१ पत्रुस 2:13 - थुलुङ राई

¹³ ङाचो़काम लागि मु़चु़कु खोत्‍ले साखाम गोडा बानी, छो़म डोक्‍पु साखामनुङमा हप दु़म्‍नु़का

१ पत्रुस 2:13 Iomraidhean Croise

मत्ती 22:21

मेर्मिमका र्‍वाम्‍डी, “कैसरकाम” गुमीका मेर्मिमलाई र्‍वाम्‍डी, “कैसरकाम कैसरलाई ङा ग्‍वाक्‍नी, मा माम्‍चु़नीकाम माम्‍चु़नीलाई ङा ग्‍वाक्‍नी।”

मर्कूस 12:17

मेकोतिमा येशूका मेर्मिमनुङ र्‍वाम्‍डी, “कैसरकाम खोत्‍ले कैसरलाई ङा ग्‍वाक्‍नी, मा माम्‍चु़नीकाम खोत्‍ले माम्‍चु़नीलाई ङा ग्‍वाक्‍नी।” ओराम ल्‍वा थो़म्डिमा मेर्मिम ङाङाया दु़म्‍मिडी।

लूका 20:25

येशूका मेर्मिमलाई र्‍वाम्‍डी, “मेम माला कैसरकाम कैसरलाई ङा ग्‍वाक्‍नी, मा माम्‍चु़नीकाम ने माम्‍चु़नीलाई ङा ग्‍वाक्‍नी।”

एफिसी 5:21

ख्रीष्‍टलाई डोक्‍पु मिम्‍निमिमका इनी त्‍वापगोडा वो कोले कोङमीकु ल्‍वाडा बाट्‍पा दु़म्‍नी।

तीतस 3:1

आरे बोमु थो़रलु़पामिमलाई मिम्‍बेडामी: साखामचो़ नुङ सरकारी डोक्‍पु मु़चु़मिमकु ल्‍वाडा बुमु, मेर्मिमका र्‍वामिमिम थो़मु, मा हाम लोवो जो़पा खारी बोमु लागि झो़म्‍जो़ल्‍सिमु।

१ पत्रुस 2:17

खोत्‍ले मु़चु़मिमलाई डोक्‍पु मिम्‍नी। थो़रलु़पा वा-ल्‍वाकमिमलाई रिखाम बेनी। माम्‍चु़नीकु ङिम जु़ल्‍नी, हपलाई डोक्‍पु मिम्‍नी।

२ पत्रुस 2:10

मेजो़पा न होङङा बोमु माल्‍बाल्‍पा मा माम्‍चु़नीकु साखामलाई हाम होङङा वो मेलु़पा मु़चु़मिमका ने छो़म देन्‍दे ल्‍वामी। मेर्मिम मु़चु़ मेङिपा नुङ डोक्‍पु लिसिक्‍पा दु़म्‍मी मा पाह्रीलाम यु़मचो़मिमलाई वो डक्‍साका जेमु मेङिमी।