१ पत्रुस 2:17 - थुलुङ राई

¹⁷ खोत्‍ले मु़चु़मिमलाई डोक्‍पु मिम्‍नी। थो़रलु़पा वा-ल्‍वाकमिमलाई रिखाम बेनी। माम्‍चु़नीकु ङिम जु़ल्‍नी, हपलाई डोक्‍पु मिम्‍नी।

१ पत्रुस 2:17 Iomraidhean Croise

मत्ती 22:21

मेर्मिमका र्‍वाम्‍डी, “कैसरकाम” गुमीका मेर्मिमलाई र्‍वाम्‍डी, “कैसरकाम कैसरलाई ङा ग्‍वाक्‍नी, मा माम्‍चु़नीकाम माम्‍चु़नीलाई ङा ग्‍वाक्‍नी।”

यूहन्‍ना 13:35

गानी रिखाम बेबेन्‍नी माला ओरामलामका गानी आमा सीसिपा रेछा र्‍वाक्‍साका खोत्‍ले मु़चु़का चमी।”

रोमी 12:10

त्‍वाकु वा-ल्‍वाक होम्‍साका रिखाम बेबेनी, त्‍वापडाम वो वाङमिमलाई हापा डोक्‍पु मिम्‍नी।

रोमी 13:7

सोमु बासिक्‍पा खोलेम थोक सोक्‍थाट्‍नी– कर सोमु बासिक्‍पालाई कर, कुथेर सोमु बासिक्‍पालाई कुथेर सोक्‍नी। मेम्‍साकाङा डोक्‍पु बोमु बासिक्‍पामिमलाई डोक्‍पु बेनी मा मेर्मिमका र्‍वामिमिम ल्‍वा थो़नी।

२ कोरिन्‍थी 7:1

द्‌वादीबुङ ङोप्‍सो़नी, याचे जेम्‍मा आरेप्‍माम ल्‍वामिम गुइनुङ बुमिमका मिरो़मडाम नुङ न-गोडाम मेसेपा ल्‍वामिमडाम गुइ इकी त्‍वापलाई सेपा दु़म्‍बेडी। मेम्‍मा माम्‍चु़नीकु ङिम जु़ल्‍साका छो़म सेपा दु़म्‍तो लक्‍सी।

एफिसी 5:21

ख्रीष्‍टलाई डोक्‍पु मिम्‍निमिमका इनी त्‍वापगोडा वो कोले कोङमीकु ल्‍वाडा बाट्‍पा दु़म्‍नी।

फिलिप्‍पी 2:3

त्‍वाप कोङङा जो़पा दु़म्‍मु माल्‍पा मा डोक्‍पु लिसिक्‍पा नका हाम वो मेबेनी। लावो इनी त्‍वाप-त्‍वाप गोडा याक्‍के दु़म्‍नी मा वाङमिमलाई इनी त्‍वापडाम जो़पा लु़नी।

१ तिमोथी 6:1

डु़ल्‍चो़ दु़म्‍बेट्‌पाकु जुवाडा बाट्‌पामिम खोत्‍लेका उनीमा नेमहपमिमलाई छो़म डोक्‍पु मिम्‍मिनु़, मेम्‍साका माम्‍चु़नीकु नङ नुङ इकीमा सीसिकु दुथाम मु़चु़मिमका मेजो़पा मेजेमी।

हिब्रू 13:1

गानी इनी त्‍वाप-त्‍वापगोडा वा-ल्‍वाक होप्‍माम दु़म्निमका रिखाम बेबेनिम बानी।

१ पत्रुस 1:22

आच्‍छाङाकाम ल्‍वा होङङा बेसाका गानी इनी त्‍वापलाई छेको-छेको दु़म्‍बेट्‌निम बु। मेम्‍मिमका थो़र लु़पा इनीमा वा-ल्‍वाकलाई आच्‍छाङाका रिखाम बेनी, मा इनी त्‍वाप-त्‍वापडा न-गोलामकाङा छो़म रिखाम बेबेनी।

१ पत्रुस 2:13

ङाचो़काम लागि मु़चु़कु खोत्‍ले साखाम गोडा बानी, छो़म डोक्‍पु साखामनुङमा हप दु़म्‍नु़का

१ पत्रुस 5:5

मेम्‍साकाङा स्‍वालानी, गानी ङावामिमकु साखामगोयु़ बानी। गानी खोत्‍ले त्‍वाप-त्‍वापडा ख्‍लो़या-बाया बेबोमु छो़म याक्‍के दु़म्‍नी। “डोक्‍पु लिसिक्‍पा मु़चु़कु कोर्थो़लाम माम्‍चु़नी बमी, लावो याक्‍के दु़म्‍पामिमडला न-थो़म रेम्‍बोमी।”