१ पत्रुस 1:22 - थुलुङ राई

²² आच्‍छाङाकाम ल्‍वा होङङा बेसाका गानी इनी त्‍वापलाई छेको-छेको दु़म्‍बेट्‌निम बु। मेम्‍मिमका थो़र लु़पा इनीमा वा-ल्‍वाकलाई आच्‍छाङाका रिखाम बेनी, मा इनी त्‍वाप-त्‍वापडा न-गोलामकाङा छो़म रिखाम बेबेनी।

१ पत्रुस 1:22 Iomraidhean Croise

यूहन्‍ना 15:17

गो गानीलाई र्‍वाङुमिम ल्‍वा ओरामङा सो़: रिखाम बेबेनी।

यूहन्‍ना 15:3

गो गानीलाई र्‍वाङ्‌डोम सिजेमका गानी बासीङा सेपा दु़म्‍मु दु़म्‍निम बु।

यूहन्‍ना 17:17

मेर्मिमलाई आच्‍छाङाम ल्‍वाडा सेपा दु़म्‍बेट्‌नी, इनीमा सिजेम आच्‍छाङाम बु।

यूहन्‍ना 17:19

“इनीमा आच्‍छाङाकाम ल्वाका मेर्मिम सेपा दु़म्‍मीनु़ र्‍वाक्‍साका गो आ त्‍वापलाई वो सेपा सासेसी दु़म्‍बेट्‍पु।

थु़र्मा 15:9

गुमीका वाङसामामिम नुङ गुइलाई मेफ्‍वाक्‍सामिवा, लावो मेर्मिमका थो़र लु़म्‍डिमका गुमीका खोत्‍लेकु न-गो सेपा दु़म्‍बेट्‌मिडी।

थु़र्मा 6:7

माम्‍चु़नीकु सिजेम खोत्‍लेथो़ फोन्‍सिक्‍तो लस्‍ता। मेकोतिमा सीसिपामिम यरूशलेमडा छो़म बर्मिडी, मा डु़म्‍लाचो़मिमगोडाम वो हापाका माम्‍चु़नीडा थो़रलु़म्‍डी।

रोमी 1:5

इकीमा ङाचो़ येशू ख्रीष्‍टलामका माम्‍चु़नीका गोलाई दिदाम ग्‍वाक्‍साका उनीमा थु़र्मा दु़म्‍बेट्‌ङिडिमी। खोत्‍ले सामाडाम मु़चु़मिमका थो़रलु़मिनु़ मा गुमीका र्‍वामिमिम ल्‍वा थो़मिनु़ र्‍वाक्‍साका उनीमा नङडा खारी बेप्‍डा गोलाई थु़र्ङिडिमी।

रोमी 2:8

लावो रिबुसी किट्पा, त्‍वाकाम कोङङा जो़पा बोमु माल्‍पा, आच्‍छाङाकाम ल्‍वा मेथो़पा, मा मेजो़पा खारी बेपामिमडला माम्‍चु़नीका उनी छोक्‍चो हान्‍मी।

रोमी 8:13

हेङालोने इनीमा नसीहोमका दोनी माला गानी सिनी। लावो माम्‍चु़नी-पेलकु यु़मका इनीमा मिरो़मडाम बादु़खाम पार्नी माला गानी त्‍वारो़म ल्‍वानी,

२ कोरिन्‍थी 6:6

गुकु मेख्‍लो़ट्‌पा दु़म्‍साका, थेसीथेट्‍पा नेप्‍चीका, इम्‍सी नुङ न-थो़म रेम्‍बेसीडा, माम्‍चु़नी-पेलडा, आच्‍छाङाकाम रिखामका,

गलाती 3:1

ए नेप्‍ची मान्‍थिम गलातियाडाम मु़चु़नी, मेजो़पा लाम्‍दीथो़ लाम्‍दिमु लागि गानीलाई सु़का कोक्‍नी? इनीमा मिक्‍सीलामडाङा येशू ख्रीष्‍ट क्रूसडा चेसिम्‍डिम ल्‍वाकु दुथाम जो़होमका र्‍वाक्‍मा बाइडा।

गलाती 5:5

लावो गुइ थो़रलाम माम्‍चु़नीकु ङादोडा जो़पा न-गोकाम दु़म्‍सिनु़ र्‍वाक्‍साका इकी न-गोडा लन्‍थामु चापा ने माम्‍चु़नी-पेलका दु़म्‍बेसामी।

गलाती 5:7

गानी जो़पा ओन्‍सीडा ओन्‍तोङा बेन्‍नी। लावो गानीलाई आच्‍छाङाकाम लाम्‍दीडा लाम्‍दिमु लागि सु़का गानीलाई भोप्‍नी?

