१ पत्रुस 1:8 - थुलुङ राई

⁸ गुमीलाई गानी ल्‍वान्‍निम मिबु लोवो गुमीलाई रिखाम बोनी। ओम्‍लो गुमीलाई गानी मेल्‍वानी लावो गुमीडा थो़रलु़नी, मा सो़मु मेझापा छो़म डोक्‍पु न-भ्रसी ल्‍वानी।

१ पत्रुस 1:8 Iomraidhean Croise

मत्ती 10:37

“उहेमका गोडाम हापा उ मामलाई लोवो उ पापलाई लोवो रिखाम बु़, मेराम आमा सीसिपा दु़म्‍मु मेघ्रेडु़। उहेमका गोडाम हापा उ जाउमोचो़लाई लोवो तारापाचो़लाई लोवो रिखाम बु़, मेराम आमा सीसिपा दु़म्‍मु मेघ्रेडु़।

यूहन्‍ना 14:15

“गानी गोलाई रिखाम बोङिनी माला गो र्‍वाङुमिम थो़नी।

यूहन्‍ना 14:21

उहेमनुङ गो जेङ्‌डोम ल्‍वा बु, मा मेराम होम्‍साका बु़, मेरामका गोलाई रिखाम बोङी। गोलाई रिखाम बेपा मु़चु़लाई आमा पापका रिखाम बोमी। मेम्‍मा गो वो गुलाई रिखाम बेउ, मा उमाडा गो रेम्‍बेङ्‌सिङु।”

यूहन्‍ना 14:24

गोलाई रिखाम मेबेपाका आमा सीसि मेथो़सु़। गानी थो़निमिम ओर्मिम सिजेम आमा मेएँ, मेर्मिम ने गोलाई थु़र्पा पापकाम सो़।

यूहन्‍ना 16:22

मेम्‍साकाङा ओम्‍लो इनीमा न-गो ख्राम, लावो आथावो गो गानीलाई रेम्‍निनी, मा इनीमा न-गो भ्रसी। मेराम इनी न-गो भ्रसी सु़का वो गानीलाम मेरोनिमी।

यूहन्‍ना 20:29

येशूका मेरामलाई र्‍वाम्‍डी, “गाना गोलाई ल्‍वाङ्‌डिमका गोडला थो़रलु़न्‍नाम। उहेमका गोलाई मेल्‍वासाका थो़रलु़मी मेर्मिम आलाकाम सो़।”

यूहन्‍ना 8:42

येशूका मेर्मिमलाई र्‍वाम्‍डी, “माम्‍चु़नी इनीमा पाप बामिवाम माला ने गानी गोलाई रिखाम बेङिनिवा, हेङालोने माम्‍चु़नीलामका गो इनीमाडा रोङ्‌डो। गो आमा त्‍वाकु नका रोङ्‌डोम मेएँ, लावो गुमीका गोलाई थु़र्ङिडिमिम।

थु़र्मा 16:34

मे डोक्‍पु मु़चु़का पावल नुङ सिलासलाई उ नेमडा येड्‌डु़चिमा ग्रुला ग्‍वाक्‍तु़ची। माम्‍चु़नीडा थो़र लु़म्‍डिमका मे डोक्‍पु मु़चु़ नुङ उ नेमडाममिम खोत्‍लेङा छो़म गेर्सी द्‌वाम्‍डी।

रोमी 14:17

हेङालोने माम्‍चु़नीकु किब्‍दी र्‍वाक्‍मा पोमु-डुमुकाम लागि मेएँ, लावो माम्‍चु़नी-पेललाम रोक्‍पा जो़पा न-गो, न-भ्रसी, मा सेपा दु़म्‍साका गेर्सी द्‍वाक्‍तो बुमु सो़।

रोमी 15:13

सेल्‍सिमु ल्‍वापा न ग्‍वाक्‍पा माम्‍चु़नीडा गानी थो़रलु़न्‍निम बु। गुमीका गानीलाई न-गो भ्रसिबेन्‍मिनु़। मेम्‍साकाङा माम्‍चु़नी-पेलकु यु़मका मेराम ल्‍वापा इनीमा नगोडा गानी बर्तो लमु चापा दु़म्‍नी।

१ कोरिन्थी 16:22

कोङनिमका ङाचो़लाई रिखाम मेबु़ माला मेरामडला वाइतो रोनु़। आकीमा ङाचो़, योक्‍नी!

२ कोरिन्‍थी 1:22

गुइ गुमीकाम ङा र्‍वाक्‍साका गुमीका गुइडला उनीमा छेखोप ओप्‍मिडिम बु मा ङादो ग्‍वाक्‍पा बैना होप्‍मामङा इकीमा न-गोडा माम्‍चु़नी-पेल ग्‍वाक्‍साड्‌डामिम बु।

२ कोरिन्‍थी 12:4

गुलाई माम्‍चु़नीका पाह्रीला कोम्‍डिमा मेसिन्‍डा मु़चु़कु सिका र्‍वामुङा मेचापा नुङ मु़चु़का सो़सी मेनु़पा ल्‍वा गुका थो़स्‍तु़।

