१ पत्रुस 1:6 - थुलुङ राई

⁶ घरिकोङकाम लागि हापा दु़खामिम गानी इम्‍मु बासी, लावो ओरामकाम लागि छो़म भ्रसी द्‌वाक्‍नी।

१ पत्रुस 1:6 Iomraidhean Croise

मत्ती 11:28

“ए लिपा ल्वा कुर्पा नुङ इनी खारीडाम घ्रु़म्‍पा मु़चु़नी, आमाडा रोक्‍नी। गो गानीलाई ङेम्‍सिमु ग्‍वानिनी।

मत्ती 26:37

गुमीका पत्रुस नुङ जब्‍दियाकु तारापाचो़चिप याकूब नुङ यूहन्‍नालाई गुमीनुङङा लम्‍डी। गुमी छो़म मेभ्रम्‍सिट्‌मिवा, मा उनी न-गो खेमल्‍यामु चो़म्‍डु़।

मत्ती 5:12

इनी न-भ्रसिबेट्‌निमा छो़म गेर्सिद्‌वानी, हेङालोने पाह्रीला गानी डोक्‍पु पुरस्‍कार ल्‍वानी। माकेम माम्‍चु़नीलाम-जेपामिमलाई वो मेर्मिमका आरेसाकाङा उनी थो़मतेर्साम्‍डिम बाइडा।

लूका 1:47

मा गोलाई सेल्‍पा माम्‍चु़नीडा आमा गो भ्रसी।

लूका 10:20

मेमङा लावो मुनाङपेलमिमका गानी र्‍वानिमिम थो़मी र्‍वाक्‍साका गानी मेगेर्सिट्‌नी। लावो इनीमा नङ पाह्रीला र्‍यास्ताम बु र्‍वाक्‍साका गेर्सिट्‌नी।”

लूका 2:10

लावो पाह्रीचो़का मेर्मिमनुङ र्‍वाक्‍ता, “मेङिनी! गो गानीलाई कोले जो़पा-सेला थो़बेनिनी, मेरामका खोत्‍ले मु़चु़मिम छो़म भ्रम्‍सिमी।

यूहन्‍ना 16:22

मेम्‍साकाङा ओम्‍लो इनीमा न-गो ख्राम, लावो आथावो गो गानीलाई रेम्‍निनी, मा इनीमा न-गो भ्रसी। मेराम इनी न-गो भ्रसी सु़का वो गानीलाम मेरोनिमी।

यूहन्‍ना 16:33

आमाडा गानी दु़म्‍साका इनीमा न-गो भ्रसिनु़ र्‍वाक्‍साका गो गानीलाई ओराम ल्‍वा र्‍वाङडोम। ओराम सु़म्‍दिसेरडा गानीलाई दु़खा दु़म, लावो रुखु फिन्‍नी, सु़म्‍दिसेरडला गो घ्‍ल्‍वाङडोम बु।”

थु़र्मा 14:22

मेसिन्‍डा मेर्चिपका थो़रलु़पामिमलाई उनी थो़र बर्बेसाक्‍चिमी, मा उनी थो़रलु़सीडा सो हन्‍बेट्‌साक्‍चिमी। मेर्चिपका र्‍वाक्‍ची, “गुइ माम्‍चु़नीकु किब्‍दीगोडा हुमु हापा मेझापातो दु़खा ल्‍वामु बासी।”

रोमी 12:12

गानी इनी नगोडा हाम-हुम लन्‍थानिमिम ल्‍वाडा गेर्सी द्‍वाक्‍नी, दु़खा थारीडा इम्‍सिसाका बानी मा हेल्‍लो लोवो सो़म्‍दी बेनिम बानी।

रोमी 5:11

आकोति कोङङा मेएँ, लावो इकीमा ङाचो़ येशू ख्रीष्‍टलाम गुइ माम्‍चु़नीडा गेर्सिक्‍तोङा बिइ, हेङालोने ख्रीष्‍टकाङा गुइलाई माम्‍चु़नीनुङ इकीमा न-थो़म घ्रो़म्‍बेसाका ङोप्‍सो़ दु़म्‍बेसाड्‍डामिम बु।

रोमी 5:2

येशू ख्रीष्‍टडा बिइडिम थो़रलामका गुमीका गुइलाई माम्‍चु़नीकु दिदामगोडा रेसाड्‍डामिम बु। ओम्‍लो गुइ मेराम दिदामगोडा बुइ। गुइ माम्‍चु़नीकु यु़म-झ्‍वाक्‍सीगोडा दु़म्‍पा न बेत्तो गेर्सी द्‍वाकी।

