१ पत्रुस 3:16 - थुलुङ राई

¹⁶ गानी इनी ननुङमा दु़म्‍नी, मा मेम्‍साका ख्रीष्‍टडा बाट्‌पा जो़पा इनी बासी-दोसीका इनीमा कोर्थो़लाम मेजो़पा जेपामिमकु उनी मेजो़पा जेसीडा उनी क्रो़म लु़नु़।

१ पत्रुस 3:16 Iomraidhean Croise

मत्ती 5:11

“गानी आमा सीसिपा दु़म्‍निमका मु़चु़मिमका डक्‍साका जेमी, मा इनी थो़मतेर्मी, मेम्‍मा इनीमा दुथाम खोत्‍ले मेजो़पा ल्‍वा जेसाका लिमा थेन्‍मी, गानी ने जिनुङमा सो़।

थु़र्मा 24:16

मेम्‍मिमका मु़चु़ नुङ माम्‍चु़नीकु ङादोडा हेल्‍लो लोवो आमा त्‍वाकु चाप्‍सी गो जो़पा न-गो जु़लु।

थु़र्मा 28:22

लावो गानी हाम र्‍वामु माल्‍निमिम बु, मेराम थो़मु आकीमा न बु। हेङालोने ओराम दलकु कोर्थो़लाम खोत्‍लेका बान्‍तेमेनो जेम्‍बाल्‍मि र्‍वाक्‍पा कोङङा गुकु चकुमिम बु।”

रोमी 9:1

गो र्‍वामु खापुमिम ल्‍वा आच्‍छाङाकाम सो़। गो ख्रीष्‍टकु मु़चु़, मा गो लिमा मेथेट्‍पु। माम्‍चु़नी-पेल साखामगोडा बाट्‍पा नेप्‍चीका गो लिमा मेथेट्‍पु र्‍वाक्‍साका आमा दुथाम सो़यु़।

२ कोरिन्‍थी 1:12

ओराम सु़म्‍दिसेरडा कोङङा मेएँ लावो इनीमा ङादोडा वो आकीमा बासी-दोसी सेपा दु़म्‍बेत्तोकोम बु। ओराम आच्‍छाङाकाम न गुकु माम्‍चु़नीलाम ल्‍वात्तोकोम सो़। ओराम माम्‍चु़नीकु दिदामका दु़स्‍ताम, मु़चु़कु नेप्‍चीलामका ने मेएँ र्‍वाक्‍साका गुकु आकी धक्‍ची ह्‍वाक्‍साका सेपा नेप्‍चीका र्‍वामु चाम्‍कु।

२ कोरिन्‍थी 4:2

गुकु क्रो़म लु़पा नुङ थसिसाका बेपा खारी मेबोकु। गुकु लु-फेले वो मेबोकु, मा माम्‍चु़नीकु सिजेम वो मेफाल्‍कु। लावो गुकु आच्‍छाङाकु सिजेम जो़होमका सीकुमी, मा माम्‍चु़नीकु ङादोडा गुकु हेप्‍माम मु़चु़ बुकु रेछा र्‍वाक्‍पा ल्‍वा खोत्‍ले थो़रलु़इमिम मु़चु़मिमका उनीमा न-गोडा चमु चाम्‍मी।

१ तिमोथी 1:19

हेल्‍लो लोवो थो़रनुङमा दु़म्‍सामा जो़पा हाम थेट्‌नाम मेराम बे। कोङ-कोङका आरे मेबेमिवामा मेर्मिमकु थो़र पुयु़लुस्‍ताम बु।

१ तिमोथी 1:5

गो बेबेट्‌निम ल्‍वाका र्‍वामु मालु़मिम ने रिखाम बेबोमु सो़। मेराम रिखाम ने जो़पा गो, जो़पा ल्‍वा माल्‍पा न नुङ आच्‍छाङा थो़र लु़साका रो।

