१ पत्रुस 1:25 - थुलुङ राई

²⁵ लावो ङाचो़कु सिजेम ने हेल्‍लो लोवो दु़महोम बु।” गानीलाई थो़बेट्‌मा जो़पा-सेलाकु सिजेम ओरामङा सो़।

१ पत्रुस 1:25 Iomraidhean Croise

मत्ती 5:18

आच्‍छाङा गो गानीलाई र्‍वाङु, सुबु नुङ धामु मेदाममिमसम्‍म माम्‍चु़नीकु डु़म्‍लागोडाम कोले वो मेदाम। मेम्‍मा डु़म्‍लाका र्‍वाक्‍ताम खोत्‍ले ल्‍वा होङङा मेरोक्‍थिथु़मसम्‍म मेरामकाम कोले याक्‍के बिन्‍दु ङा लोवो मेराम मेदाम।

लूका 16:17

सुबु नुङ धामु दाम्‍मु चाप्‍सु़, लावो माम्‍चु़नीकु डु़म्‍लागोडाम कोले याक्‍के ल्‍वा वो मेदाम।

यूहन्‍ना 1:1

सु़म्‍दिमोलो सिजेम बाम्‍डी। सिजेम माम्‍चु़नीनुङ बाम्‍डी, मा मे सिजेम माम्‍चु़नी बाम्‍डी।

यूहन्‍ना 1:14

सिजेम मु़चु़ दु़म्‍मिडी, मा गुकुगोडा बाम्‍डी। गुकु उनीमा यु़म-झ्‍वाक्‍सी ल्‍वात्तोको। मेराम यु़म-झ्‍वाक्‍सी पापकामलाम योक्‍पा कोलेङा तारापाचो़काम होप्‍माम छो़म दिदामनुङमा नुङ आच्‍छाङाकाम बाइडा।

१ कोरिन्थी 2:2

गो गानीनुङ बाङडोलो येशू ख्रीष्‍ट नुङ गुमीलाई क्रूसडा चेट्‌मिडिम ल्‍वाडाम वाङमिम खोत्‍ले प्‍ल्‍वापा मुलु़ बेउतोम बाइडा।

एफिसी 2:17

गुमी योम्‍डिमा माम्‍चु़नीडाम होनोवा दु़म्‍पा गानी मेयहूदीमिम नुङ माम्‍चु़नी फार्डा बाट्‍पा यहूदीमिमलाई उनी न-थो़म घ्रो़म्‍बेट्‍पा जो़पा-सेला थो़बेट्‌मिडी।

एफिसी 3:8

ख्रीष्‍टकु सेपा मु़चु़मिमगोडा गो खोत्‍लेडाम याक्‍के लोवो मिम्‍मु वो मेझापा हापा थिकाम ख्रीष्‍टकु दुथाममिम जो़पा-सेला वाङसामामिमलाई थो़बेट्‌पा डोक्‍पु खारी बोमु गोलाई ग्‍वाङडिमी।

तीतस 1:3

जो़पा-सेला थो़बेसीलामका गुमीका मुलु़ बेम्‍डिम जो़पा थारीका मु़चु़मिमलाई ओराम ल्‍वा चबेट्‌मिडी। गुमीका मेराम खारी बेबेट्‌ङिडिमी मा गुइलाई सेल्‍पा इकी माम्‍चु़नीका बेबेट्‌ङिडिमिम होम्‍साका गो बेउतो।

हिब्रू 6:5

माम्‍चु़नीकु जो़पा सिजेम ल्‍वापामिम, मा रोक्‍पा थारीकाम माम्‍चु़नीकु यु़मखारी ल्‍वापा

१ पत्रुस 1:12

माम्‍चु़नीका गुमीलाम-जेपामिमका जेम्‍डिम ल्‍वा मेर्मिमलाई जो़पा दु़म्‍पा मेएँ, लावो इनीमा लागि सो़ र्‍वाक्‍पा मेर्मिमनुङ रेम्‍बेम्‍डी। पाह्रीलामका माम्‍चु़नीका थु़र्मिडिम माम्‍चु़नी-पेलकु यु़मलामका मेर्मिमका गानीलाई थेसिथेन्‍बेट्‌निम बाइडा। ओराम ल्‍वा थेसिथेन्‍मु पाह्रीचो़मिमकाम वो छो़म उनी न बु।

१ पत्रुस 1:23

सिपा भ्रल मेएँ लावो मेसिपा भ्रल, हेल्‍लो वो मेसिपा मा हेल्‍लो लोवो दु़म्‍पाम बाट्‌पा माम्‍चु़नीकु सिजेमलामका गानी आथावो गक्‍निम बु।

१ पत्रुस 2:2

मालो गक्‍पा चो़च्‍चो़का उमा मामकु दु़दु़ डुमु मालु़मिम होङङा गानी वो माम्‍चु़नीकु सिजेम थो़पा छो़म न बेनी। मेम्‍साका माम्‍चु़नीडलाम इनी थो़र बर्तो ल, मा गानी सेल्‍सिनी।

२ पत्रुस 1:19

मेम्‍मिमका गुकु थो़त्तोकोम माम्‍चु़नीलाम-जेपामिमकु सिजेमडा छो़म आच्‍छाङा दु़स्‍ताम बु। नेमसोसोम सोरलुङ मेओप्‍थु़म नुङ नेमसोसो मेदु़मथु़मसम्‍म तुकुम्‍चिमडला झ्‍वाक्‍पा ओल होप्‍माम मेराम सिजेमडा न सोक्‍नी माला गानी जो़पा बोनी।

१ यूहन्‍ना 1:1

सु़म्‍दिमोलो आथामङा बाट्‌पा कोले, गुमीलाई गुकु ल्‍वात्तोकोम थो़त्तोकोम बु। गुकु आकी मिक्‍सीकाङा गुमीलाई ल्‍वात्तोकोम बु, मा आकी ल्‍वाकाङा गुमीलाई लु़प्‍तोकोम बु। गुमी येशू ख्रीष्‍ट, त्‍वारो़म ग्‍वाक्‍पा सिजेम।

१ यूहन्‍ना 1:3

गुकु हाम ल्‍वात्तोको थो़त्तोको मेराम गानीनुङ सो़कु, मेम्‍साका गुकुनुङ इनीमा हेमकेम दु़म्‍नु़। आकीमा वो हेमकेम माम्‍चु़नी पाप नुङ उनीमा तारापाचो़ येशू ख्रीष्‍टडा बु।

रेम्‍बेट्‌मिडिम ल्‍वा 14:6

मेम्‍मा कोङमी पाह्रीचो़ धामुकु थेतेडा हुट्‌पाम बाट्‌पा गो ल्‍वाउतो। सुबुडा बाट्‌पा खोत्‍ले नेब्‍दीमिम, दोचो़, ल्‍वा जेपामिम नुङ मु़चु़मिमलाई थो़बेन्‍मु हेल्‍लो लोवो बाट्‌पाम बाट्‌पा जो़पा-सेला गुनुङ बाइडा।