१ पत्रुस 2:2 - थुलुङ राई

² मालो गक्‍पा चो़च्‍चो़का उमा मामकु दु़दु़ डुमु मालु़मिम होङङा गानी वो माम्‍चु़नीकु सिजेम थो़पा छो़म न बेनी। मेम्‍साका माम्‍चु़नीडलाम इनी थो़र बर्तो ल, मा गानी सेल्‍सिनी।

१ पत्रुस 2:2 Iomraidhean Croise

मत्ती 18:3

मा र्‍वाम्‍डी, “आच्‍छाङा गो गानीनुङ र्‍वाङु, इनी छु़ललामका ख्‍लोसिसाका याक्‍के चो़च्‍चो़मिम होप्‍माम मेदु़म्‍निवा माला पाह्री-किब्‍दीडा हेल्‍लो वो हुमु मेल्‍वानी।

मत्ती 19:14

लावो येशूका र्‍वाम्‍डी, “चो़च्‍चो़मिमलाई आमाडा रोमु ग्‍वाक्‍नी, मेर्मिमलाई मेभोप्‍नी। हेङालोने पाह्री-किब्‍दी ने ओ चो़च्‍चो़मिम होप्‍मामकामङा सो़।”

मर्कूस 10:15

आच्‍छाङा गो गानीनुङ र्‍वाङु, उहेमका माम्‍चु़नीकु किब्‍दी चो़च्‍चो़ होङका मेरङु़, मेरामका मेगोडा हुमु वो मेल्‍वासु़।”

लूका 18:17

आच्‍छाङा गो गानीलाई र्‍वाङु, उहेम मु़चु़का चो़च्‍चो़काम होङङा न बेसाका माम्‍चु़नीडा थो़र मेबु़ मेराम हेल्‍लो वो माम्‍चु़नीकु किब्‍दीगोडा हुमु मेल्‍वासु़।”

रोमी 6:4

गुइ वो गुमीनुङङा कु-रु़दु़मलाम सिसाका क्‍लु़म्‍सिड्‍डी, लोवो यु़मनुङमा माम्‍चु़नीका उनीमा यु़म-झ्‍वाक्‍सीलाम येशू ख्रीष्‍टलाई सिमुलाम फम्‍खेट्‌मिडी। मेम्‍साकाङा गुइ वो ख्रीष्‍टनुङङा लाले त्‍वारो़मडा लाम्‍दीइ।

१ कोरिन्थी 14:20

वा-ल्‍वाकनी, चो़च्‍चो़ होङङा मिम्‍मु डिट्‌नी। मेजो़पा ल्‍वाडा न मेछेपा चो़च्‍चो़ होप्‍माम दु़म्‍नी, लावो इनी मिम्‍सीडा ने न छेपा ङाचो़ होप्‍माम दु़म्‍नी।

एफिसी 2:21

मे खोत्‍ले नेमङा ङाचो़ येशूका झेट्‌मिडिम बु। गुमीकाङा ओराम बर्बेसाका माम्‍चु़नी बाट्‍पा सेपा सो़रनेम दु़म्‍बेन्‍मी।

एफिसी 4:15

लावो रिखामनुङ आच्‍छाङा ल्‍वा जेसाका खोत्‍ले ल्‍वाडा गुइ ख्रीष्‍टसम्‍म बर्तो लक्‍सी। गुइ मण्‍डली उनीमा मिरो़म सो़ मा गुमी इकीमा बुइ सो़।

२ थेसलोनिकी 1:3

वा-ल्‍वाकनी, इनीमा लागि गुकु हेल्‍लो लोवो माम्‍चु़नीलाई आलासो़ ग्‍वामुङा बासी। ओराम जो़पा दु़म, हेङालोने ख्रीष्‍टडा गानी छो़म थो़रलु़त्तो लनिम बु, मा वाङमिम मु़चु़नुङ वो छो़म रिखाम बेबोनिमिम बु।

१ पत्रुस 1:23

सिपा भ्रल मेएँ लावो मेसिपा भ्रल, हेल्‍लो वो मेसिपा मा हेल्‍लो लोवो दु़म्‍पाम बाट्‌पा माम्‍चु़नीकु सिजेमलामका गानी आथावो गक्‍निम बु।

२ पत्रुस 3:18

लावो इकीमा ङाचो़ नुङ गुइलाई सेल्‍पा येशू ख्रीष्‍टकु दिदामडा बर्तो लक्‍नी मा गुमीलाई छेत्तो लक्‍नी। ओम्‍लो नुङ हेल्‍लो लोवो उनी यु़म झ्‍वानु़म बुनु़। आमेन।