१ पत्रुस 3:11 - थुलुङ राई

¹¹ मेजो़पा खारी बोमुलामका ख्‍लोन्‍सिट्‌नी मा जो़पा खारी बेनी। न-भ्रसिक्‍साका बुमु छो़म माल्‍नी मा मेराम माल्‍निम बानी।

१ पत्रुस 3:11 Iomraidhean Croise

मत्ती 5:45

मेम बेसाका गानी पाह्रीला बाट्पा पापकु चो़मिम दु़म्‍नी। गुमीका जो़पा नुङ मेजो़पा मु़चु़ निफिकाम लागि नेप्‍सुङ ओम्‍बेन्‍मी मा माम्‍चु़नीकु ङादोडा जो़पा नुङ मेजो़पा खारी बेपा मु़चु़ निफिकाडा व थु़र्मी।

मत्ती 5:9

न-थो़म घ्रो़म्‍बेट्‌पामिम जिनुङमा सो़, हेङालोने मेर्मिम माम्‍चु़नीकु चो़-चु़सु़ र्‍वाला सो़सिमी।

मत्ती 6:13

मेजो़पा ल्‍वालाम न-छाम्‍सिमु मेग्‍वाक्‍किनी, लावो मेजो़पा मुनाङलामका सेल्‍किनी। [हेङालोने किब्‍दी, यु़म नुङ यु़म-झ्‍वाक्‍सी, हेल्‍लो लोवो इनीमाङा सो़। आमेन]’

मर्कूस 14:7

हेङालोने उ हाम वो मेबाट्‌पामिम ने गानीनुङ हेल्‍लो लोवो दु़म्‍मिम बुमी, मा हाङकोलो न बोनी मेकोतिलो ङा गानी मेर्मिमलाई ख्‍लो़मु चाम्‍निमी। लावो गो ने गानीनुङ मेम्‍साका मेदु़म्‍ङु।

लूका 1:79

मा तुकुम्‍चिमडा नुङ सिमुलाम खोपा मु़चु़मिमडला मेराम झ्‍वा, मेम्‍मा गुमीका इकीमा न भ्रसी बेन्‍मी।”

लूका 6:35

लोवो इनी स्‍वाक्‍चिमो मु़चु़मिमलाई रिखाम बेनी, मेर्मिमलाई जो़पा बेनी। चङडा मेर्मिमलाम मेख्‍लोक्‍पा नका मेर्मिमलाई लोखा ग्‍वाक्‍नी। मेम्‍मा गानी डोक्‍पु पुरस्‍कार ल्‍वानी, मा गानी खोत्‍लेडाम घ्‍ल्‍वापा माम्‍चु़नीकु चो़-चु़सु़ दु़म्‍नी, हेङालोने माम्‍चु़नीका आला-तोमा मान्‍थिम मु़चु़ नुङ मेजो़पा मु़चु़डला वो न-थो़म रेम्‍बोमी।

लूका 6:9

मेकोतिमा येशूका मेर्मिमलाई र्‍वाम्‍डी, “गो गानीनुङ हिला बेउ, ङेम्‍सिमु नेम जो़पा बोमु डे मेजो़पा बोमु, सिमुलामका सेल्‍मु डे सेन्‍मु, हाम बोमु डु़म्‍लानुङ घ्रो़म?”

यूहन्‍ना 17:15

मेर्मिमलाई सु़म्‍दिसेरलामका लक्‍नी र्‍वाक्‍साका मेएँ, लावो मेर्मिमलाई शैतानडाम बोनी-थार्नी र्‍वाक्‍साका गो गानीनुङ सो़म्‍दी बेउ।

रोमी 12:18

चाम्‍निमिमसम्‍म खोत्‍लेनुङ दु़साका बानी।

रोमी 14:17

हेङालोने माम्‍चु़नीकु किब्‍दी र्‍वाक्‍मा पोमु-डुमुकाम लागि मेएँ, लावो माम्‍चु़नी-पेललाम रोक्‍पा जो़पा न-गो, न-भ्रसी, मा सेपा दु़म्‍साका गेर्सी द्‍वाक्‍तो बुमु सो़।

रोमी 14:19

मेम्मिमका गुइ न-भ्रसी बेट्‍पा नुङ थो़रलु़पामिमका त्‍वाप-त्‍वापगोडा सो हन्‍बेट्‍पा ल्‍वाडा कोङङा न सोकी।

