१ पत्रुस 3:1 - थुलुङ राई

¹ गानी नाइमेमिम वो मेम्‍साकाङा इनी त्‍वाकु वोचु़कु साखामगोडा बानी, मा मेर्मिमका माम्‍चु़नीकु सिजेमडा थो़र मेबोमी माला वो हाम वो मेसो़साका उनी नाइमेमिमकु बासी-पेसीलामका,

१ पत्रुस 3:1 Iomraidhean Croise

मत्ती 18:15

“थो़रलु़पा इमा वा-ल्‍वाकका इमा कोर्थो़लाम छु़ल बु़डु़ माला लक्‍सामा गाची कोङङा बुचिलो गुका ख्‍लो़ड्‌डु़म ल्‍वा गुनुङ सो़या। गाना र्‍वाक्‍नाम ल्‍वा मेरामका थो़स्‍तु़ माला मेरामलाई थो़रलु़पा वा-ल्‍वाक दु़म्‍बेन्‍मु चाम्‍ना।

रोमी 10:16

लावो जो़पा-सेला थो़पामिम खोत्‍लेका ने थो़रमेलु़मिवा, हेङालोने माम्‍चु़नीलाम जेपा यशैयाका आरे र्‍वाक्‍ताम बु, “ए ङाचो़, गुकु थो़बेत्तोकोम जो़पा-सेला डा सु़का थो़र बु़डु़म बु मा?”

रोमी 6:17

गानी ङादो छु़लकु डु़ल्‍चो़ बान्‍नी। लावो ओम्‍लो ने गानी सीसिट्‌निमिम सीसि होङङा इनी त्‍वाकु न-गोलामका बेन्‍निमका माम्‍चु़नीलाई आलासो़।

रोमी 7:2

डु़म्‍लाका र्‍वामिम होम्‍साका माला लालीकुन्‍दा बेपा कोङनिम मेसेम उमा वोचु़ बुमिमसम्‍म उमा ङा दु़म। लावो वोचु़ सिडा माला गु मेरामकाम ङा दु़म्‍मु बासी र्‍वाक्‍पा मेदु़म।

१ कोरिन्थी 11:3

लावो गानी ओराम ल्‍वा चन्‍जो़ल्‍नी र्‍वाक्‍पा आमा न बु, खोत्‍ले मु़चु़मिमकु उनी बुइ ख्रीष्‍ट सो़। मेसेमकु उ बुइ उ वोचु़, मा येशू ख्रीष्‍टकु उनी बुइ माम्‍चु़नी।

१ कोरिन्थी 14:34

मेसेममिम मण्‍डलीडाम घ्रो़म्‍दीडा लिबा बुमिनु़। मेर्मिमका जेमु मेल्‍वामी, लावो डु़म्‍लाका र्‍वामिम होम्‍साका मेर्मिम साखाम गोडा दु़म्‍मिनु़।

१ कोरिन्थी 7:16

थो़रलु़पा नाइमेनी, हाम गानी मेचनी, गानी थो़रडा बुनिमिमका इनीमा वोचु़मिम वो थो़रडा रोमु चाम्मी डे? मेम्‍साकाङा थो़रलु़पा वोचु़नी हाम गानी मेचनी, गानी थो़रडा बुनिमिमका इनीमा नाइमेमिम वो थो़रडा रोमु चाम्मी डे?

एफिसी 5:33

मेम्‍मिमका गो आथावो र्‍वाङु, खोत्‍ले वोस्‍चो़मिमका त्‍वा-त्‍वाहोम नाइमेलाई त्‍वाप होम्‍साकाङा रिखाम बोमु बासी, मा खोत्‍ले नाइमेमिमका त्‍वा-त्‍वाहोम वोचु़लाई डोक्‍पु मिम्‍मु बासी।

कलस्‍सी 3:18

लालीकुन्‍दा बेपा गानी खोत्‍ले नाइमेनी, ङाचो़ येशूडा गानी बोमु बासिक्‍पा होङङा इनीमा वोचु़कु साखाम गोयु़ बानी।

कलस्‍सी 4:5

येशूडा थो़र मेबेपा मु़चु़मिमनुङ बुनी-दोनिलो चङको-चङको बान्‍सिट्‌नी। खोत्‍ले जो़पा थारीका ख्रीष्‍टकु दुथाम मेर्मिमनुङ सो़मु झो़म्‍जो़ल्‍सिट्‌नी।

२ थेसलोनिकी 1:8

गुमी मुकु भुल्‍मुडा योमिमा माम्‍चु़नीलाई मेछेपामिम, मा इकीमा ङाचो़ येशू ख्रीष्‍टकु जो़पा-सेला होम्‍साका मेबेपामिमलाई देन्‍दे ग्‍वामी।

हिब्रू 11:8

थो़रकाङा अब्राहामका दिफु गुका ल्‍वापा बायथो़ लमु माम्‍चु़नीका येट्‌मिडिलो बिसिड्‌डा। मेम्‍मा गु बान्‍थो़ लक्‍तोङा बु़डु़म मेराम मेचकु़वा लोवो गु लस्‍ता।

हिब्रू 5:9

आरेसाका माम्‍चु़नीका र्‍वाम्‍डिम खोत्‍ले खारी बोमु दु़म्‍मिडिम चङडा येशूका थो़रलु़पामिमलाई हेल्‍लो वो मेसिपा त्‍वारो़म ग्‍वामु लागि सेल्‍मिडी।

१ पत्रुस 1:22

आच्‍छाङाकाम ल्‍वा होङङा बेसाका गानी इनी त्‍वापलाई छेको-छेको दु़म्‍बेट्‌निम बु। मेम्‍मिमका थो़र लु़पा इनीमा वा-ल्‍वाकलाई आच्‍छाङाका रिखाम बेनी, मा इनी त्‍वाप-त्‍वापडा न-गोलामकाङा छो़म रिखाम बेबेनी।

१ पत्रुस 3:2

इनीमा जो़पा बासी-पेसी नुङ माम्‍चु़नीकु ङिम जु़ल्‍निमिम ल्‍वामिमा वोचु़मिमलाई थो़रलु़पा दु़म्‍बेनी।

१ पत्रुस 3:7

वोचु़नी, मेम्‍साकाङा गानी इनीमा नाइमेनुङ दु़साका मा ख्‍लो़या-बाया बेबेसाका बानी। गानी इनी नाइमेलाई डोक्‍पु मिम्‍मु बासी। गानीडाम मेर्मिम मेचापा बुमी। लावो माम्‍चु़नीका गानीलाई निफिलाई कोलेङा आच्‍छाङाकाम त्‍वारो़म ग्‍वाक्‍निम बु। आरे बोनिमा गानी सो़म्‍दी बोनिलो भोपा हाम वो मेदु़म।

१ पत्रुस 4:17

हेङालोने माम्‍चु़नीकु मु़चु़मिमलामकाङा निया दु़म्‍मु चो़म्‍सिक्‍पा थारी रोक्‍ताम बु। निया दु़म्‍मु गुइलामकाङा चो़म्‍सी माला ने माम्‍चु़नीकु जो़पा-सेला होम्‍साका दोमु मेद्‌वाक्‍पामिमलाई ने हाम दु़म?