एफिसी 4:3

माम्‍चु़नी-पेललामका गानीलाई दु़बेट्‌निमिम बु, हेल्‍लो लोवो न-गो भ्रसिक्‍तो ओराम दु़सीगोडा बुमुम बुमु माल्‍नी।

फिलिप्‍पी 1:9

गो इनीमा लागि ओराम सो़म्‍दी बेउ: इनीमा रिखाम, नेप्‍ची, नुङ थेसिथेसी छो़म बर्तो-बर्तो लनु़,

१ थेसलोनिकी 3:12

गानीलाई गुकु रिखाम बोकुमिम होङङा इनी त्‍वाप-त्‍वापडा बेबोनिमिम रिखाम ङाचो़ येशूका बर्बेन्‍सानिमिनु़ मा वाङमिम मु़चु़मिमलाई छो़म रिखाम बेपा दु़म्‍बेनिमिनु़।

२ थेसलोनिकी 1:3

वा-ल्‍वाकनी, इनीमा लागि गुकु हेल्‍लो लोवो माम्‍चु़नीलाई आलासो़ ग्‍वामुङा बासी। ओराम जो़पा दु़म, हेङालोने ख्रीष्‍टडा गानी छो़म थो़रलु़त्तो लनिम बु, मा वाङमिम मु़चु़नुङ वो छो़म रिखाम बेबोनिमिम बु।

२ थेसलोनिकी 2:13

माम्‍चु़नीका रिखाम बेपा वा-ल्‍वाकनी, इनीमा लागि माम्‍चु़नीलाई हेल्‍लो लोवो आलासो़ ग्‍वामुङा बासी। हेङालोने माम्‍चु़नी पेलका गानीलाई सेपा उनी मु़चु़ दु़म्‍बेट्‌निम नुङ आच्‍छाङाकाम ल्‍वाडा बेन्‍निम थो़रलाम माम्‍चु़नीका गानी खोत्‍लेडाम ङादो सेल्‍सिमु छेट्‌निम बु।

१ तिमोथी 1:3

गो माकेडोनियाडा लङ्‌डोलो गानानुङ छो़म र्‍वाङ्‌जो़ल्‍ङोडोम होम्‍साका गाना एफिससडाङा बाया, मा लिमा ल्‍वा सीपा मु़चु़मिमलाई मेम मेबेनी बेमी,

१ तिमोथी 1:5

गो बेबेट्‌निम ल्‍वाका र्‍वामु मालु़मिम ने रिखाम बेबोमु सो़। मेराम रिखाम ने जो़पा गो, जो़पा ल्‍वा माल्‍पा न नुङ आच्‍छाङा थो़र लु़साका रो।

१ तिमोथी 4:12

स्‍वाला र्‍वाक्‍साका गानालाई सु़का वो याक्‍के मेमिम्‍नामिनु़, लावो थो़रलु़पामिमकु ङादोडा सिजेमडा, खारी बेसी नुङ रिखामडा, थो़रडा नुङ नडा जो़पा दु़म्‍साका रेम्‍बेसा।

१ तिमोथी 5:2

ङामी मेसेममिमलाई त्‍वाकु माम होङ्‍ङा नुङ स्‍वालामेमिमलाई जो़पा नका त्‍वाकु मेसेम ल्‍वाक होङ्‍ङा बेमी।

२ तिमोथी 1:14

गुइनुङ बाट्‌पा माम्‍चु़नी-पेललाम ख्‍लो़ला सो़क्‍सिका गानालाई जु़ल्‍मु ग्‍वाक्‍मा आच्‍छाङाकाम सीसि जो़होमका बोथाडा-थार्थाडा।