२ तिमोथी 1:3

हेल्‍लो लोवो गो गानालाई सो़म्‍दीडा मिम्‍निलो माम्‍चु़नीलाई आलासो़ ग्‍वाक्‍पुमी। आमा ङाउ-खुउमिमका बेम्‍डिम होम्‍साका गो उनीमा जो़पा नेप्‍चीका लाले-पाङके बेउ।

तीतस 2:8

मा सु़का वो भुर्मु मेचापा आच्‍छाङाकु सीसि सीडामी। मेम बोनामिमका इकीमा कोर्थो़लाम बक्‍पामिमका इकीमा दुथाम मेजो़पा जेमु ल्‍वा हाम वो मेदु़म्‍मिमका उनी क्रो़म लु़।

हिब्रू 13:18

आकीमा लागि सो़म्‍दी बेसाट्‌की। आकीमा मिम्‍सीडा गुकु जो़पा बुकु र्‍वाक्‍साका थो़रलु़त्तोकोम बु। हेङालोने हेल्‍लो लोवो गुकु जो़पा खारी बेपा न बोकु।

हिब्रू 9:14

लावो येशूकु सिसिका ने ओरामडाम छो़म डोक्‍पु खारी बु़। येशू मुमा मान्‍थिम दु़म्‍साका हेल्‍लो लोवो दु़म्‍पाम बाट्‍पा माम्‍चु़नी-पेललाम माम्‍चु़नीडा सासेन्सिम्‍डी। उनीमा सिसिका सिमुलामथो़ लक्‍पा खारीलामका गुइलाई ख्‍लोक्‍सा मा इकीमा मेजो़पा न-गोलाई सेपा दु़म्‍बेडु़। मेम्‍मा गुइलाई हेल्‍लो लोवो दु़म्‍पा माम्‍चु़नीकु खारी बोमु चापा दु़म्बेसा।

१ पत्रुस 2:12

थो़रमेबेपा इनी साउखोरेमिमकु थेतेडा चङको-चङको दु़म्‍साका जो़होमका बानी। गानी मेजो़पा खारी बेन्‍नी र्‍वाक्‍साका मेर्मिमका मेजो़पा ल्‍वा इनी बुइडला बुम्‍डिङा लोवो मेर्मिमका जो़पा इनी खारी ल्‍वामिनु़, मा सु़म्‍दिसेरकु निया बेप्‍डा योमिमिमनेम मेर्मिमका माम्‍चु़नीलाई डोक्‍पु मिम्‍मिनु़।

१ पत्रुस 2:15

हेङालोने गानी जो़पा खारी बेसाकाङा नेप्‍ची मान्‍थिम मु़चु़का थेसिमेथेट्‌मिवाम जेसी लिवा बाबेन्‍मु बासी र्‍वाक्‍पा माम्‍चु़नीकु न बु।

१ पत्रुस 2:19

कोङनिम मु़चु़का माम्‍चु़नीलाई मिम्‍साका मेडेङा दु़खा इम्‍डु़ माला माम्‍चु़नी गेर्सिप्‍मी।

१ पत्रुस 3:21

मेराम कुका कु-रु़दु़म रेम्‍बु़, उहेमका गानीलाई सेल्‍नी। ओरामका मिरो़मडाम घ्राम्‍लु़पा तु़ पार्मा होप्‍माम मेएँ, लावो ननुङमाका माम्‍चु़नीडा याचे जेम्‍मा ल्‍वा सो़। ओरामका येशू ख्रीष्‍टकु सिमुलाम बग्‍गेसीलामका गानीलाई सेल्‍नी।

१ पत्रुस 4:4

मेर्मिमका बोमिमिम होप्‍माम मेजो़पा गानी मेबोनिमिम ल्‍वासाका मेर्मिम ङाङाया दु़म्‍मी। मेम्‍मा मेर्मिमका गानीलाई डक्‍साका जेमी।