२ कोरिन्‍थी 4:18

मिक्‍सीका ल्‍वासु़मिम ल्‍वा मेएँ, मिक्‍सीका मेल्‍वासु़मिम ल्‍वा गुकु रेम्‍कु। मिक्‍सीका ल्‍वासु़मिम ल्‍वा घरिकोङकाम कोङङा दु़म, लावो मिक्‍सीका मेल्‍वासु़मिम ल्‍वा ने हेल्‍लो लोवो दु़महोम बु।

२ कोरिन्‍थी 5:7

गुइ थो़रलामका बुइ-दोसी, मिक्‍सीका ल्‍वासिमिम ल्‍वालामका मेदोसी।

२ कोरिन्‍थी 9:15

र्‍वामुङा मेझापा हापा थिकु राप्‍लावाकाम लागि माम्‍चु़नीलाई आलासो़ दु़म्‍नु़।

गलाती 5:22

लावो माम्‍चु़नी-पेलका ने गुइलाई आरेप्‍माम दु़म्‍बेसामी– रिखाम बेपा, न-थो़म भ्रसिक्‍पा, न-गो भ्रसिक्‍पा, इम्‍सिमु चापा, न-थो़मनुङमा, खोत्‍लेकाम लागि जो़पा मिम्‍पा, थो़र लु़इमिम,

गलाती 5:6

गुइ ख्रीष्‍ट येशूडा थो़रलु़पामिमकाम लागि ने कोक्‍ते खिरिरि क्रिप्‍डी लोवो मेक्रिप्‍डी लोवो मेराम हाम वो मेएँ। लावो कोलेङा डोक्‍पु ल्‍वा बु, मेराम ने रिखामनुङमा दु़म्‍साका खारी बेपा थो़र सो़।

एफिसी 3:19

खोत्‍ले थेसी-चक्‍सी नुङ नेप्‍चीका मिम्‍मु मेचापा ख्रीष्‍टकु रिखाम गानी थेसिथेट्‍नी, मा इनीमा खोत्‍ले बासी-दोसीडा माम्‍चु़नीका द्‍वाक्‍पा मु़चु़ दु़म्‍निनु़ र्‍वाक्‍साका सो़म्‍दी बेउ।

एफिसी 6:24

इकीमा ङाचो़ येशू ख्रीष्‍टलाई रिखाम बेपाम बाट्‍पा खोत्‍लेडला हेल्‍लो लोवो माम्‍चु़नीकु दिदाम दु़म्‍नु़म बुनु़।

फिलिप्‍पी 1:25

ओराम ल्वा आच्‍छाङा लु़ङ्‍डोमका गो नु़पाङा दु़म्‍ङु, मा गानी थो़र लु़सीडा बर्तो लमु नुङ भ्रम्‍सिमु लागि गानी खोत्‍लेनुङ दु़म्‍ङुम बुङु र्‍वाक्‍पा ल्वा गो चक्‍पु।

फिलिप्‍पी 3:3

हेङालोने माम्‍चु़नी-पेललाम सो़रलोले बेपा, येशू ख्रीष्‍टडा नो़ डोक्‍पु बेपा मा मु़चु़कु बेसी-दोसीडा थो़र मेलु़पा गुइङा आ‍च्‍छाङा कोक्‍ते खिरिरि क्रिप्‍मा माम्चु़नीकु मु़चु़ सो़।

फिलिप्‍पी 4:4

ङाचो़ येशूडा हेल्‍लो लोवो भ्रन्‍सिट्‌नी। आथावो गो र्‍वाङु, भ्रन्‍सिट्‌नी।

हिब्रू 11:1

थो़र ने हाम-हुम ल्‍वापा न बिइमिम आच्‍छाङा दु़म र्‍वाक्‍पा नुङ मिक्‍सीका मेल्‍वासिमिम ल्‍वा दु़मङा र्‍वाक्‍पा सो़।

हिब्रू 11:27

थो़रकाङा गुका हपकु छोक्‍चोडाम मेङिसाका मिश्र नेब्‍दी डिड्‌डु़। गुका हाम वो मेर्‍वाक्‍साका इम्‍तो बाइडा, हेङालोने मिक्‍सीका ल्‍वामु मेझापा माम्‍चु़नीलाई गुका ल्‍वास्‍तु़म होप्‍माम बाइडा।

१ पत्रुस 1:6

घरिकोङकाम लागि हापा दु़खामिम गानी इम्‍मु बासी, लावो ओरामकाम लागि छो़म भ्रसी द्‌वाक्‍नी।

१ पत्रुस 2:7

मेम्‍मिमका गानी उहेमका थो़रलु़नी, इनीमा लागि गुमी ने इनी डोक्‍पु दु़म्‍सी सो़, लावो थो़रमेलु़पामिमकाम लागि ने, “उहेम लुङ नेम चिर्पामिमका पार्मिडी, मेरामङा नेमकु फारगोयु़म डोक्‍पु लुङ दु़स्‍ता।”

१ पत्रुस 5:4

मेम्‍मा भेन्‍दा रेपा-क्रिपा खोत्‍लेडाम डोक्‍पु रोमी। मेम्‍मा उ जो़प्‍सी हेल्‍लो वो मेदाम्‍पा यु़म-झ्‍वाक्‍सीकु मुकुट गानी ल्‍वानी।