१ पत्रुस 2:22 - थुलुङ राई

²² “गुमीका हेल्‍लो वो छु़ल मेबेमिवा, मा सु़लाई वो लु-फेले मेबेमिवा।”

१ पत्रुस 2:22 Iomraidhean Croise

मत्ती 27:19

निया बेपा गन्‍खोपडा पिलातस गन्‍तासिट्‍डालो उमा नाइमेका आरे र्‍वाक्‍पा सेला थु़र्स्‍तु़, “हाम वो मेख्‍लो़ट्‌पा मेराम मु़चु़लाई हे वो मेबेनी, हेङालोने बासिन्‍था गो उमा दुथाम ङिमा म्‍वात्तोमा छो़म दु़खा ल्‍वाउतोम बु।”

मत्ती 27:4

मेम्‍मा र्‍वाक्‍ता, “हाम वो मेख्‍लो़ट्‌पा मु़चु़लाई भ्रेसाका गो छु़ल बेउतो।” मेर्मिमका र्‍वाम्‍डी, “मेराम आकीमा लागि हाम मा? गानाङा चना।”

लूका 23:41

गुची ने ख्‍ल्‍याम्‍या बेच्‍चिमका सिमु घ्रेट्‌पाङा बुची, लावो गुमीका ने आरेप्‍माम मेजो़पा खारी ने हाम वो बेम्‍डिम मिबु।”

लूका 23:47

ओर्मिम खोत्‍ले ल्‍वास्‍तु़मा रोमी सिपाहीमिमकु कप्‍तानका माम्‍चु़नीकु नङ कोक्‍तो र्‍वाक्‍ता, “आच्‍छाङा ओराम माम्‍चु़नीकु न-गो होप्‍माम मु़चु़ बाइडा।”

यूहन्‍ना 1:47

नथानेल उनी त्‍वापथो़ बिक्‍तोङा लेट्‌पा ल्‍वाम्‍डिमा नथानेलकु दुथाम येशूका र्‍वाम्‍डी, “लु-फेले मेबेपा आच्‍छाङाकाम कोले इस्राएलीलाई रेप्‍नी।”

यूहन्‍ना 8:46

गो छु़ल बेउतोम बु र्‍वाक्‍पा गानीगोडाम सु़का रेम्‍बोमु चाप्‍सु़? गो आच्‍छाङाकाम ल्‍वा जेङुमिम बुङु, हेङा गानी गोलाई थो़र मेलु़निमिम?

२ कोरिन्‍थी 5:21

माम्‍चु़नीका ख्रीष्‍टडा गुइलाई उनी त्‍वाकु ङादोडा जो़पा न-गोकाम दु़म्‍बेन्‍मु लागि हेल्‍लो वो छु़ल मेबेपा ख्रीष्‍टलाई इकीमा छु़ल कुर्बेट्‌मिडी।

हिब्रू 4:15

इकीमा खोत्‍लेडाम डोक्‍पु ङाउ डु़म्‍लाचो़ इकी मेचाप्‍सीडा रेम्‍मु मेचाम्‍निनी र्‍वाक्‍पा मेबुमी। गुइ होम्‍साकाङा गुमी वो खोत्‍ले ल्‍वाडा न-छाम्‍ला सो़म्‍सिम्‍डिम बाइडा। लावो गुमीका ने छु़ल मेबेमिवा।

हिब्रू 9:28

मेम्‍साका ङा येशू ख्रीष्‍टका हापा मु़चु़मिमकु छु़ल हेम्मु लागि कोखेप सासेन्‍ला सो़सिम्‍डी। गुमी आथावो योमी मेम्‍लो गुमी छु़ल हेप्‍डा मेएँ, लावो गुमीलाई लथाक्‍पा मु़चु़मिमलाई सेल्‍ला योमी।

१ यूहन्‍ना 2:1

आमा याक्‍के चो़च्‍चो़नी, गानी छु़ल मेबेनी र्‍वाक्‍साका गो ओराम सेलाखाजेम र्‍याक्‍तोङा बेउ। लावो कोङनिमका छु़ल बु़ माला इकीमालाम पापनुङ जेप्‍साक्‍पा कोले येशू ख्रीष्‍ट बुमी। गुमीका माम्‍चु़नीलाई गेर्सिबेन्‍मी।

१ यूहन्‍ना 3:5

लावो इकीमा छु़लमिम हेम्‍सामु येशू ख्रीष्‍ट रेम्‍बेम्‍सिम्‍डी। गुमीडा हाम वो छु़ल मिबु।

रेम्‍बेट्‌मिडिम ल्‍वा 14:5

मेर्मिमका हाम वो लिमा मेथेट्‌मिवा, मेर्मिम मुमा मेबेडिमिम बुमी।