१ पत्रुस 2:16 - थुलुङ राई

¹⁶ गानी फ्‍वाक्‍मा बुनी मा वो माम्‍चु़नीकु डु़ल्‍चो़ गानी बुनी। मेम्‍मिमका फ्‍वासिङ्‌डोम बु र्‍वाक्‍साका मेजो़पा खारी मेबेनी।

१ पत्रुस 2:16 Iomraidhean Croise

मत्ती 23:13

“गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, माम्‍चु़नीकु किब्‍दीगोनो मु़चु़मिम हुपा लाम्‍चोको गानी चक्‍निम बु। गानी इनी त्‍वाप वो मेहुनी, मा हुमु माल्‍पामिमलाई वो भोम्‍नी।

यूहन्‍ना 15:22

गो मेयोङुवा, मा मेर्मिमनुङ मेर्‍वाङुवाम माला मेर्मिम उनी छु़लकु मुमा बेन्‍ला मेसो़म्‍सिप्‍मिवा। लावो आथा ने मेर्मिमका छु़ल मेबेमिवाम लिसिक्‍पा ल्‍वा मेर्मिमनुङ हाम वो मिबु।

रोमी 6:18

गानी छु़ललामका सेल्‍सिट्‌निमा माम्‍चु़नीकु जो़पा खारी बेपा डु़ल्‍चो़ दु़म्‍निम बु।

रोमी 6:22

आथा ने गानी छु़लडाम वाङ दु़म्‍निम बु मा माम्‍चु़नीकु डु़ल्‍चो़ दु़म्‍निम बु। ओरामका गानीलाई सेपा दु़म्‍बेनी मेम्‍मा हेल्‍लो वो मेसिपा त्‍वारो़म ल्‍वानी।

१ कोरिन्थी 7:22

हेङालोने माम्‍चु़नीका ङाचो़ येशूडा येट्‌मिडिलो उहेम मु़चु़ डु़ल्‍चो़ बाइडा, मेराम मु़चु़ ङाचो़काम लागि उ दाप होर्सिक्‍पा दु़स्‍ताम बु। मेम्साकाङा माम्‍चु़नीका येट्‌मिडिलो उहेम मु़चु़ डु़ल्‍चो़ मेबायावा मेराम ओम्‍लो ख्रीष्‍टकु डु़ल्‍चो़ दु़स्‍ताम बु।

गलाती 5:1

आथाडा आनो गुइ डु़ल्‍चो़ मेदु़म्‍सिनु़ र्‍वाक्‍साका येशू ख्रीष्‍टका गुइलाई वाङ बेसाड्‌डामिम सो़। मेम्‍मिमका गानी वाङ दु़म्‍पा मु़चु़मिम सोनुङमा दु़म्‍साका बानी मा आथावो डु़म्‍लाकु जुवागोडा हुमु मेमाल्‍नी।

गलाती 5:13

वा-ल्‍वाकनी, माम्‍चु़नीका गानीलाई डु़ल्‍चो़लाम वाङ दु़म्‍मु लागि येट्‌निमिम सो़। ओराम वाङदु़म्‍सी ने इनीमा मिरो़मडाम मेजो़पा न-गो होम्‍साका मेदोनु़, लावो रिखामका इनी त्‍वाप-त्‍वापडा ख्‍लो़या-बाया बेबेनी।

एफिसी 6:6

इनी खारी बेसी मु़चु़मिमकु मिक्‍सीलामडा जो़पा रेम्‍बेपा मा मेर्मिमलाई गेर्सिबेन्‍मु लागि कोङङा मेएँ, लावो ख्रीष्‍टकु डु़ल्‍चो़ होङङा इनीमा न-गो सोक्‍साका माम्‍चु़नीकु न-गो होम्‍साका खारी बेपा दु़म्‍नी।

कलस्‍सी 3:24

ङाचो़का उनीमा मु़चु़मिमलाई ग्‍वाक्‍पुमी र्‍वाक्‍साका ङादो जेम्‍डिम पुरस्‍कार गुमीका ग्‍वानिमी र्‍वाक्‍पा चनिमिमङा बु। ङाचो़ ख्रीष्‍टकाम खारीङा गानी बोनिम बुनी।

१ थेसलोनिकी 2:5

ओराम ने गानी वो जो़होमका चनी, गुकु हेल्‍लो वो गानीनुङ लोमालेपा ल्‍वा मेबेकुवा, गानीलाम खउलुङ ल्‍वामु लागि गुकु हेल्‍लो वो इनीमा ङोप्‍सो़ मेलिसिट्‌कुवा। आकीमा दुथाम खोत्‍ले ल्‍वापा माम्‍चु़नी बुमी।

याकूब 1:25

लावो गुलाई फ्‍वाक्‍पा छो़म जो़पा डु़म्‍ला होम्‍साका उहेम लाम्‍दी, मा गुका थो़स्‍तु़म सिजेम मेप्‍ल्‍वासाका मेराम होम्‍साका खारी बु़ माला मेरामका बु़मिम खारीडा जि ल्‍वासु़।

याकूब 2:12

मेम्‍मिमका गानी जेनिलो खारी बोनिलो ओराम मिम्‍नी, गानीलाई छु़ल नुङ सिमुलामका फ्‍वाक्‍पा डु़म्‍लाका इनीमा निया वो बु़ सो़।

२ पत्रुस 2:19

मेर्मिमका उनी त्‍वापङा त्‍वापलाई पुयु़लुबेट्‌पा बादु़खाम नुङ छु़ल गोडा बुमी लावो मु़चु़मिमलाई ने मेरामलामका वाङ बेपा याचे जेमी।

यहूदा 1:4

हेङालोने कोङनिम मु़चु़ उहेमका देन्‍दे ल्‍वामी र्‍वाक्‍साका माकेङा र्‍याक्‍मा बु मेर्मिम मु़चु़ लिबावा इनीमा थेतेगोडा हुम्‍डिम बु। मेर्मिम मु़चु़ माम्‍चु़नीकु लाम्‍दीडा लाममेदिपामिम सो़, मेर्मिमका माम्‍चु़नीकु दिदामलाई उनी नसीहोम बोमुथो़ हिम्‍डिम बु, मा इकीमा हप नुङ ङाचो़ येशू ख्रीष्‍ट र्‍वामु मेर्मिमका मेद्‌वामी।