‌पा, खुपा, मेजो़पा खारी बेपा, वाङमिमकु खारीडा थेट्‌पा लिसिक्‍पा होङङा दु़खा मेल्‍वानी।

१ पत्रुस 4:19

मेम्‍मिमका माम्‍चु़नीकु न होम्‍साका दु़खा ल्‍वापामिमका थो़रलु़इमिम प्रङपा माम्‍चु़नीकाडा उनी त्‍वापलाई ग्‍वामिनु़ मा जो़पा खारी बोमिनु़म बुमिनु़।