हिब्रू 11:8

थो़रकाङा अब्राहामका दिफु गुका ल्‍वापा बायथो़ लमु माम्‍चु़नीका येट्‌मिडिलो बिसिड्‌डा। मेम्‍मा गु बान्‍थो़ लक्‍तोङा बु़डु़म मेराम मेचकु़वा लोवो गु लस्‍ता।

हिब्रू 13:1

गानी इनी त्‍वाप-त्‍वापगोडा वा-ल्‍वाक होप्‍माम दु़म्निमका रिखाम बेबेनिम बानी।

हिब्रू 5:9

आरेसाका माम्‍चु़नीका र्‍वाम्‍डिम खोत्‍ले खारी बोमु दु़म्‍मिडिम चङडा येशूका थो़रलु़पामिमलाई हेल्‍लो वो मेसिपा त्‍वारो़म ग्‍वामु लागि सेल्‍मिडी।

हिब्रू 6:10

माम्‍चु़नीडला थो़रलु़पामिमकाम लागि गानी जो़पा खारी नुङ रिखाम बेन्‍नी मा आथावो बोनिम बुनी। माम्‍चु़नी जो़होमका निया बोमी। मेम्‍मिमका गानी बेन्‍निम जो़पा खारी नुङ रिखाम गुमीका प्‍ल्‍वाम्‍डिम मिबु।

हिब्रू 9:14

लावो येशूकु सिसिका ने ओरामडाम छो़म डोक्‍पु खारी बु़। येशू मुमा मान्‍थिम दु़म्‍साका हेल्‍लो लोवो दु़म्‍पाम बाट्‍पा माम्‍चु़नी-पेललाम माम्‍चु़नीडा सासेन्सिम्‍डी। उनीमा सिसिका सिमुलामथो़ लक्‍पा खारीलामका गुइलाई ख्‍लोक्‍सा मा इकीमा मेजो़पा न-गोलाई सेपा दु़म्‍बेडु़। मेम्‍मा गुइलाई हेल्‍लो लोवो दु़म्‍पा माम्‍चु़नीकु खारी बोमु चापा दु़म्बेसा।

याकूब 1:21

मेम्‍मिमका खोत्‍ले घ्रामलु़पा ल्‍वामिम नुङ मेजो़पा ल्‍वामिम पार्नी, मा इनीमा गोगोडा ख्‍लिम्‍थाट्‌मा माम्‍चु़नीकु सिजेम याक्‍के दु़म्‍साका रनी। मेरामका गानीलाई सेल्‍मु चाम्‍नी।

याकूब 4:8

माम्‍चु़नीकु ङादोडा लक्‍नी, मेम्‍मा गुमी वो इनीमा ङादोडा रोमी मा गानीनुङ कोयोङा बुमी। माम्‍चु़नीकु सिजेम होम्‍साका मेदोपा छु़लचो़नी, इनी ल्‍वा सेपा बेनी। माम्‍चु़नी नुङ सु़म्‍दिसेर निफिथो़ङा न जु़ल्‍पा मु़चु़नी, इनीमा न-गो सेपा बेनी।

१ पत्रुस 1:2

ङादो आथाममिम उनी मुलु़ होम्‍साका माम्‍चु़नी पापका गानीलाई उनी त्‍वाकु मु़चु़ दु़म्‍मु छेट्‌निमी। येशू ख्रीष्‍टकु सिसिका कोसाका सेपा दु़म्‍साका गुमीका र्‍वामिमिम गानी थो़नी र्‍वाक्‍साका गुमीका गानीलाई उनी पेलका उनीमा बनेबेन्‍नी। माम्‍चु़नीका गानीलाई दिदाम नुङ न-भ्रसी छो़म हापा ग्‍वानिमिनु़।

१ पत्रुस 2:17

खोत्‍ले मु़चु़मिमलाई डोक्‍पु मिम्‍नी। थो़रलु़पा वा-ल्‍वाकमिमलाई रिखाम बेनी। माम्‍चु़नीकु ङिम जु़ल्‍नी, हपलाई डोक्‍पु मिम्‍नी।

१ पत्रुस 3:1

गानी नाइमेमिम वो मेम्‍साकाङा इनी त्‍वाकु वोचु़कु साखामगोडा बानी, मा मेर्मिमका माम्‍चु़नीकु सिजेमडा थो़र मेबोमी माला वो हाम वो मेसो़साका उनी नाइमेमिमकु बासी-पेसीलामका,