रोमी 5:1

मेम्‍मिमका थो़रलाम जो़पा न-गोकाम दु़स्‍तिम बु मा इकीमा ङाचो़ येशू ख्रीष्‍टलाम माम्‍चु़नीनुङ इकीमा न-थो़म घ्रो़म्‍बेसाड्‍डामिम बु।

रोमी 7:19

गो जो़पा खारी बोमु न बेउ लोवो मेचापु, लावो गो बोमु न मेबेउमिम मेजो़पा खारी ङा बेउहोम बुङु।

रोमी 7:21

मेम्‍मिमका जो़पा खारी बोमु न बेत्तो-बेत्तोङा वो मेजो़पा खारी गोनुङङा दु़म। गोनुङङा दु़म्‍पा मेराम ल्‍वाकाङा आमा त्‍वारो़मडा खारी बु़डु़म गो लु़लेट्‍पु।

रोमी 8:6

मिरो़मडाम नसीहोमका दोपा मु़चु़ सिमुलाम ख्‍लकु़। लावो माम्‍चु़नी-पेल होम्‍साका दोपा मु़चु़का ने त्‍वारो़म नुङ नभ्रसी ल्‍वासु़।

गलाती 5:22

लावो माम्‍चु़नी-पेलका ने गुइलाई आरेप्‍माम दु़म्‍बेसामी– रिखाम बेपा, न-थो़म भ्रसिक्‍पा, न-गो भ्रसिक्‍पा, इम्‍सिमु चापा, न-थो़मनुङमा, खोत्‍लेकाम लागि जो़पा मिम्‍पा, थो़र लु़इमिम,

गलाती 6:10

मेम्‍मिमका जो़पा खारी बोमु ल्‍वासी मेडे गुइ खोत्‍लेकाम लागि जो़पा बेत्तो लक्‍सी, खोत्‍लेडाम ङादो येशू ख्रीष्‍टडा थो़रलु़पा वा-ल्‍वाकमिमलाई जो़पा बिइ।

कलस्‍सी 3:15

ख्रीष्‍टका इनीमा न-गो थो़मिनु़ मा खोत्‍लेनुङ दु़बेनिमिनु़। हेङालोने दु़साका बुमु लागिङा माम्‍चु़नीका गानीलाई कोले मिरो़मडा येट्‌निमिम बु। मेम्‍मा गुमीलाई आलासो़ ग्‍वामु हेल्‍लो वो मेप्‍ल्‍वानी।

१ तिमोथी 6:18

मेर्मिमका जो़पा खारी बोमिनु़, मा जो़पा खारीलाम खाप्‍चीचो़, खेरेला दु़म्‍पामिमडला न-थो़मनुङमा दु़म्‍साका छो़म ग्‍वा-ग्‍वा द्‌वाक्‍पा दु़म्‍मिनु़।

हिब्रू 12:14

हेसाका दु़म खोत्‍ले मु़चु़मिमनुङ दु़साका बुमु नुङ छु़लडाम वाङ बुमु छो़म माल्‍नी। छु़लडाम वाङ मेबाट्‌पा सु़का वो माम्‍चु़नी ल्‍वामु मेचाप्‍सु़।

हिब्रू 13:16

वाङमिमलाई जो़होम बोमु नुङ इनी त्‍वाकु चाप्‍सी ख्‍लो़मु मेप्‍ल्‍वानी। हेङालोने आरेप्‍माम ग्‍वा-ग्‍वाका माम्‍चु़नी गेर्सी द्‌वामी।

याकूब 4:17

मेम्‍मिमका उहेमका जो़पा खारी बोमु बासी र्‍वाक्‍पा चक्‍साका वो मेबु़ माला गु छु़लचो़ सो़।

१ पत्रुस 3:12

माम्‍चु़नीकु मिक्‍सी जो़पा खारी बेपा मु़चु़मिमडला दु़म, मा उनी नोफ्‍ला मेर्मिमकु सो़म्‍दीथो़ ह्‌वासिक्‍पा दु़म। लावो माम्‍चु़नीकु ङाली मेजो़पा खारी बेपामिमकु कोर्थो़लाम दु़म।”

३ यूहन्‍ना 1:11

द्‌वादीबुङ ङोप्‍सो़नी, हाम मेजो़पा बु मेरामकु बेसी मेबेनी। उहेम मु़चु़का जो़पा बु़ मेराम मु़चु़ माम्‍चु़नीलाममिम सो़। उहेम मु़चु़का मेजो़पा बु़ मेरामका माम्‍चु़नी ल्‍वास्‍तु़म मिबु।