रोमी 9:2

आमा द्‍वादीबुङ इस्राएली वा-ल्‍वाकमिमकाम लागि आमा थो़मबोक घ्रु़पा बु।

२ कोरिन्‍थी 4:17

गुकुनुङ ओम्‍लो कति दु़पा थारी नुङ याक्‍के दु़खा बु, ओरामका हेल्‍लो वो मेदाम्‍पा यु़म-झ्‍वाक्‍सी गुकुगोडा रेडु़। ओराम दु़खाडाम वो मेराम यु़म झ्‍वाक्‍सी ने हापा डोक्‍पु बु।

२ कोरिन्‍थी 6:10

न-गोडा दु़खा बु लोवो हेल्‍लो लोवो भ्रसिक्‍पा बुकु। गुकु हाम वो मेबाट्‌पा लोवो हापा मु़चु़लाई खाप्‍चीचो़ दु़म्‍बेट्‌पा बुकु। हाम वो मेबाट्‌पा लोवो खोत्‍लेम थोक बाट्‌पा बुकु।

गलाती 5:22

लावो माम्‍चु़नी-पेलका ने गुइलाई आरेप्‍माम दु़म्‍बेसामी– रिखाम बेपा, न-थो़म भ्रसिक्‍पा, न-गो भ्रसिक्‍पा, इम्‍सिमु चापा, न-थो़मनुङमा, खोत्‍लेकाम लागि जो़पा मिम्‍पा, थो़र लु़इमिम,

फिलिप्‍पी 2:26

हेङालोने गुका गानी खोत्‍लेनुङ छो़म घ्रो़म्‍मु न बु़मिम बु, मा गु नो़पा बाइडा र्‍वाक्‍पा गानी थो़न्‍निमका छो़म मिम्‍ताम-सो़र्ताम बु़डु़म बु।

फिलिप्‍पी 3:3

हेङालोने माम्‍चु़नी-पेललाम सो़रलोले बेपा, येशू ख्रीष्‍टडा नो़ डोक्‍पु बेपा मा मु़चु़कु बेसी-दोसीडा थो़र मेलु़पा गुइङा आ‍च्‍छाङा कोक्‍ते खिरिरि क्रिप्‍मा माम्चु़नीकु मु़चु़ सो़।

फिलिप्‍पी 4:4

ङाचो़ येशूडा हेल्‍लो लोवो भ्रन्‍सिट्‌नी। आथावो गो र्‍वाङु, भ्रन्‍सिट्‌नी।

१ थेसलोनिकी 1:6

ङाचो़ येशू नुङ आकीमा बेसी बेपा गानी दु़म्‍नी। छो़म इम्‍मु मेझापा दु़खाडा लोवो माम्‍चु़नी-पेलका गेर्सी बेट्‌निमका गानी सिजेम रन्‍नी।

याकूब 1:2

आमा वा-ल्‍वाकनी, गानीडला खाल-खालकाम दु़खामिम रोमिलो छो़म गेर्सी द्‌वाक्‍नी।

याकूब 1:9

थो़रलु़पामिमगोडाम उ हाम वो मेबाट्पा याक्‍के मु़चु़लाई माम्‍चु़नीका डोक्‍पु बोमिमिम थारीकाम लागि गु छो़म गेर्सी द्‌वानु़,

याकूब 4:9

इनीमा ङाली डक्‍नी, ख्राप्‍नी मा येनी-दुनी, हेङालोने गानी छु़ल बेन्‍निम बु। रिमु डिसाका येनी-दुनी, मा गेर्सिमु डिसाका ङाली डक्‍नी।

१ पत्रुस 3:17

मेजो़पा खारी बेसाका दु़खा ल्‍वामुडाम जो़पा खारी बेसाका दु़खा ल्‍वामुङा माम्‍चु़नीका न बोमिमिम माला ओराम जो़पाङा सो़।

१ पत्रुस 4:7

सु़म्‍दिसेरकु हुक्‍पा थारी रोक्‍फाड्‌डाम बु। मेम्‍मिमका चङचङया बानी मा इनी त्‍वापलाई जो़होमका जु़ल्‍नी, मेम्‍मा गानी सो़म्‍दी बोमु चापा दु़म्‍नी।

१ पत्रुस 5:10

खोत्‍ले दिदाम ग्‍वाक्‍पा माम्‍चु़नीका गानीलाई ख्रीष्‍टनुङ कोले दु़म्‍सीडा हेल्‍लो लोवो दु़म्‍पाम बाट्‌पा उनी यु़म-झ्‍वाक्‍सीकु दो़दो़वा ल्‍वामु येट्‌निम बु। घरिकोङ गानी दु़खा ल्‍वानिमिम चङडा गुमीका गानीलाई आथावो लाले दु़म्‍बेनी, थो़रलु़पाम बाट्‌पा दु़म्‍बेनी मा सोनुङमा दु़म्‍बेनी।