१ पत्रुस 3:20

मेर्मिमका माके माम्‍चु़नीका र्‍वाम्‍डिम होम्‍साका मेबेमिवा। नोआका कुबी-बोक्‍सा बनेबु़डु़लोसम्‍म माम्‍चु़नीका इम्‍साका लम्‍थाट्‌मिडिम बाइडा। मेराम कुबी-बोक्‍सागोनो खोत्‍ले लेत्‍ले मु़चु़मिम कोङङा कुड्‌डा प्‍लु़म्‍सिमुडाम सेल्‍सिम्‍डिम बाइडा।

१ पत्रुस 3:8

हुम-दडा, गानी खोत्‍ले कोले नकाम दु़म्‍साका बानी। कोलेका कोङमीकु दु़खाडा रेम्‍बेबेपा दु़म्‍नी, वा-ल्‍वाकलाई होङङा रिखाम बेबेनी, न-थो़मनुङमा दु़म्‍नी, मा याक्‍के दु़म्‍नी।

१ पत्रुस 4:17

हेङालोने माम्‍चु़नीकु मु़चु़मिमलामकाङा निया दु़म्‍मु चो़म्‍सिक्‍पा थारी रोक्‍ताम बु। निया दु़म्‍मु गुइलामकाङा चो़म्‍सी माला ने माम्‍चु़नीकु जो़पा-सेला होम्‍साका दोमु मेद्‌वाक्‍पामिमलाई ने हाम दु़म?

१ पत्रुस 4:8

खोत्‍लेडाम डोक्‍पु ल्‍वा, छो़म रिखाम बेबेनी। हेङालोने हापा सेर्पा छु़लमिमलाई रिखामका ङ्‌याकु़।

२ पत्रुस 1:7

माम्‍चु़नीकु लाम्‍दीडा लाम्‍दीसीडला वा-ल्‍वाकडा न-थो़म बेबेसी, वा-ल्‍वाकडा न-थो़म बेबेसीडला रिखाम काप्‍तो लक्‍नी।

१ यूहन्‍ना 3:11

गुइ ङादो आथाम थो़स्‍तिम सिजेम ओरामङा सो़: गुइ रिखाम बेबोमु बासी।

१ यूहन्‍ना 3:23

गुमीका गुइलाई बेबेसाड्‌डामिम ल्‍वा ओरामङा सो़: उनीमा तारापाचो़ येशू ख्रीष्‍टडा गुइ थो़र लु़मु बासी, मा गुमीका बेबेसाड्‌डामिम होङङा कोलेका कोलेलाई रिखाम बोमु बासी।

१ यूहन्‍ना 4:12

सु़का वो हेल्‍लो वो माम्‍चु़नी ल्‍वाम्‍डिम मिबु, लावो गुइ रिखाम बेबिइडी माला माम्‍चु़नी गुइगोडा बुमी, मा गुमीका गुइगोडा बोमु न बोमिमिम होङङा उनीमा रिखाम दु़म।

१ यूहन्‍ना 4:20

कोङनिम मु़चु़का “माम्‍चु़नीलाई गो रिखाम बेउ” र्‍वा लावो थो़र लु़पा वा-ल्‍वाकलाई मेद्‌वाकु़मी माला मेराम मु़चु़ लिमाचो़। हेङालोने मिक्‍सीका ल्‍वासिमिम मु़चु़मिमलाई रिखाम मेबी माला मिक्‍सीका मेल्‍वासिमिम माम्‍चु़नीलाई हेसाका रिखाम बि मा?

१ यूहन्‍ना 4:7

द्‌वादीबुङ ङोप्‍सो़नी, गुइ कोलेका कोलेलाई रिखाम बेबी, हेङालोने रिखाम माम्‍चु़नीलाम रो। सु़का रिखाम बु़ गु माम्‍चु़नीकु चो़ मा गुका माम्‍चु़नीलाई छेडु़।

रेम्‍बेट्‌मिडिम ल्‍वा 2:4

लावो इमा दुथाम गो मेद्‌वाक्‍पुमिम ओराम ल्‍वा बु: गाना ङादोम होम्‍साका गोलाई रिखाम बोमु डिट्नाम बु।