१ पत्रुस 2:15 - थुलुङ राई

¹⁵ हेङालोने गानी जो़पा खारी बेसाकाङा नेप्‍ची मान्‍थिम मु़चु़का थेसिमेथेट्‌मिवाम जेसी लिवा बाबेन्‍मु बासी र्‍वाक्‍पा माम्‍चु़नीकु न बु।

१ पत्रुस 2:15 Iomraidhean Croise

मत्ती 25:2

मेर्मिमगोडाम ङोले (५) नेप्‍चीनुङमा नुङ ङोले (५) नेप्‍ची मान्‍थिम मेसेममिम बाम्‍डी।

मत्ती 7:26

लावो उहेम मु़चु़का आमा सिजेम थो़सु़, मा मेराम होम्‍साका मेबु़, मेराम मु़चु़ सेक्रेडला नेम बनेबेपा नेप्‍ची मान्‍थिम मु़चु़ होप्‍मामङा सो़।

रोमी 1:21

मेर्मिमका माम्‍चु़नीलाई छेसाका वो गुमीलाई डोक्‍पु मेमिम्मिवा, ना आलाङा र्‍वाम्‍डी। मेम्‍मा मेर्मिमकु नेप्‍ची हाम ना हामकाम दु़स्‍ता मा मेर्मिमकु न-गो तुकुम्‍चिम होप्‍माम दु़स्‍ता।

गलाती 3:1

ए नेप्‍ची मान्‍थिम गलातियाडाम मु़चु़नी, मेजो़पा लाम्‍दीथो़ लाम्‍दिमु लागि गानीलाई सु़का कोक्‍नी? इनीमा मिक्‍सीलामडाङा येशू ख्रीष्‍ट क्रूसडा चेसिम्‍डिम ल्‍वाकु दुथाम जो़होमका र्‍वाक्‍मा बाइडा।

१ थेसलोनिकी 4:3

गानी सेपा दु़म्‍नी र्‍वाक्‍पा माम्‍चु़नीकु न बु। मेम्‍मिमका खोत्‍ले नाम्‍सु़रु़ बोमुडाम वाङ बानी।

१ थेसलोनिकी 5:18

गानीडला हा-हाम दु़म, मेर्मिम खोत्‍लेकाम लागि माम्‍चु़नीलाई आलासो़ ग्‍वाक्‍नी। येशू ख्रीष्‍टकु मु़चु़ दु़म्‍साका गानी ओरामङा बेनिम बानी र्‍वाक्‍पा माम्‍चु़नीकु न बु।

१ तिमोथी 1:13

ङादो गो गुमीलाई डक्‍साका जेङ्‌डो, उनी मु़चु़मिमकाम थो़मतेर्साक्‍तोमी, मा उनीमा न नो़बेत्तो लोवो, गो मेथेसाका नुङ थो़र मेलु़साका मेम बेउतोमका माम्‍चु़नीलामका न-थो़म ल्‍वाउतो।

तीतस 2:8

मा सु़का वो भुर्मु मेचापा आच्‍छाङाकु सीसि सीडामी। मेम बोनामिमका इकीमा कोर्थो़लाम बक्‍पामिमका इकीमा दुथाम मेजो़पा जेमु ल्‍वा हाम वो मेदु़म्‍मिमका उनी क्रो़म लु़।

तीतस 3:3

कोबिलि गुइ वो नेप्‍ची मान्‍थिम नुङ र्‍वाकिमिम मेथो़पा बाइडी। लु-फेले बेला सो़सिक्‍पा, मेजो़पा नकाम नुङ नसीहोम बिइबाल्‍ली। नो़ मेनु़पा, नाचु़रनुङमा, मेद्‌वाला सो़सिक्‍पा, मा मेद्‌वाबेपा बाइडी।

१ पत्रुस 2:12

थो़रमेबेपा इनी साउखोरेमिमकु थेतेडा चङको-चङको दु़म्‍साका जो़होमका बानी। गानी मेजो़पा खारी बेन्‍नी र्‍वाक्‍साका मेर्मिमका मेजो़पा ल्‍वा इनी बुइडला बुम्‍डिङा लोवो मेर्मिमका जो़पा इनी खारी ल्‍वामिनु़, मा सु़म्‍दिसेरकु निया बेप्‍डा योमिमिमनेम मेर्मिमका माम्‍चु़नीलाई डोक्‍पु मिम्‍मिनु़।

१ पत्रुस 3:16

गानी इनी ननुङमा दु़म्‍नी, मा मेम्‍साका ख्रीष्‍टडा बाट्‌पा जो़पा इनी बासी-दोसीका इनीमा कोर्थो़लाम मेजो़पा जेपामिमकु उनी मेजो़पा जेसीडा उनी क्रो़म लु़नु़।

१ पत्रुस 3:17

मेजो़पा खारी बेसाका दु़खा ल्‍वामुडाम जो़पा खारी बेसाका दु़खा ल्‍वामुङा माम्‍चु़नीका न बोमिमिम माला ओराम जो़पाङा सो़।

१ पत्रुस 4:2

मेम्‍मा आथाडा आनो गु सु़म्‍दिसेरडाम मेजो़पा उ न होम्‍साका मेदो, लावो माम्‍चु़नीकु न होम्‍साका दो।

२ पत्रुस 2:12

लावो मेर्मिम मु़चु़का उनी त्‍वाकाङा थेसिमेथेट्‌मिमिम ल्‍वाकु दुथाम मेजो़पा जेमी। मेर्मिम ने मेमिम्‍साका खारी बेपा मा चु़म्‍मुमिमा सेन्‍मुमि लागि कोङङा गम्‍डिम सो़ब्‍दीपोमिम होप्‍माम बुमी। मेर्मिम मु़चु़ सो़ब्‍दीपोमिम होङङा सिमी।

यहूदा 1:10

लावो ओर्मिम मु़चु़का उनी त्‍वाकाङा मेचमिमिम सेम्‍ला बेन्‍मी। न मेबाट्‌पा हादी-बारामिम होङङा मेचक्‍साका बोमिमिम खारीलामकाङा मेर्मिम छो़रो़प दु़म्‍मी।